സമയം

ഒാടുന്നസമയത്തിൻ സൂചികൾ
ഒന്നുപിടിച്ചുനിർത്തണം എന്ന
ചിന്തയാലൊരു ഗോവേണി
ചാരിക്കയറി ഞാൻ ഘടികാരം
തൂക്കിയ ഭിത്തിയിൽ

മേലാടതുറന്ന് നോക്കിയപ്പോഴതാ
സമയസൂചി എട്ടിൽനിൽക്കുന്നു
വേഗത്തിൽ താഴേക്കിറങ്ങി
സമയമില്ലെനിക്ക് ഓഫീസിലെത്തണം

ചാരുകസേരയിലിക്കവെ കണ്ണുടക്കി
ഓഫീസിലെ ഘടികാരത്തിൽ
പിന്നെ വേഗത്തിൽ തുറന്നുമൂടി
അപ്പോഴതാ സൂചി ഒന്നിൽ നിൽക്കുന്നു
സമയമില്ലെനിക്ക് താഴെയെത്തണം
ഉച്ചഭക്ഷണസമയമാണിപ്പോൾ

വീട്ടിലെ പട്ടുമെത്തയിൽ കിടക്കവെ
വീണ്ടുമൊരു ചിന്ത പിടിച്ചു നിർത്തണം
സമയത്തെയെനിക്ക്..വീണ്ടുംതുറന്നു
മുടി സമയസൂചിയപ്പോൾ പത്തിൽ

സമയമില്ലെനിക്കുറങ്ങണം ഉണരണ
മതിരാവിലെ..
സമയത്തെ പിടിച്ചുകെട്ടാൻ സമയമെ
നിക്കില്ലെങ്കിലും ഒരിക്കൽ പിടിച്ചു
കെട്ടണമെനിക്കു കാലചക്രത്തെ..

ജയൻ വിജയൻ