മദേഴ്സ് ഡേ,! (മിനിക്കഥ )

രാവിലെ കുളിച്ചൊരുങ്ങി ഡ്രസ് മാറുന്നതിനിടയിൽ ഭാര്യ
_'' ഇന്നെന്താ നേരത്തെ, ഓഫീസിൽ പോകാൻ ടെെം ആയില്ലല്ലോ ??

_''നീ ഈ ലോകത്തൊന്നു മല്ലേ, ??
എടി ഇന്ന് മദേഴ്സ് ഡേ യാ, ഒരമ്മയായ നിന്നെ അമ്മമാരുടെ ദിനത്തെ പറ്റി ഓർമ്മിപ്പിക്കാൻ ഒരച്ഛനായ ഞാൻ തന്നെ വേണം , !!

ശരിയാണല്ലോ, ചേട്ടാ, ഞാൻ പുറത്ത് വരെ പോകുവേ, !

എന്തിനാടി, അമ്മയ്ക്ക് ഡ്രസ്സെടുക്കാനാണോ ?

ഹേയ്, അതെല്ലാം ഞാനിന്നലെ എടുത്തു,!

ഭർത്താവിന് അത്ഭുതം , '= ദെെവമേ ആദ്യത്തെ സംഭവമാണല്ലോ ,എന്നാലും ആ മനസിന് നന്ദിയുണ്ട്ട്ടോ, !!

ഓ ഞാനാരുടേയും നന്ദി പ്രതീക്ഷിച്ചൊന്നുമല്ല അത് ചെയ്തത്, !!

ഓ അമ്മയോടുളള സ്നേഹം കൊണ്ടാ സമ്മതിച്ചു,

പിന്നെ, മദേഴ്സ് ഡേ പ്രമാണിച്ച് ഒന്നെടൂത്താൽ ഒന്ന് ഫ്രീ കിട്ടും വെറുതെ ഓഫറ് കളയണ്ടല്ലോ എന്നോർത്താ,! ആട്ടേ, എവിടേക്കാ ഈ വെളുപ്പിന്, ??

എടി, അമ്മയുടെ അടുത്ത് പോകണം, ഗിഫ്റ്റ് കൊടുക്കണം, സെൽഫി എടുക്കണം ഫേസ് ബുക്കിലിടണം, !!

എന്റെ ചേട്ടാ, ഈ പറഞ്ഞ കാര്യങ്ങളൊന്നും നടക്കില്ലാ, !

അതെന്താടി ?

മദേഴ്സ് ഡേ പ്രമാണിച്ച് വ്യദ്ധ സദനത്തീന്ന് അവരെല്ലാം ടൂർ പോയിരിക്കുവാന്ന്, !!!
=============================
!! !!
ഷൗക്കത്ത് മെെതീൻ, കുവെെത്ത്,