മായാതെ....!

ഉരുകിയൊലിക്കുന്ന ഗ്രീഷ്മത്തിലറിയുന്നു,
തണലേകി പൊള്ളിയോരെന്റെ പുണ്യം......

ഉടലെന്ന തിരിനാളമഗ്നിഗോളങ്ങളായി -
ഉണരുന്നൊരായിരം യാഗാശ്വമായ് .

ഉയിരിന്റെയുൺമയായുച്ചിയിൽസ്പർശമാ -
യുടയാത്ത സ്നേഹത്തിൻ തിരിനാളമായ്

ഇനിവരും ജന്മനിയോഗത്തിലൊക്കെയും
വറ്റാത്തൊരുറവയായ് വഴികാട്ടിയായി.

വറുതിയിൽ ചുട്ടൊരു വരദാനമല്ലയോ
അറിവിന്റെ താളിലെയഗ്നിയും നീതന്നെ

അച്ഛന്റെ മകനായഗ്നിസ്ഫുലിംഗമായ്,
അടരാതെ പൊരുതുന്ന പോരാളിയായ്.

പദമലരടികളിൽ ചെറുപാദമൂന്നി
ഇടറാതെ തുടരുന്നു നിൻകൃപയാൽ .

By Sreedhar RN