നല്ലെഴുത്ത്

The biggest ever archive in Malayalam Literature. 2.5 crores pageviews, 14000+ creations, 2000+authors and adding on....

New Books

Post Top Ad

Your Ad Spot

റിക്വസ്റ്റ് ബിരിയാണി'' (പാചകം)

'Image may contain: 1 person, closeup
========
, (ഷൗക്കത്ത് മൈതീൻ ,)
======
സുഹൃത്തുക്കളെ , ഒരു സോഷ്യൽ മീഡിയ റിക്വസ്റ്റ് ബിരിയാണി തയ്യാറാക്കുന്ന വിധം,
ചേരുവകൾ,
========
റിക്വസ്റ്റ് അരി 1 കിലോ,
മെസഞ്ചറിൽ ബ്ളോക്കിയ കോഴി 3 കിലോ,
ടാഗ് ഓയിൽ അര കിലോ,
ഡിലീറ്റ് ആവശ്യത്തിന്,
ലൈക്ക് പൊടി രണ്ട് ടീസ്പൂൺ,
ചൊമന്ന ലൗ ചിഹ്നം ഒരു ടീസ്പൂൺ
തൊലി കളഞ്ഞ കമന്റ് ചതച്ചത് ഒരു തവി,
ഫോളേ അപ്പ് ഒരു നുളള്,
തയ്യാറാക്കുന്ന വിധം,
=============
പാലക്കാട് നിന്ന് പാഞ്ഞ് വന്ന , പാലക്കാടൻ റിക്വസ്റ്റ് അരി കഴുകി വാളിൽ വയ്ക്കുക
, (ദയവായി കുടിയന്മാർ ഒർജിനൽ വാള് വയ്ക്കരുത് )
പ്രൊഫൈൽ പിക്ചർ കഴുകി ടൈംലൈൻ അടുപ്പിൽ വയ്ക്കുക,
പാസ് വേഡുപയോഗിച്ച് പച്ച തീ പിടിപ്പിക്കുക, ശേഷം ,
പ്രൊഫൈൽ പിക്ച്ചറിലേക്ക് ടാഗ് ഓയിൽ ഒഴിക്കുക, ഓയിൽ ചൂടായി കഴിഞ്ഞാൽ ഒരു നുളള് ഫോളോ അപ്പ് ഇടാൻ മറക്കരുത് ... ഫോളോ അപ്പ് പൊട്ടിത്തെറിച്ചതിനു ശേഷം,
നേരത്തെ സെർച്ചിൽ അരിഞ്ഞു വച്ചിരിക്കുന്ന മ്യൂച്ഛൽ സവാളയും, എഫ് ബിയിലെ ചതച്ച ഫേക്ക് ഇഞ്ചിയും ഇതിലേക്ക് ആഡ് ചെയ്യണം ..
ആഡ് ചെയ്ത ശേഷം നന്നായി മെൻഷൻ (ഇളക്കുക ) ചെയ്തോണ്ടിരിക്കണം ... പൊതുവെ ''ഇളക്ക''മുളള വർ ഒന്ന് സൂക്ഷിച്ചു ഇളക്കുന്നത് നന്നായിരിക്കും,
ഈ സയമം ചൊമന്ന ലൗ സ്റ്റിക്കറും, ലൈക്ക് പൊടിയും, തൊലികളഞ്ഞ കമന്റ് ചതച്ചതും അതിലേക്ക് ആഡ് ചെയ്യാം ...
ഇൻബോക്സിൽ നിന്നെടുത്ത ഒരു കപ്പ് ''ഒലിപ്പീര് '' ഒഴിക്കുമ്പോൾ അളവ് കൂടാതെ ശ്രദ്ധിക്കണം,...
ഇനി നമുക്ക് ,മെസഞ്ചറിൽ നിന്നു ബ്ളോക്കി പിടിച്ച നുറുക്കിയ കോഴി
ഓരോ പീസ് ഇതിലേക്ക് ഇട്ട് കൊടുക്കാം ...
ആവശ്യത്തിനു ഡിലീറ്റ് സാൾട്ടിടാൻ മറക്കരുതേ,...
കരിഞ്ഞു പോകാതെ ടൈംലൈനിലെ പച്ച വെളിച്ചത്തിന്റെ പവർ കുറച്ചിടാനും മറക്കരുത് കേട്ടോ ...
കോഴിയെ ആഡ് ചെയ്തു കഴിഞ്ഞാൽ ''ഒൺലി മീ '' പാത്രം വച്ച് മൂടി വയ്ക്കണം ...
മൂടി വയ്ക്കുമ്പോൾ പാത്രത്തിനുളളിൽ നിന്ന് '' ചാറ്റിങ്ങിന്റെ കസ്തൂരി സുഗന്ധം അനുഭവപ്പെടും,..
. ലേശം ഗ്രേവി നാക്കിൽ വച്ച് നോക്കി എഡിറ്റു ചെയ്യാം .....
പിന്നീട് ഇതിന്റെ ലിങ്ക് നമുക്ക് വേറെ പാത്രത്തിലേക്ക് ചൂടേടെ ഷെയർ ചെയ്യാം ...
കോഴിയെ ഷെയർ ചെയ്തു കഴിയുമ്പോൾ ടൈംലൈനിലെ കലത്തിൽ ഒലിപ്പീര് മാത്രം ബാക്കിയാകും, അതിലേക്ക് പാലക്കാടൻ റിക്വസ്റ്റ് അരി ആഡ് ചെയ്യണം ... പച്ച വെളിച്ചം കുറച്ചു കൊണ്ട് ആ ഒലിപ്പീരിൽ തന്നെ അരി വേവിച്ചെടുക്കാം,..
ഇപ്പോൾ റിക്വസ്റ്റ് ബിരിയാണി റെഡിയായി ... ഇനി ബിരിയാണി വിളമ്പുമ്പോൾ, പ്രഭാത കുളിരിൽ കഴുകി വച്ചിരിക്കുന്ന 'ശുഭദിനം പോസ്റ്റ് ' ലേശം വിതറുന്നത് ഏറെ രുചികരമായിരിക്കും,...!!
വളരെ എളുപ്പത്തിൽ ചെയ്യാവുന്ന സ്വാദിഷ്ടമായ പാചകമാണ് '' റിക്വസ്റ്റ് ബിരിയാണി ''
നിങ്ങളുടെ ''ഫ്രണ്ട്സ് ഡേ '' യ്ക്കു
''റിക്വസ്റ്റ് ബിരിയാണി '' കൊണ്ട് ആഘോഷിക്കു,....
എല്ലാവരും ഈ വിഭവം തയ്യാറാക്കി കഴിക്കുക, അഭിപ്രായം പറയുക, ...
അടുത്ത വീഡിയോയ്ക്ക് കാത്തിരിക്കുക...
ഓകെ ..ബൈ ...
=======
ഷൗക്കത്ത് മൈതീൻ ,
കുവൈത്ത്,...

No comments:

Post a Comment

ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക

Post Top Ad

Your Ad Spot