ഫ്രിഡ്ജ്‌ കമ്പനി

ചെറുകഥ
ഫ്രിഡ്ജ്‌ കമ്പനി
രചന : പൈമ
ഫോൺ ബെല്ലടിക്കുന്നു.
രാജിവ് ഓർത്തു.ആ ഫ്രിഡ്ജ് കമ്പനിക്കാർ ആയിരിക്കും. കഴിഞ്ഞ ദിവസം ഊട്ടി ട്രിപ്പിനു തന്റെ പേരു തിരഞ്ഞെടുത്തിരിക്കുന്നുഎന്നാണല്ലോ പറഞ്ഞത്. കാലു സാധീനമില്ലാതെ നാലു ചുമരുകൾക്ക് ഉള്ളിൽ കിടക്കുന്ന തനിക്ക് എന്തിനാണ് ഈ ടൂർ പരിപാടി? തന്റെ പേരിലുള്ള ചിട്ടികാശിനാണ്ഫ്രിഡ്ജ് വാങ്ങിയത്. അതു കൊണ്ടാണ്അമ്മ
തന്റെ പേര് എഴുതി കൊടുത്തത്. "സാർ..ഇതു ഐഡിയയുടെ ഓഫിസിൽ നിന്നാണ് ഈ മാസത്തെ നെറ്റ്ബിൽ അടച്ചില്ല" ഫോണിൽ ഒരു കിളിമൊഴിയാണ്.
തനിക്ക് ആകെ ജിവിക്കണമെന്ന് തോന്നുന്നത് തന്നെ നെറ്റ് ഉള്ളതു കൊണ്ടാണ്.ഇപ്പോ അതിന്റെ കാര്യം
പോക്കാണ്. ബ്ലോഗ്ഗെഴുത്ത് നിക്കുമെന്നാ തോന്നണേ...രൂപാ കിട്ടണമെങ്കിൽ കുരുമുളക് വില്ക്കണം.. കുരുമുളക് പറിക്കാൻ വരാമെന്ന് പറഞ്ഞ പയ്യൻ വന്നിട്ടില്ല..അവൻ എവിടെയോഇന്‍റര്‍വ്യൂവിനു പോയതാന്നാ അറിഞ്ഞേ.ബി ടെക്ക് കഴിഞ്ഞതാണല്ലോ അവൻ.എൻജിനിയെഴ്സിനൊന്നും ഒരു വിലയും ഇല്ല ഇക്കാലത്ത്.റേഷൻ കടയിൽ പുഴു തിന്ന അരി എടുത്തുകൊടുക്കാൻ ഇനി ബി ടെക്ക് കാരെ നിർത്തേണ്ടി വരും. അതാവാം സർക്കാർ ഇത്ര അധികം കോളേജുകൾക്ക് അഗീകാരം കൊടുക്കുന്നത്.ബ്ലോഗ്ഗില്ബി ടെക്ക് കഴിഞ്ഞ ഒരു പെൺകൊച്ച് ജോലി ഒന്നും കിട്ടാതെ പൊട്ടത്തരങ്ങൾ എഴുതികൂട്ടുന്നുണ്ട്..
ബ്ലോഗ്ഗില്‍ആർക്കും തന്റെ കറുത്ത മുഖത്തേയോവികലാംഗത്തെയോ അറിയില്ല. പ്രൊഫൈൽ ഫോട്ടൊയും കൊടുത്തിട്ടില്ല.എല്ലാവരും പറയുന്നതു വല്യ കഥാകാരനാകും,ഭാവിയുണ്ട് എന്നൊക്കെയാ.പക്ഷെ..എനിക്കറിയാം..അതൊന്നും നടക്കില്ലന്ന്.പ്രായത്തെക്കാൾ എറെ കറുത്ത അനുഭവങ്ങൾ എന്റെ ശരീരത്തെവയസ്സന്‍ ആക്കിയിരിക്കുന്നുവല്ലോ ..
കോളിങ്ങ് ബെല്ല് കേട്ടു. ഞാൻ വീൽ ചെയർ ഉരുട്ടി ചെന്ന് വാതിൽ തുറന്നു.കോണകം കഴുത്തിൽ തൂക്കി സുന്ദരനായ യുവാവ് പറഞ്ഞു, സാർ ഞങ്ങൾ ഫ്രിഡ്ജ്കമ്പനിയിൽ നിന്നും വരുന്നതാണ്. ടൂർപ്രോഗ്രാമിന്റെ പാസ്സ് നല്കാൻ.

രാജീവ് : നിങ്ങള്‍ക്കതിന്റെപണം നല്കാൻ കഴിയുമോ?

