വനിത - ദിനങ്ങൾ (കവിത)

വനിത - ദിനങ്ങൾ (കവിത)
================

# പെൺജനനം -

നീ പെണ്ണായി പിറക്കണ്ട
നീ കുടുംബത്തിന് ഭാരം
ഭ്രൂണമായി തന്നെ മരിക്കുക
ജനിച്ചാൽ നീ അമ്മത്തൊട്ടിലിൽ

# പെൺകുട്ടി :-

ബാലിക ആയാലും രക്ഷയില്ല
നിന്നെ കശക്കിയെറിയും
അനാഥയെങ്കിൽ ദയവില്ല
കൊന്നെറിയുക തന്നെ ശിക്ഷ

# പെണ്ണ് :-

നിന്റെ മാംസത്തിന് വിലയിടും
ചിലപ്പോൾ ജനിപ്പിച്ചവർ തന്നെ
നീ പിച്ചി ചീന്തപ്പെടും
നിന്റെ നഗ്നദൃശ്യങ്ങൾ വിൽക്കപ്പെടും

# ഭാര്യ :-

പൊന്നിലും പണത്തിലും തൂക്കപ്പെടും
ഇല്ലെങ്കിൽ ഉത്തരത്തിൽ തൂക്കപ്പെടും

# അമ്മ :-

മുലപ്പാലിന് കണക്ക് പറയണ്ട
കണ്ണീരുകൊണ്ട് വിലകിട്ടും
കൊഞ്ചിച്ചതെല്ലാം
 വഞ്ചനയായി തിരിച്ചുകിട്ടും

# വൃദ്ധ :-

പെരുവഴിയിൽ ഇറക്കപ്പെടും
വൃദ്ധസദനം കിട്ടിയേക്കാം
രണ്ടിൽ ഒരിടത്ത് മരണവും.

# വനിതാദിനം :=

എന്തുവന്നാലും ഈ ദിനം ആഘോഷിക്കപ്പെടും
ഒരുപാട് നിയമങ്ങൾ കൊണ്ടുവരും
ഏതെങ്കിലും ലോകത്തിരുന്ന് നീ -
കാണുന്നുണ്ടാകും ...

================
രതീഷ് സുഭദ്രം