അനന്താനന്ദാന്വേഷണം 15.

അനന്താനന്ദാന്വേഷണം 15.
^^^^^^^^^^^^^^^^^^^^^^^^^
സാറിനെ പ്രാഥമിക ശുശ്രൂഷ നൽകി
രണ്ടു പേരുംകൂടി എടുത്ത് കിടപ്പുമുറിയിൽ
എത്തിച്ചു,
ബോധം വീണ്ടെടുത്ത തോമസ്ജോൺ
പരവശനായി

അനീഷ് പതിയെ തിരികെയെത്തി
റീപ്ളേ ബട്ടണിൽ വിരലമർത്തി

പറന്നടുക്കുന്ന അമ്പുകളും
ശരം തോൽക്കുന്ന വേഗതയിൽ
ഉയരത്തിൽ നിന്ന് പൂളഞ്ഞുപറക്കുന്ന പാമ്പും
ഒരേ ലക്ഷ്യം അനീഷിന് ഹൃദയം നിലച്ചപോലെ തോന്നി,

അമ്പുകളേ തോൽപ്പിച്ച് പാഞ്ഞടുത്ത പാമ്പ് പ്രാവിന്റെ ഉടലിനുനേർക്ക്
വായ് പിളർത്തി
ആ നിമിഷത്തിന്
സൂര്യകിരണ അകലത്തിൽ
പ്രാവ് ഒന്നു തത്തിച്ചാടി…
ആ സമയം ഉയർന്നുവന്ന
അഞ്ച് അമ്പുകൾ ആ ഉടൽ തുളച്ചു
കൊരുത്തുകിടന്നു

അനീഷിന്റെ ശരീരമാകെ വിറകൊണ്ടു

ആ വിഷപ്പാമ്പ് അമ്പുകളേറ്റ ഉടലുമായി
മരച്ചില്ലയിൽ തൂങ്ങിയാടി

അനീഷിൽ നിന്നും വലിയൊരു ദീർഘനിശ്വാസമുതിർന്നു
അനീഷ് ബഡ്റൂമിലേക്ക് ഓടുകയായിരുന്നു
ആവേശകരമായ ആ രംഗം കാണാൻ
സാറിനെ പിടിച്ചു വലിച്ചുകൊണ്ട്
തിരികെയെത്തി,
ആ മുറിയിൽ വീണ്ടും പുഞ്ചിരി വിരിഞ്ഞു.

° ° ° °

രാത്രി
തോമസ് ജോൺ പ്രാർത്ഥനയിൽ
മുഴുകിയിരിക്കുന്നു,
നിലവറയിൽ രണ്ടു സഹായികളും
ഉറക്കമിളച്ച് കരുതലോടെ ഇരിക്കൂവാൻ
വേണ്ട ഒരുക്കങ്ങളിലാണ്

പാതിരാവ് അടുത്തനേരം
ചെറിയ കാറ്റടിക്കുവാനാരംഭിച്ചു
നിമിഷനേരംകൊണ്ട്
അതിശക്തമായ കാറ്റ്
മരങ്ങളാടിയുലയുന്ന ഹുങ്കാരശബ്ദം
ജനൽപാളികൾ വന്നടിക്കുന്ന ശബ്ദം
പേടിപ്പെടുത്തുന്നതായി

തോമസ്ജോൺ
മുട്ടുകുത്തി കൈവിരിച്ച്
മുപ്പത്തിമൂന്ന് വട്ടമുള്ള
പരമപ്രധാനമായ
ആവർത്തനപ്രാർത്ഥനയിൽ
മുഴുകി
അദ്ദേഹത്തിന്റെ കണ്ണുകളിൽ നിന്ന്
ചുടുകണ്ണീർ ഒഴുകിയിറങ്ങി.

