മഴ (കവിത)

മഴ (കവിത)
---------------------

എൻ്റെ സ്വപ്നങ്ങൾക്കു മേൽ
ചന്നം പിന്നം പെയ്ത മഴയിൽ
ആശ്വാസമായി നിൻ വേനൽ ചൂട്
ഒരു പുൽക്കൊടിയെ പുണരുന്ന പോലെ
പുതുമണ്ണിൻ ഗന്ധം ആവോളം നുകർന്നൂ
മണ്ണിനു പുറത്തേക്ക് തലനീട്ടി
ആരോ പുഞ്ചിരിക്കുന്നു..
പിന്നെ നീ ഇടയ്ക്കിടെ ,
എന്നെ വന്നു തലോടിപ്പോയോ?
പുഞ്ചിരി തുകി ഞാൻ കെെകൾ നീട്ടി
പിന്നെ ചെറിയ ഇടവേളക്കു ശേഷം
നീ വന്നത് ഇടവപ്പാതിയായി..
നിനക്ക് കുട ചൂടി കാറ്റും ഇടിയും മിന്നലും
ഞെട്ടിത്തരിച്ചുപോയി ഞാൻ
നിൻ്റെ സംഹാരഭാവം
എന്നിൽ സംഭ്രമമായി
നീ എന്നെ കണ്ടോ എന്നറിയില്ല..
ഞാൻ ഇരുളിൻ്റെ ജാലകപ്പാളി നീക്കി
നിന്നെ കാണുന്നുണ്ടായിരുന്നു
പിന്നെയൊരു തുലാവർഷ രാത്രിയിൽ
എനിക്കു മേൽ വീണ്ടും
അലറിത്തിമിർത്തു നീ പെയ്തിറങ്ങി
പ്രണയ മഴത്തുള്ളിയായ്..

അജിന സന്തോഷ്