ഗന്ധം

കാത്തിരിക്കാനാരുമില്ലീതറവാട്ടിൽ
തലമുറകൾ തീർത്തോരീവീട്ടിൽ...
ഇത്തിരി നേരം ഞാനിരുന്നീടട്ടെ
അച്ഛനുമമ്മയും ഉറങ്ങുന്നോരീ മണ്ണിൽ.

മുട്ടിലിഴഞ്ഞ മുറികളിലും
കൊതിയോടിരുന്ന കോലായിലും
പിച്ച നടന്ന മുറ്റത്തും
ഓടിക്കളിച്ചോരാ ഇടവഴിയിലും
ഇത്തിരി നേരമിരുന്നീടട്ടെ.....

അച്ഛനിരുന്ന ചാരു കസേര
അകത്തളത്തിൽ ഏകനായ് കിടപ്പൂ..
തുളസിത്തറയിൽസന്ധ്യ നേരത്തമ്മ കൊളുത്തിയോരാദീപ നാളത്തിൻ
ഓർമ്മ വെളിച്ചമായ് എന്നിൽ നിറഞ്ഞിടട്ടെ...
പുതുമഴ വന്ന് പുൽകിയമണ്ണിൻ
ഗന്ധം പുതിയൊരു ഉണർവ്വായ് എന്നിൽ നിറയട്ടെ....

by maya Prasad