അമ്മയുടെ ലൈക്കും കമൻറും

( ഒരു നുറുങ്ങ് ചിന്ത)

സ്വാമിയേ രക്ഷിക്കണെ
ഗുരുവായുരപ്പാ കാത്തോളണെ
എന്റെ ദേവീ പൊലിപ്പിക്കണെ

പരീക്ഷക്കായി വാതിലടച്ചിരുന്ന് പഠിക്കുന്ന മകന്റെ മുറിക്കുള്ളിൽ നിന്ന് പ്രാർത്ഥന കേട്ടപ്പോൾ ഉറങ്ങാനായി ബഡ്റുമിലേക്ക് നടന്ന അമ്മക്ക് ഒരു പാട് സന്തോഷമായി ...ബഡ് റൂമിൽ ചെന്ന് ഭർത്താവിനെ വിളിച്ചു

" ദേ ഒന്നിങ്ങ് വന്നെ''

രണ്ടു പേരും മുറിക്ക് പുറത്ത് നിന്ന് ചെവി വട്ടം പിടിച്ചു ... പ്രാർത്ഥന കേമമായി തുടരുന്നു:

രണ്ടു പേരും സന്തോഷത്തോടെ ഉറങ്ങാൻ കിടന്നു

" പാവം നമ്മുടെ മോൻ ദൈവഭയം ഉള്ള കുട്ടിയാ . നാളത്തെ പരീക്ഷ നന്നായാൽ മതിയായിരുന്നു "

........
രാവിലെ എഴുന്നേറ്റ് പരീക്ഷക്ക് പോകാൻ മകൻ റഡിയായി :

"അമ്മെ ബ്രേക്ക് ഫാസ്റ്റ് "

നല്ല ചൂടുള്ള പുട്ടും കടലയും മുമ്പിലെത്തി
അമ്മ മകന്റെ കവിളിൽ ഉമ്മ വെച്ചു

''ന്താ മ്മെ "

"അമ്മടെ മോൻ നല്ല കുട്ടിയാ.... ഇന്നലെ രാത്രി പരീക്ഷ നന്നായി എഴുതാൻ പ്രാർത്ഥിക്കുന്നത് അമ്മ കേട്ടു: അമ്മക്ക് സന്തോഷായി "

''അയ്യോ അമ്മാ അത് എക്സാമിന് വേണ്ടി പ്രാർത്ഥിച്ചതല്ല "

''പിന്നെ "

"ഞങ്ങൾക്ക് ഒരു എഫ് ബി ഗ്രൂപ്പുണ്ട് "ചൂടുള്ള കട്ടനും അമ്മയുടെ സ്നേഹവും " എന്നാണതിന്റെ പേര് ...അമ്മ തന്ന കട്ടനും കുടിച്ച് ബെഡ് റൂം ലാമ്പിന്റെ വെളിച്ചത്തിൽ പരീക്ഷക്ക് പഠിക്കുന്ന ഒരു സെൽഫി ഞാൻ പോസ്റ്റ് ചെയ്തു.... അതിന് 1 K ലൈക്ക് കിട്ടണെന്ന് പ്രാർത്ഥിച്ചതാ"

അരിശം മൂത്ത അമ്മ അവന്റെ തുടയിൽ നുള്ളി

"അയ്യോ അമ്മെ വേദനിക്കുണു ... പിച്ചല്ലെ "
" ഇത് നിന്റെ സെൽഫിക്കുള്ള അമ്മേടെ ഒരു നൂറ് ലൈക്കായി കണക്കാക്കിക്കൊ"

അമ്മേടെ ലൈക്കും കമൻറും ശരിക്ക് കിട്ടിയ അവൻ അച്ചന്റെ ലൈക്കിനും കമൻറിനും കാത്ത് നിൽക്കാതെ പുട്ടും കടലയും കഴിച്ച് വേഗം സ്ഥലം വിട്ടു

By: Suresh Menon