° ° ° °
ജിൻസി
വളരെ ശാന്തമായ ഒരു പ്രകൃതത്തിലേക്ക്
മാറിയിരിക്കുന്നു
പുറത്ത് ശക്തമായ കാറ്റടിക്കൂന്നതറിയുന്നുണ്ടെങ്കിലും
അവളുടെ മുഖത്ത് യാതൊരു ഭാവവത്യാസവും കാണാനില്ല
പ്രസവദിവസം ഡോക്ടർ പറഞ്ഞിരിക്കുന്നത് അടുത്തയാഴ്ച,

സഹായത്തിനുള്ള സ്ത്രീ
കാര്യങ്ങളെല്ലാം ചിട്ടയായി ക്രമീകരിച്ചിട്ടുണ്ട് എപ്പോൾ വേണമെങ്കിലും ആശുപത്രിയിൽ പോകുവാൻ ഡ്രസ്സ് വരെ പായ്ക്ക് ചെയ്തു വച്ചിരിക്കുന്നു,

പക്ഷേ ഇപ്പോൾ അവർ ഭയന്നുവിറച്ചിരിക്കുന്നു
തന്റെ മുറിയിൽനിന്നും ബെഡ് എടുത്ത്
ജിൻസിയുടെ തൊട്ടരികിൽ കൊണ്ടിട്ടു,
ഭയന്നിരുന്നു ഏതെല്ലാമോ പ്രാർത്ഥനകൾ ഉരുവിടുന്നു,ഇടയ്ക്ക് ഓരോ പിറുപിറുക്കൽ കേൾക്കാം

മാസം തികഞ്ഞപെണ്ണുമായി
തനിയെ,
കൊടുങ്കാറ്റുവീശുന്ന പാതിരാത്രി
അവരെ വല്ലാതെ പേടിപ്പിച്ചിരിക്കുന്നു

പെട്ടെന്നാണ് ജിൻസിക്ക് ഒരു നോവുപോലെ തോന്നിയത്
അടുത്തനിമിഷം അവൾ വേദനകൊണ്ടുപുളഞ്ഞു
ജിൻസി അമ്മേ...എന്ന് അലറിവിളിച്ചുപോയി

ആ സ്ത്രീ അറിയാതെ കരഞ്ഞുപോയി
ചതിച്ചോ ദൈവമേ…..
കാലനുറഞ്ഞുതുള്ളുന്ന രാത്രിയാണല്ലോ..
എന്റെ കൊച്ചിനെ കാത്തോണേ
പുറത്തെറങ്ങാൻമേലാത്ത ഈ രാത്രി
എങ്ങനെയെങ്കിലും വെളുപ്പിച്ചുതരണേ…

തന്റെ ധൈര്യമെല്ലാം ചോർന്നുപോകുന്നപോലെ തോന്നി
ജിൻസിക്ക്
ഇടവിട്ടിടവിട്ട് വരുന്ന വേദനയാൽ അവൾ പുളയാൻ തുടങ്ങി
ചേച്ചി അവളെ പൊതിഞ്ഞുപിടിച്ചു പ്രാർത്ഥിക്കുന്നുണ്ട്

പപ്പായെ വിളിക്കാനാവില്ല എന്നവൾക്കറിയാം
ജനിയുടെയോ കുഞ്ഞിന്റെയോ ജീവൻ
ഈരാത്രി അപകടത്തിൽ പെടും
എന്നൊരുഭീതി അവളെ വിഴുങ്ങി
ആ വേദനയ്ക്കിടയിലും
അവൾ പറഞ്ഞു
ആശുപത്രിയിൽ വിവരമറിയിക്കു ചേച്ചീ

അവർ ഫോണെടുത്തു…

ജിൻസി പതിയെ കൈയ്യെത്തിച്ച്
ബൈബിൾ വലിച്ചെടുത്തുതുറന്നു
അതുകമഴ്ത്തി തന്റെ നെഞ്ചോടുചേർത്തു.
° ° ° °

മുറ്റത്ത് വണ്ടി വന്ന് നിൽക്കുന്ന ശബ്ദംകേട്ട് തോമസ്ജോൺ
ചാടിയെണീറ്റ് പുറത്തെ ലൈറ്റിട്ടു
വേഗം പുറത്തിറങ്ങി

ആംബുലൻസ് കണ്ട് അദ്ദേഹം വിറങ്ങലിച്ചുപോയി
തൊണ്ടയിൽനിന്ന് ഒരാർത്തനാദം

എന്റെ മോളേ…….

അയാൾ മോളുടെ അടുത്തേക്കോടി

ഒരു നേഴ്‌സ് അദ്ദേഹത്തെ തടഞ്ഞുനിർത്തി

മോളെ ഇപ്പോൾ പുറത്തേക്ക് കൊണ്ടുവരും
പേടിക്കാനൊന്നുമില്ല

ഡോക്ടർ അകത്തുണ്ട്
മോൾക്കൊരു
ആൺകുഞ്ഞ് പിറന്നിരിക്കുന്നു.

