Slider

നീ അടുത്തുണ്ടായിരുന്ന കാലം


"""'""""""""""""""""""'"'''''''''''"""""""""""'''"'''''''''''''''''
നീ അടുത്തുണ്ടായിരുന്ന കാലം
നിന്നിൽ ഞാനുണ്ടായിരുന്ന കാലം
എന്നിൽ
പൂക്കളും ചിത്രപതംഗങ്ങളും,പിന്നെ
മഴവില്ലുമുണ്ടായിരുന്ന കാലം
അടരുന്ന നിമിഷ ദളങ്ങളെല്ലാം
അടരുവാൻ-
വയ്യെന്ന് കെഞ്ചി പറഞ്ഞ കാലം
തമ്മിൽ,കണ്ണുകളിൽ കണ്ണുകളിൽ
നോക്കിയിരുന്നു നാം
മൗനസമ്മതമേകിയ നഷ്ട കാലം
മനം-കാർ കണ്ട
വർണ്ണ മയൂഖങ്ങൾ പോലവെ
നർത്തനമാടിയ ഇഷ്ട കാലം
ഉണ്ണുമാ നിൻ ചാരെ
നോക്കിയിരുന്നു ഞാൻ
ഊട്ടുവാൻ മോഹിച്ച മോഹകാലം.
കാതിൽ,
നിൻ കളിച്ചിരികൾ പൊട്ടിച്ചു കാലം
തേനമൃതൂട്ടിയ വിരുന്നു കാലം
എൻ ഹൃത്തിലായ് നിന്മുദ്ര,-
ത്രിക്കാപ്പ് ചാർത്തിയ
വാടാത്ത കൊഴിയാത്ത വസന്ത കാലം
അന്ന് -
നീയെന്നടുത്തുണ്ടായിരുന്ന കാലം..
✍️ഷാജിത് ആനന്ദേശ്വരം
both, mystorymag

DON'T MISS

Nature, Health, Fitness
© all rights reserved
made with by templateszoo