യുവാവ് :മറ്റാരെങ്കിലും പോകാൻ തയ്യാറാണെങ്കില്‍ആ പണം നല്കാം..

പയ്യൻ ചിരിച്ചു കൊണ്ട് കോണകം ആട്ടി കടന്നു പോവുകയും ചെയ്തു..

ഓരാഴ്ച കഴിഞ്ഞ്..

ടൂർ കമ്പനിക്കാർ തന്ന പണം കൊണ്ട് നെറ്റ് ബിൽ അടച്ചു പുതിയ ബ്ലോഗ്ഗെഴ്സിനായികഥാമത്സരവും നടത്തി.വിട്ടിലേക്ക് കുറച്ചു സാധനങ്ങളും വാങ്ങി. എക്സ്പോർട്ട് ക്വാളിറ്റി.സാധനങ്ങ
ൾ .. കമ്പനിനല്ല സാധനങ്ങൾ വിദേശത്തേക്ക് കയറ്റി അയക്കുന്നു. എന്നിട്ട് പോഷണമില്ലാത്തതും മോശമായതും ഇവിടെ വില്ക്കുന്നു.അതു കഴിച്ച് നമ്മുടെ കുട്ടികൾ അതിസാരവും മഞ്ഞപിത്തവും പിടിച്ചു മരിക്കുകയും ചിലർ മന്ദബുദ്ധികളാവുകയും ചെയ്യും. ഇങ്ങനെ പോയാൽദൈവത്തിന്റെ സ്വന്തം നാട് എന്നതു മാറി മന്ദബുദ്ധികളുടെസ്വന്തം നാട് എന്നാവും.എന്തേലും ആവട്ടെ..മെയിൽ ചെക്ക് ചെയ്യാം.. ടീനയുടെ മെയില്‍ഉണ്ട്.തന്റെ ബ്ലോഗ്ഗിലെ എല്ലാകഥകളും വായിക്കുന്ന ഒരു ആരാധിക..തന്നെ ഒന്നു നേരിൽ കാണണമെന്ന് കുറേ നാളായി പറയുന്നു.തന്റെ വികലാഗത്വം മറച്ചു വച്ചിരിക്കുന്നതു കൊണ്ട്അതും ഇതും പറഞ്ഞ് ഒഴിഞ്ഞു മാറുകയായിരുന്നു. അവളുടെ മെയില്‍വായിച്ചു...

പ്രിയപ്പെട്ട രാജിവ്..
ടൂർ കമ്പനിക്കാർ നമുക്ക് തന്നത്ഒരു ജിവിതം കൂടിയാണ്. വളരെ നാളായി ഒന്നു കാണണമെന്ന് വിചാരിക്കുന്നു.വന്നതു കൊണ്ട് സാധിച്ചു..എന്നാലും നീ എന്നെ കെട്ടിപിടിച്ചു ഉമ്മ വെക്കുമെന്ന് ഓർത്തില്ല..ഒരു പക്ഷേ..ഞാനും അതു ആഗ്രഹിച്ചിരിക്കാം അതാണല്ലോ റൂംനമ്പര്‍തന്നതും..രാത്രി നീ മുറിയിൽ വന്നപ്പോൾ....പിന്നെ നമ്മൾ മൂന്ന് ദിവസം ഒരുമിച്ച് എല്ലാം മറന്ന് ഉറങ്ങിയില്ലേ....ഒരു സന്തോഷവാർത്ത ഉണ്ട്.. നീ ഒരുഅച്ഛനാവാൻ പോകുന്നു.. രണ്ടു ദിവസമായി നിന്നെ മൊബൈലിൽ വിളിക്കുന്നു..കിട്ടുന്നില്ലല്ലോ..എന്നാണു നമ്മുടെ വിവാഹം.

സ്നേഹത്തോടെ...
ടീന...
രാജിവ് ഞെട്ടിപ്പോയി..ഈ നാലു ചുമരുകൾക്ക് പുറത്ത് പോകാത്തതാന്‍ അച്ഛനായെന്ന്‍..ഊട്ടിക്ക് പോയെന്നും... ടൂർ കമ്പനിയിലേക്ക് ഫോൺ ചെയ്തു.. സാർ ..സാറിന്റെ പേരു മാറ്റാൻ പറ്റാത്തതു കൊണ്ട് ഇവിടെ അടുത്തുള്ള ഹോട്ടൽ ജോലിക്കാരനാണ്സാറിന്റെ പേരിൽ ടൂർ പോയത്..അവൻ തന്ന പണം ..ഞങ്ങൾ അയച്ചിരുന്നല്ലോ..കിട്ടിയില്ലേ..

Paima