സന്തോഷം നൽകിയ ആ നിമിഷത്തിലെ
മിഴിനനവിൽ അദ്ദേഹം ഭാര്യയെ മനസ്സിലൊന്നു ചേർത്തുപിടിച്ചു ,
സോഫായിലേക്ക് തളർന്നിരുന്നു

ജനാലയിലൂടെ പറമ്പിലെ കാഴ്ച
കണ്ട് അദ്ദേഹം ഞെട്ടിപ്പോയി

കാട്ടാനക്കൂട്ടം കയറീ മെതിച്ചപോലെ
മരച്ചില്ലകളും വാഴകളും ചെടികളും
ഒടിഞ്ഞു തൂങ്ങിയിരീക്കുന്നു

ഒരാന്തലോടെ ആദ്ദേഹം നിലവറയിലേക്ക്
ഓടി.
കിളിവാതിലിലൂടെ നോക്കിയപ്പോൾ
രാവീലെയുള്ള മൗനജപത്തിന
വിളക്ക് തെളിക്കുന്ന സഹായികളെ കണ്ട്
മനസ്സു തണുത്തു.

വേഗം മുത്തേടന്റെ ബന്ധനപ്പുരയിലേക്ക് ,

കളങ്ങളെല്ലാം മാഞ്ഞിരിക്കുന്നു
പക്ഷേ ഒൻപത് പന്തങ്ങളും എരീഞ്ഞുകൊണ്ടേയിരുന്നു

അത്ഭുതം തോന്നി ഓലമറച്ചുണ്ടാക്കിയ
ആ ഷെഡ്ഡിന് ഒരു കേടും പറ്റിയിട്ടില്ല

പാൽനദിച്ചെമ്പിൽ തലചായ്ച്ച് കൈവിരിച്ച് നിലത്തിരിക്കുകയാണ്
മുത്തേടൻ,

കാൽപ്പെരുമാറ്റം കേട്ട് മുത്തേടൻ
തലയുയർത്തി
ആ….കുഞ്ഞു വന്നോ
വല്ലാത്ത ഒരുരാത്രി
അതുകഴിഞ്ഞു
ഇനി ഒന്നും പേടിക്കാനില്ല

തോമസ്ജോൺ പെട്ടെന്ന്
മുത്തേടനെ കെട്ടിപ്പിടിച്ചു
സാറിന്റെ കണ്ണിൽ നീർപൊടിഞ്ഞു
മുത്തേടനും വല്ലാതെയായി

നമ്മുടെ കൊച്ച്… അമ്മയായി കേട്ടോ
ആൺകുട്ടി
മുത്തേടൻ സന്തോഷത്തോടെ പൊട്ടിച്ചിരിച്ചു
കുഞ്ഞു… വല്യപ്പനായി അല്ലേ

ഞാനെന്നാ വീട്ടിലോട്ട് ഒന്നു ചെല്ലട്ടെ,
കുറേദിവസമായി വീട്ടീന്നിറങ്ങിയിട്ട്.

തോമസ്ജോൺ കുഞ്ഞുവാവയെ
കാണാൻ ആകാംക്ഷയോടെ
വേഗം നടന്നു.

° ° ° °
ജനിയുടെ ആത്മാവ്
പ്രാവിന്റെ ശരീരവുമായി മരച്ചില്ലയിൽ
തളർന്നിരുന്നു
ഏതാനും മണിക്കൂറുകൾ കടന്നുപോയപ്പോഴാണ്
പ്രാവ് തന്റെ കണ്ണുകളിലെ ഭയത്തെ
കുടഞ്ഞെറിഞ്ഞത്

പതിയെ പതിയെ
സൃഷ്ടിയുടെ. താഴ് വര ,
ഇന്നും ഇടിമിന്നലിന്റെ അകമ്പടിയിൽ
പുതിയ ജീവിവർഗ്ഗങ്ങൾ ഉരുവം കൊള്ളുന്ന സൈലന്റ് വാലി,
അതിന്റെ രഹസ്യങ്ങൾ
ജനിജന്റെ കണ്ണുകളിലേക്ക്
തെളിച്ചുകൊടുക്കാൻ തുടങ്ങി.

