താരാട്ടിനീണമായി

എല്ലാ സ്നേഹനിധികളായ അമ്മമാർക്കും .. ചിങ്കിരി വാവകൾക്കും സമർപ്പിക്കുന്നു
.....................................
മുത്തേ മുത്തേ നീയുറങ്ങ്
താലോലമാടി നീയുറങ്ങ്
താരാട്ടിനീണമായി അമ്മയുണ്ട്
താനേ ഒഴുകുന്ന തെന്നലുണ്ട്

നീയാ തൊട്ടിലിലുറങ്ങും നേരമെല്ലാം
മുത്തമിടാം നിന്നോമൽ കാൽ വിരലിൽ
അമ്പിളിമാമൻ കഥപറയും
നിനക്കുറങ്ങാൻ കൂട്ടിരിക്കും

ചിമ്മുന്ന വാൽക്കണ്ണെഴുതാം
പൂങ്കവിളില് മറുകുവെക്കാം
എന്നിടനെഞ്ചിലെ പാലാഴിയിൽ
സ്നേഹം ഞാൻ കരുതിവെക്കാം

ഇങ്കിനായി നീ കരയും നേരം
വാത്സല്യമെല്ലാം ഒഴുക്കാം ചുണ്ടിൽ
പാദങ്ങൾ നോവാതെ നടത്തിടാം ഞാൻ
വാവേ നീയുറങ്ങെൻ താരാട്ടു കേട്ട്

രാജീവ് സോമരാജ് ..