വിഷയഗുളികകൾ

ഗ്രൂപ്പ് അഡ്മിനു മുന്നിൽ ഞാനിരുന്നു..
മാർകേസിനെ അനുസ്മരിപ്പിച്ച് മേശപ്പുറത്ത് മഞ്ഞ ഡാലിയപ്പൂക്കൾ..
വശത്തെ ചില്ല് അലമാരിയിൽ ചെറിയ കുപ്പികൾ അടുക്കി വച്ചിരിക്കുന്നു. .

കൈയിൽ മുന്തിയയിനം ഫോൺ. .
പോക്കറ്റിൽ രണ്ട് പേനകൾ..
പേര്. .?
ഞാൻ പേര് പറഞ്ഞു. .
ബൽമുടിയെ പറ്റി കുറിപ്പ് പോസ്റ്റ് ചെയ്തത് താങ്കളല്ലേ....? 

വെള്ളത്തിനായുള്ള സംഘർഷങ്ങളെ പറ്റി...?
ഞാൻ തലയാട്ടി..
നിങ്ങൾക്ക് എത്ര ലൈക്കുകൾ കിട്ടാറുണ്ട്?
എണ്ണാറില്ല ..ഞാൻ വിനായാന്വതനായി..
നിങ്ങൾക്ക് ലൈക്കുകൾ കുറവാണ്. .സ്വന്തം ബന്ധുക്കൾ പൊലും കുറിപ്പുകൾ വായിച്ചു ലൈക്കുകൾ അടിക്കുന്നില്ല. ശരിയല്ലേ?
ഞാൻ തല കുനിച്ചിരുന്നു..
മങ്ങിയ കാഴ്ചകൾ മാറ്റുക.. 
അക്ഷരങ്ങളുടെ പുതിയ വിപണനതന്ത്രത്തിലുള്ള നിങ്ങളുടെ പരിജ്ഞാന കുറവ് തന്നെ കാരണങ്ങൾ.. ആധുനികതയും അമ്ള തീക്ഷ്ണമായ വാക്കുകളുടേയും സങ്കലനം ആണ് പുതിയ എഴുത്ത്. .
അഞ്ഞൂറിലധികം ലൈക്കുകൾ ലഭിച്ച ആത്മഹത്യ ചെയ്ത ചെരുപ്പുകൾ വായിച്ചിരുന്നോ..?
ഉം..ഞാൻ മൂളി...
നിങ്ങൾ എഴുതേണ്ടത് രതിയെ പറ്റി..നഗ്നതയെ പറ്റി..വിരഹത്തെ പറ്റി.. അവയവങ്ങളെ പറ്റി...
ഞാൻ എന്റെ പരിമിതികളിൽ തല കുനിച്ചിരുന്നു...
പിഞ്ചിയ സാരി ചുറ്റി മകളുടെ ഫീസടയ്ക്കാൻ പാടുപെടുന്ന അമ്മയുടെ കഥ ഔട്ട് ഓഫ് ഫാഷൻ ആകുന്നു. .
ക്ഷണികമായ ജീവിതങ്ങളും, നേരുകളും ആർക്കു വേണം..
അറവുശാലയിലേയ്ക്ക് കൊണ്ടുപോകുന്ന മാടിന്റെ ദയനീയമായ കണ്ണുകൾ ...ഛേ. ..
ട്രെൻഡ് മാറുകയാണ്..
അഡ്മിൻ എന്നെ ദയനീയമായി നോക്കി..പിന്നെ ചിരിച്ചു..
ചില്ലലമാരയിലെ കുപ്പികൾ ഓരോന്നും എന്റെ മുന്നിൽ നിരന്നു..
ഓരോ കുപ്പിയുടെ പുറത്തും ലേബലുകൾ ഉണ്ടായിരുന്നു. .
ഞാൻവായിച്ചു. .
പീഡനം..വിരഹം..ആർത്തവരക്തം..രതി..ബീജങ്ങൾ.. കാമം...നഗ്നത..
ഇതെല്ലാം ലേബലുകളിൽ പറയുന്ന വിഷയങ്ങൾക്ക് പ്രചോദനം നൽകുന്ന ഗുളികകളാണ്..
ഈ ഗുളികകളിൽ ഏതൊക്കെയാണ് നിങ്ങൾക്ക് വേണ്ടത്?..
അക്ഷരങ്ങൾ മരവിച്ച വാക്കുകളുടെ വറ്റി വരണ്ട പുഴകളുമായി...
നിസഹായതയിൽ ഞാൻ അഡ്മിനു മുന്നിൽ പൊട്ടി കരഞ്ഞു..

.....പ്രേം ....