° ° ° °
ടി.വി.സ്ക്രീനിൽ തെളിയുന്ന ദൃശ്യങ്ങൾ കണ്ട് അനീഷ് വാപൊളിച്ചുപോയി

കാലചക്രം പുറകോട്ടുരുളുന്നപോല

പഴമയിലേക്ക് ഓരോ ദൃശ്യവും ഓടിക്കൊണ്ടിരുന്നു
കാളവണ്ടി യുഗത്തിൽ നിന്ന്
കുതിരയുടെ രാജഭരണ കാലവും കടന്ന് ,
അമ്പും വില്ലുമായി നടക്കുന്ന ഗോത്രജനതയും സ്ക്രീനിൽ വന്നു മറഞ്ഞു

ഇപ്പോൾ നഗ്നരായ മനുഷ്യർ വനത്തിൽ
ജീവിക്കുന്നു
ചെറു മൃഗങ്ങളെ കൂർത്ത കല്ലിനെറിഞ്ഞു വീഴിച്ച് മൃഗങ്ങളെപ്പോലെ പച്ചമാംസം തിന്നുകയാണ് ചിലർ ,
വേറേ ചിലർ കിഴങ്ങ് മാന്തി
പച്ചയ്ക്ക് കടിച്ചുപറിച്ചു തിന്നുന്നു.

പെട്ടന്നാണ് മൃഗങ്ങൾ കൂട്ടത്തോടെ ഓടുന്നത് കണ്ടത്
മനുഷ്യരും മൃഗങ്ങളുടെ പിറകേ ഓടാൻ തുടങ്ങി

ഒരു പുൽപ്പരപ്പിൽ മൃഗങ്ങളും
മനുഷ്യരും എത്തിച്ചേർന്നു
മൃഗങ്ങൾ നോക്കുനാന ദിക്കിലേക്ക്
നോക്കിയ മനുഷ്യർ വിറയ്ക്കാൻ തുടങ്ങി

സൂര്യനേപ്പോലെ ഉള്ള ഒരുസാധനം
വനത്തിലൂടെ പടർന്നുവരുന്നു
അത് കടന്നുപോയിടത്തെ മരങ്ങളെല്ലാം
രാത്രിയുടെ നിറമായീരിക്കുന്നു ,

ശൂശൂശ്ളൂശ്ളൂ ശബ്ദത്തോടെ വന്ന അതിന്റെ കാറ്റടിച്ചപ്പോൾ അവർ
ശൂ ശൂ. ശൂട് എന്ന് വിളിച്ചുകൂവി

പുൽപ്പരപ്പിനു മുന്നിൽ വന്നത് കെട്ടടങ്ങി

രണ്ട് രാത്രി കഴിഞ്ഞ് അവർ
ആ ഇരുണ്ട വനത്തിലൂടെ തിരികെ നടന്നു
വിശന്നു വലഞ്ഞ ചിലർ
കരിഞ്ഞുകിടക്കുന്ന വള്ളികൾക്ക് താഴെ മാന്തി കിഴങ്ങെടുത്തു
അത് കടിച്ചതും
അവർ സന്തോഷത്താൽ തുള്ളിച്ചാടി

ചിലർ മുള്ളുടക്കി കരിഞ്ഞു കിടന്ന
ഒരു മാനിന്റെ കാലിൽ പിടിച്ചു വലിച്ചു
ആ കാല് ശരീരത്തിൽ നിന്ന് വിട്ട്പോന്നു
ഒരു മണം അവിടെ പരന്നൂ
അത് വായിലേക്ക് വെച്ച അവർ ,
സൂര്യനിറമുള്ള ആ ശൂട് തേടി നടന്ന് കണ്ടെത്തി
അതിലേക്ക് ഉണങ്ങിയ ചുള്ളിക്കമ്പുകളിട്ട് വളർത്തി
അതിനെ വരുതിയിലാക്കി
അതിലേക്ക് പിടിച്ച മൃഗത്തേയും
മാന്തിയ കിഴങ്ങും ഇട്ട്
ശൂട്ട് തിന്നാൻ തുടങ്ങി.
https://m.facebook.com/groups/1106244119458074?view=permalink&id=1721115054637641

VG.വാസ്സൻ.