നേരിന്റെ നേർക്കാഴ്ച

( ജോളി ചക്രമാക്കിൽ )

നേരിന്റെ നേർകാഴ്ചയിൽ
ഒരുമാത്രയെൻ സജലമിഴികൾ
ഉടക്കിയൊരുടലിന്റെ
അതിർവരമ്പുകൾ ഭേദിച്ചൊരോർമ്മ
പഴയൊരു സ്വപ്നത്തിൻ ചിറക് മുളപ്പിച്ചൂ വീണ്ടും .

ഇനിയിങ്ങു വരാത്തൊരാ
കൊഴിഞ്ഞ പകലിന്റെ
തുടർച്ചയിൽ പൂത്തുലഞ്ഞൊരാ
ഈറൻ സന്ധ്യയിൽ
സ്വേദകണങ്ങളാൽ മേനിയുഴിഞ്ഞൊരാ
നിമിഷങ്ങൾ
ചന്ദനക്കുറി കുതിർന്നതും
കുപ്പിവളയുടഞ്ഞതും
കിതപ്പാറി നിശ്ചലമായി.

ഓർമ്മകളെ കരിവള ചാർത്തി
ദു:ഖസ്മൃതികളിന്ന് നിറം വാർന്നു
ഹൃദയം നുറുങ്ങുന്നൊരു വേദനയാവുന്നു..

2019 - 11 - 02
( ജോളി ചക്രമാക്കിൽ )