സാഗരലയം

വിഷാദ മേഘം ചൂടി
എൻ ഏകാന്ത ദ്വീപിലെ
ഇരുളിൻ മടിയിൽ
കടലിന്നരികിൽ
നയന ജലാശയമായ് ഞാൻ
നയന ജലാശയമായ്

ദേശാടനക്കിളി യാത്രയും ചൊല്ലി
സൂര്യനിലേക്കു പറന്നു
മായാ മറുകര തേടിയകന്നു
ഈ ഭൂമിയും വാനവും മിഴിയടച്ചു

മൗനം കനം പെയ്ത
മഴയുടെ നൂലുകൾ
സാഗര തിരയിലൊളിച്ചു
മുത്തും പവിഴവും തരളിതമാക്കും
ആഴിതന്നാഴത്തിൽ അണയും
ജീവിത പരം പൊരുളെന്നിൽ തെളിയും
എൻ മനവും കടലും ലയിക്കും

By VGV