ഉളളിലെ തീമഴയ്ക്കുളേളാളമെത്തുവാന്‍
ഇന്നുപെയ്യും മഴയ്ക്കാവില്ലയെന്നു നാം
അറിയുന്നനേരത്ത് അറിയാതെ പെയ്യുമാ-
തോരാമഴയ്ക്കുളളില്‍ കുതിരുന്ന രണ്ടുപേര്‍
ഇന്നുപെയ്യും മഴയ്ക്കാവില്ലയെന്നു നാം
അറിയുന്നനേരത്ത് അറിയാതെ പെയ്യുമാ-
തോരാമഴയ്ക്കുളളില്‍ കുതിരുന്ന രണ്ടുപേര്‍
നീറിപ്പുകയും ഉമിത്തീയിലെരിയുന്ന
കനലായി മാറുന്നു നാം കണ്ടകനവുകള്‍
ആരോ തീയിട്ടൊരോര്‍മ്മതന്‍ പാടത്ത്
കത്തിക്കരിഞ്ഞൊരാ കുറ്റികളാണു നാം
കനലായി മാറുന്നു നാം കണ്ടകനവുകള്‍
ആരോ തീയിട്ടൊരോര്‍മ്മതന്‍ പാടത്ത്
കത്തിക്കരിഞ്ഞൊരാ കുറ്റികളാണു നാം
ആരോ അടച്ചൊരാ മണ്‍കലത്തിന്നുളളില്‍
ശ്വാസം കിട്ടാതെ ഉളള് വെന്തെപ്പൊഴോ
ആവിപാറുന്നൊരാ ചൂടുളള കഞ്ഞിയില്‍
നീറി മരിച്ചതാം അരിമണികളാണു നാം
ശ്വാസം കിട്ടാതെ ഉളള് വെന്തെപ്പൊഴോ
ആവിപാറുന്നൊരാ ചൂടുളള കഞ്ഞിയില്‍
നീറി മരിച്ചതാം അരിമണികളാണു നാം
വേനലായ് നീയങ്ങു പൊളളി നിന്നപ്പൊഴോ
തീമഴയായിങ്ങു ഞാനുമെന്‍റുളളവും
ഉളളുപൊളളിക്കുടുന്നെത്രനാളിങ്ങനെ
പൊളളയാം നാടകമാടിത്തിമിര്‍ക്കും നാം
തീമഴയായിങ്ങു ഞാനുമെന്‍റുളളവും
ഉളളുപൊളളിക്കുടുന്നെത്രനാളിങ്ങനെ
പൊളളയാം നാടകമാടിത്തിമിര്‍ക്കും നാം
കാടാണ് നീയെങ്കില്‍ കാട്പൂക്കുംനേരം
കാടകമാകുന്ന വന്യതയാവുംഞാന്‍
നാടാണ് നീയെങ്കില്‍ ആവില്ലെനിക്കൊട്ടും
നാടകമാടുന്ന നിന്നിലേക്കെത്തുവാന്‍..!!
കാടകമാകുന്ന വന്യതയാവുംഞാന്‍
നാടാണ് നീയെങ്കില്‍ ആവില്ലെനിക്കൊട്ടും
നാടകമാടുന്ന നിന്നിലേക്കെത്തുവാന്‍..!!
ആര്‍.ശ്രീരാജ്..............
No comments:
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക