സാറേ ഇതെന്റെ കുട്ടിയല്ല​

ഫേസ്ബുക്കിലൂടെ പരിചയപ്പെട്ട എന്റെ സ്വപ്ന സുന്ദരിയെ ഒന്നുകാണാൻ വേണ്ടിയാണ് രാവിലെ തന്നെ ഞാന്‍ കുളിച്ച് കുട്ടപ്പനായി ഇറങ്ങിയത്,,,

ദിവസവും ഞാനിടുന്ന ചളി സ്റ്റാറ്റസുകൾക്കെല്ലാം അവളുടെ ലൈക്കും കമന്റും ഒരു സ്നേഹം പോലെ വരാറുണ്ട്,,,,

പിന്നീടങ്ങോട്ട് അവളുടെ കമന്റിന് വേണ്ടിയായിരുന്നു എന്നും രാവിലെ ഒരു പ്രഭാത കൃത്യം പോലെ കുറിക്കുന്ന എന്റെ സ്റ്റാറ്റസുകൾ,,_

അവളോടുള്ള എന്റെ ഇഷ്ടം കൂടിക്കൂടി വന്നു,,, തുറന്നുപറയാൻ വേണ്ടി പല തവണ അവളുടെ ഇൻബോക്സ് തുറന്നെങ്കിലും,,, വാരിക്കോരിക്കിട്ടുന്ന അവളുടെ ലൈക്കും കമന്റും ഒാർത്ത് വേണ്ടെന്ന് വച്ചു,,,,

എന്നാലും എന്റെ മനസ്സ് സമ്മതിക്കുന്നില്ല,,,, അവളുടെ ഇൻബോക്സ് തുറന്ന് രണ്ടും കൽപ്പിച്ച് ഞാനൊരു ഹായ് കൊടുത്തു ,,,

ഒട്ടും പ്രതീക്ഷിച്ചില്ല ,,,,
എന്റെ മെസ്സേജിന് താഴെ ടൈപ്പിംഗ് എന്ന് കാണിക്കുന്നു,,,,

സന്തോഷം കൊണ്ടെന്റെ മനസ്സില്‍ വലിയൊരു ലഡു പൊട്ടി,,,,

ഹായ് സുഖമാണോ,,,,??
എന്ന അവളുടെ റീപ്ലേ മെസ്സേജ്,,, എന്റെ സന്തോഷം ഇരട്ടിയാക്കി,,,, !!!

പിന്നീട് ഞങ്ങളുടെ സ്നേഹ സംഭാഷണങ്ങൾ രാത്രിയും പകലുമെന്നില്ലാതെ,,, നീണ്ടു,,,

എന്റെ കൂട്ടുകാരാരെങ്കിലും എന്നെ പറ്റിക്കുകയാണോ എന്നൊരു സംശയം എന്നെ വല്ലാതെ അലട്ടുന്നുണ്ടായിരുന്നു,,,,,

ഒാരോ ദിവസത്തെയും സന്തോഷവും വിഷമവും അവൾ മെസ്സേജിലൂടെ എന്നെ അറിയിക്കാന്‍ തുടങ്ങി,,,,
സന്തോഷത്തിൽ പങ്ക് ചേര്‍ന്നും വിഷമത്തിൽ ആശ്വസിപ്പിച്ചും ഞാനവളോടൊപ്പം നിന്നു ,,,

നിങ്ങളുടെ ഈ സ്നേഹവും സൗഹൃദവുമാണ് ഇന്നെന്നെ ജീവിക്കാന്‍ പ്രേരിപ്പിക്കുന്നതെന്ന അവളുടെ വാക്കുകള്‍ എന്നെ വല്ലാതെ വേദനിപ്പിക്കുകയും അതിലുപരി സന്തോഷിപ്പിക്കുകയും ചെയ്തു ,,,

ഞാനെന്താഗ്രഹിച്ചോ അതുതന്നെയാണ് അവളും പറയാന്‍ ശ്രമിക്കുന്നത് ,,,

എന്റെ സൗഹൃദം നീ ഇഷ്ടപ്പെടുന്നെങ്കിൽ ഈ നമ്പരിൽ ഒരു മിസ്ഡ് കാൾ തരൂ എന്ന്പറഞ്ഞ് ഞാനെന്റെ മൊബൈല്‍ നമ്പര്‍ അവൾക്കയച്ചു,,_ ,,,

കുറച്ച് കഴിഞ്ഞപ്പോഴേക്കും എന്റെ മൊബൈലിലേക്ക് രണ്ട് മിസ്ഡ്കാൾ ,,,,!!

അറിയാത്ത നമ്പര് തന്നെ,,, അവളായിരിക്കുമെന്ന വിശ്വാസത്തോടെ ഞാനാ നമ്പരിലേക്ക്‍ തിരിച്ച് വിളിച്ചു ,,,

എന്റെ പ്രതീക്ഷ പോലെത്തന്നെ അപ്പുറത്തൊരു പെൺ ശബ്ദം ,,,,

ഹലോ... !!! ഏട്ടാ,,,
ഇത് ഞാനാ,,,, നീതു,,,

അതോടെ ഞാന്‍ പറ്റിക്കപ്പെട്ടിട്ടില്ലാ എന്നെനിക്ക് മനസ്സിലായി ,,_

പിന്നീടങ്ങോട്ട് മെസ്സേജുകൾ കുറഞ്ഞു,,,
വെറും ഫോണ്‍ വിളി മാത്രം ,,,

പരസ്പരം ഇഷ്ടം പറഞ്ഞ് , പരിഭവങ്ങളും, പരാതികളും,, ചുംബനങ്ങളും കൈമാറിയ ദിവസങ്ങൾ ,,,

ചെറിയ ചെറിയ പിണക്കങ്ങളും ഇണക്കങ്ങളും തീർത്ത രാത്രികള്‍ ,,,,

എന്റെ ഒാരോ ദിവസവും നിമിഷവേഗത്തിൽ കഴിയുന്ന പോലെ തോന്നി ,,,

ഇന്നലെ അവളാണ് ആദ്യമായൊന്ന് കാണണമെന്ന് ആവശ്യപ്പെട്ടത്,,,,

നാളെത്തന്നെ വരാമെന്ന് ഞാനും പറഞ്ഞു ,,,,

ഒരു കല്ല്യാണത്തിന് പോവാണെന്നും പറഞ്ഞാ ഇന്ന് ഞാന്‍ വീട്ടില്‍ നിന്നുമിറങ്ങിയത്,,,,

റോഡെത്തിയപ്പോഴേക്കും പാലക്കാട്ടേക്കുള്ള ബസ്സ് വന്നു ,,,,

നല്ലൊരു ഗിഫ്റ്റും വാങ്ങി ഞാനതില്‍ കേറിയിരുന്നു,,,_

,, മണ്ണാറക്കാട് കല്ലടി കോളേജിനടുത്തേക്കാണവൾ ചെല്ലാൻ പറഞ്ഞത്,,,

ബസ്സ് നീങ്ങിയപ്പോൾ ,,,,
പുറപ്പെട്ടു എന്ന് ഞാന്‍ അവളെ വിളിച്ചറിയിച്ചു ,,,

കോളേജിനു മുന്നിലെ ബസ്റ്റോപ്പിൽ ഞാനുണ്ടാകും ,,,,_

എന്ന അവളുടെ വാക്കുകള്‍ എന്നെക്കാണാനുള്ള നിറഞ്ഞ ആഗ്രഹത്തോടെയാണെന്ന് മനസ്സിലായി

കോളേജിലേക്കും സ്കൂളിലേക്കുമുള്ള കുട്ടികളും ആളുകളും ബസ്സില്‍ നിറഞ്ഞു ,,,,

ഇന്നവളെ കാണാമെന്നുള്ള വലിയ സന്തോഷത്തോടെ ഞാനും ഒാരോരോ സ്വപ്നങ്ങള്‍ കണ്ട് സീറ്റിലേക്ക് മെല്ലെ ചാരി ,,,,

തിരക്കിനിടയിൽ ഒരു സ്ത്രീ ചെറിയൊരു കുഞ്ഞിനേയുമെടുത്ത് കമ്പിയിൽ പിടിച്ച് നിൽക്കുന്നത് ഞാന്‍ കണ്ടു,,, അവളെന്നെയൊന്ന് നോക്കി ചിരിച്ചു ,,,

ഇങ്ങട്ടിരുന്നോളു എന്ന് തലകൊണ്ട് ആഗ്യം കാണിച്ച് ഞാന്‍ എണീറ്റു ,,,,

വേണ്ട എന്നവൾ തലയാട്ടി,,,,

ഒരുപാട് പെണ്ണുങ്ങളുണ്ട് സീറ്റുകളിൽ കുട്ടികളെയും അടുത്തിരുത്തി ഞെളിഞ്ഞിരിക്കുന്നു,,,

കുറേയെണ്ണം ഉറക്കം നടിക്കുന്നു,,,,

തിരക്ക് കുറയാതെ വന്നപ്പോള്‍ അവളെന്റെ അടുത്തേക്ക് നീങ്ങി നിന്നു ചോദിച്ചു ,,,

ബുദ്ധിമുട്ടില്ലെങ്കിൽ എന്റെ കുട്ടിയെ ഒന്നു പിടിക്കാമോ ഞാൻ ഇവിടെ നിന്നോളാം,,,,

അതിനെന്താ,,, ഇങ്ങോട്ട് തന്നോളു,,,

ഞാനാ കുട്ടിയെ വാങ്ങി മടിയില്‍ വെച്ചു

ഒരു കൊഞ്ചലോടെ ഞാന്‍ പേര് ചോദിച്ചു ,,,

കുട്ടിയാണേൽ ഒന്നും മിണ്ടാതെ എന്റെ മുഖത്തേക്ക് നോക്കി ചിരിക്കുന്നു ,,,_

ചെറിയ കുട്ടിയാണ് എന്നാലും സംസാരിക്കനൊക്കെ ആയിട്ടുണ്ട്,,,,

അതോ ,,,! ഇനി മിണ്ടാൻ കഴിയാത്ത വല്ല കുട്ടിയുമാണോ,,,,, എനിക്ക് സംശയമായി,,,,

പാവം ,,, എന്തെങ്കിലുമൊക്കെ ആവട്ടെ ,,,

കുട്ടിയോടോരോ തമാശകൾ പറഞ്ഞ് ഞങ്ങള്‍ കളിയും ചിരിയുമായി പുറത്തെ കാഴ്ചകളെല്ലാം കണ്ടങ്ങിനെയിരുന്നു,,,,,
ബസ്സിന്റെ സ്പീഡനുസരിച്ച് മരങ്ങളും കെട്ടടങ്ങളുമൊക്കെ അതിലേറെ സ്പീഡിൽ പിറകോട്ടോടുന്നു,,,,

പനമ്പട്ടയും പിടിച്ച് റോഡിലൂടെ പോകുന്നൊരാനയെ വലിയ അതിശയത്തോടെ കുട്ടി എനിക്ക് ചൂണ്ടിക്കാണിച്ച് തന്നു,,,,

എടത്തനാട്ടുകര അങ്ങാടിയെത്തിയപ്പോൾ കുറേ സ്കൂള്‍ കുട്ടികളും ആളകളുമൊക്കെ ബസ്സില്‍ നിന്നിറങ്ങി ,,,_ ഒന്നു രണ്ട് സ്റ്റോപ്പുകൾ കൂടെ കഴിഞ്ഞപ്പോള്‍ ,,,, ബസ്സിലെ സീറ്റുകളെല്ലാം കാലിയായിത്തുടങ്ങി,,,,

അല്ല,,!
ബസ്സ് കാലിയായിട്ടും ആ പെണ്ണെന്താ കുട്ടിയെ വാങ്ങാന്‍ വരാത്തെ,,,,

ഞാന്‍ പുറകിലേക്ക് നോക്കി ,,,,
അവരെ കാണുന്നില്ല ,,, ഒന്നെണീറ്റ് മറ്റു സീറ്റുകളിലേക്കും മാറി മാറി നോക്കി ,,,,

പടച്ചോനെ കുട്ടിയെ മറന്ന് ഇറങ്ങിപ്പോയോ ആ പെണ്ണ് ,,,,

എന്റെ നെഞ്ചിടിപ്പ് കൂടി,,,,,

ഹലോ... ഒന്നു ബസ്സ് നിർത്തൂ,,,,,.

ഒരു പെണ്ണ് കുട്ടിയെ എന്റെ കയ്യില്‍ തന്ന് മറന്ന് ഇറങ്ങീട്ടുണ്ട്,,,

ഞാന്‍ സീറ്റില്‍ നിന്നുമെണീറ്റ് പറഞ്ഞു,,,,

ഡ്രൈവര്‍ ബസ്സ് നിർത്തി,,,

എല്ലാവരും എന്നെ നോക്കി ,,_

കണ്ടക്ടറും ക്ലീനറുമൊക്കെ എന്റടുത്തേക്ക് വന്നു ,,,,

ബസ്സില്‍ തിരക്കായപ്പോൾ ഈ കുട്ടിയെ എന്നോട് പിടിക്കാന്‍ പറഞ്ഞ് തന്നതാണ് ഒരു സ്ത്രീ ,,,,,
അവരെ ഇപ്പോ കാണുന്നില്ല,,,,,,

ഞാന്‍ കണ്ടക്ടറോട് കാര്യം പറഞ്ഞു,,,,

ദേ വെറുതെ കുട്ടിയെ ഒഴിവാക്കാനുള്ള നിന്റെ അടവ് ഞങ്ങളടുത്ത് വേണ്ട,,,

കണ്ടക്ടർ എന്റെ നേരെ തിരിഞ്ഞു ,,,,,

നിങ്ങളെന്താ ഈ പറയ്ണത്,,,,

ഇതിനെ പിടിക്കാന്‍ പറഞ്ഞ് ഒരു പെണ്ണ് തന്നതാണ് എന്റെ കയ്യില്‍ ,,,,

കണ്ടക്ടറുടെ വാക്ക് കേട്ട് ഞാന്‍ ദേഷ്യത്തോടെ പറഞ്ഞു ,,,,

അവര് കുട്ടിയോട് ഒരോന്ന് ചോദിച്ചു ,,,,

കുട്ടിയാണെങ്കിൽ ഇതൊക്കെ കണ്ട് പേടിച്ച് എന്നെ മുറുകെ പിടിച്ചിരിക്കുന്നു,,,,,,

ഇതിന് മിണ്ടാൻ കഴിയില്ല ഞാനവരോട് പറഞ്ഞു ,,,,

മിണ്ടാൻ കയ്യാത്തൊരു കുട്ടിയെയാണോടാ നായേ,,,,,
നീ ഇൗ ബസ്സിലിട്ട് പോകാന്‍ നോക്ക്ണത്,,,,

ബസ്സില്‍ നിന്നും ദേഷ്യത്തോടെ ഒരാളെന്നെ അടിക്കാന്‍ വന്നു,,,,

ആ പെണ്ണ് കുട്ടിയെ തന്നപ്പോഴെന്റടുത്തുണ്ടായിരുന്ന ആളെയും കാണാനില്ല,,,_
അയാള് മുന്നെ ഏതോ ഒരു സ്റ്റോപ്പിലിറങ്ങി,,,,

അയാള് കണ്ടതാണ് ,,, അല്ലെങ്കില്‍ നിങ്ങളുടെ സംശയം അയാളോട് ചോദിക്കാമായിരുന്നു,,, ,,,,
ഞാനവരോട് പറഞ്ഞു ,,,

ദേഷ്യവും സങ്കടവും എന്നെ വല്ലാതെ അസ്വസ്ഥനാക്കി ,,,,

എടോ ഒരു പെണ്ണൊരിക്കലും ഒരു കുഞ്ഞിനെ കളയില്ല ,,,,,
ഞങ്ങളത്ര പൊട്ടൻമാരൊന്നുമല്ല,,,, കുറച്ച് പ്രായമായൊരാൾ പറഞ്ഞു ,,,,

കോളേജിലേക്കുള്ള കുട്ടികളും ബസ്സിലെ ആളുകളുമൊക്കെ എന്നെ വട്ടമിട്ടു ,,,,

ഒരു കള്ളനെ കിട്ടിയ പോലെ എല്ലാവരും എന്നെ നോക്കുന്നു ,_,,
ചിലര്‍ അടിക്കാന്‍ വരുന്നു,,,,,

ഇവനെ നമുക്ക് പോലീസില്‍ ഏൽപ്പിക്കാം,,,,

ആരോ പറഞ്ഞു,,,,

ഞാനിവിടെ ഇറങ്ങിക്കോളാം,,, എന്നെ വിട്ടേക്ക് ഇതെന്റെ കുട്ടിയല്ലെന്ന് പറഞ്ഞില്ലേ ,,,,,

ഞാന്‍ കുട്ടിയെ സീറ്റിലിരുത്തി എണീറ്റു,,,

അങ്ങനെയങ്ങ് ഇറങ്ങല്ലേ ഇതിനൊരു തീരുമാനമാക്കീട്ട് പോയാമതി ,,,,,,

ഇവനെ കണ്ടാല്‍ തന്നെ ഒരു കള്ള ലക്ഷണമുണ്ട്,,,,,
എന്നുംപറഞ്ഞ് ക്ലീനറെന്നെ പിടിച്ച് സീറ്റിലിരുത്തി,,,

ആദ്യമായിട്ടാ ഇങ്ങനൊരനുഭവം,,,, പേടികൊണ്ടെന്റെ നിയന്ത്രണം വിട്ടു,,,

അവന്റെ ഒരു കള്ളക്കണ്ണീര്,,,

ഈ തെമ്മാടിയെ ഇങ്ങനെ വിടാന്‍ പാടില്ല നമുക്ക് ,,,, പോലീസിലേൽപ്പിക്കാം,,,
ഇന്നത്തെ ഒരു ട്രിപ്പ് മുടങ്ങിയാലും വേണ്ടില്ല,,, സതീഷേട്ടാ
വണ്ടി സ്റ്റേഷനിലേക്ക് വിട്,,,,

കണ്ടക്ടറ് ഡ്രൈവരോട് പറഞ്ഞു ,,,

അതെ ,, ഇവനെ പോലീസിലേൽപ്പിച്ച് പോയാമതി,,,
ബസ്സിലുള്ളവരും കൂടെ പറഞ്ഞപ്പോള്‍ ഡ്രൈവര്‍ അടുത്തുള്ള പോലീസ് സ്റ്റേഷനിലേക്ക് വണ്ടി തിരിച്ചു ,,,,,

സ്റ്റേഷന് മുന്നില്‍ ബസ്സ് നിർത്തി ഒരു ക്രിമിനലിനെ പോലെ കണ്ടക്ടറും കുറച്ചാളുകളും എന്നെ സ്റ്റേഷനകത്തേക്ക് കൊണ്ട്പോയി,,,,,

പടച്ചോനെ അവിടുത്തെ എസ് ഐ യെ കണ്ടപ്പോള്‍ തന്നെ എന്റെ ശ്വാസം പോയി

സർ , ഇവനീ കുട്ടിയെ ഞങ്ങടെ ബസ്സിലുപേക്ഷിച്ച് പോകാന്‍ ശ്രമിച്ചു _,,,,

ഇവൻ പറയുന്നു ഇതിവന്റെ കുട്ടിയല്ലെന്ന്,,,,

കണ്ടക്ടർ എസ് ഐ യോട് പറഞ്ഞു ,,,

സത്യമായും
സാറേ ഇതെന്റെ കുട്ടിയല്ല,,,, ഞാനിവരോട് പല തവണ പറഞ്ഞതാണ്,,,
തിരക്ക് കാരണം ഒരു സ്ത്രീ എന്റെ കയ്യില്‍ തന്നതാണിതിനെ,,, പടച്ചോനാണ് സാറേ,,, സത്യം ,,_
ഞാന്‍ അവിടെയുണ്ടായിരുന്ന എസ്ഐ സാറോട് പറഞ്ഞു ,,,

മിണ്ടാതെ ഇങ്ങോട്ട് മാറി നിൽക്കെടാ,,,,,

ബെൽറ്റൊന്ന് മുറുക്കി ദേഷ്യത്തോടെ എസ്ഐ എന്നോട് പറഞ്ഞു ,,,,,

പേടിയോടെ ഞാന്‍ അപ്പുറത്തേക്ക് മാറി നിന്നു ,,,

എന്താടാ തന്റെ പേര്,,,,??

അർഷദ് ,,,

എവിടാടോ നിന്റെ നാട് ,,,???

കരുവാരകുണ്ട്,,,

ഇവിടെയെന്താ നിനക്ക് കാര്യം ,,, ??

ഞാനൊരു കല്ല്യാണത്തിനു പോവ്വാണ് സാറേ ,,,

ഈ കുട്ടിയെയും കൊണ്ടാണോടോ ഇത്ര ദൂരത്തേക്കൊക്കെ കല്ല്യാണത്തിന് പോകുന്നത്,,,

ഞാന്‍ പറഞ്ഞില്ലേ സാറെ ഇതെന്റെ കുട്ടിയല്ല,,,,

അയ്യോടാ,,, പാവം നീ പറയുമ്പോഴേക്ക് ഞങ്ങളങ്ങ് വിശ്വസിക്കുമെന്ന് കരുതിയോ,,,

നിന്റട്ത്ത് എന്തോ ഒരു കള്ളത്തരമുണ്ട്,,,,

സത്യം പറയടാ,,,,
ഈ കുട്ടിയേതാ,,,, ??

എന്തിനാ ഇതിനെ ബസ്സിലിട്ട് ഇറങ്ങാന്‍ നോക്കിയത്,,,,, ?

എന്റെ റബ്ബേ,,,
ഈ സാറുമെന്നെ കുറ്റക്കാരനാക്കുവാണോ,,,, ??

നെഞ്ചിനൊക്കെയൊരു വേദന,,,,

എന്റെ തല ചുറ്റ്ണ പോലെ ,,,,

എന്നെ പോലീസിലേൽപ്പിച്ച് ബസ്സ്കാരും പോയി,,,

എനിക്കാണേൽ ഈ സ്ഥലമൊന്നും വലിയ പരിചയമില്ല,,,,

ഒന്ന് സഹായത്തിന് വിളിക്കാൻ പോലും എനിക്കിവിടെ അറിയുന്നോരാരുമില്ല ,,,

കയ്യും കാലുമൊക്കെ വിറച്ചിട്ടു വയ്യ,,_,,

പത്തിരുപത്തെട്ട് വയസ്സായിട്ട് ആദ്യായിട്ടാ പോലീസ്റ്റേഷനിൽ ,,, അതും ഒരു കുറ്റവാളിയെപ്പോലെ,,,
സാറേ എന്നെ വിശ്വസിക്കണം,,,, ഞാന്‍ കല്ല്യാണം പോലും കഴിച്ചിട്ടില്ല,,,,
ഒരു സ്ത്രീ തന്നതാ എന്റെ കയ്യില്‍ ഇതിനെ ,,,_ കരഞ്ഞ്കൊണ്ട് ഞാന്‍ എസ് ഐക്കു മുന്നില്‍ കൈ കൂപ്പി,,,,

അങ്ങോട്ടിരിക്ക് ഞാനൊന്ന് അന്വേഷിക്കട്ടെ,,,,

അപ്പുറത്തെ ബെഞ്ച് ചൂണ്ടിക്കാട്ടി എസ്ഐ സാറെന്നോട് പറഞ്ഞു ,,,,

എന്ത് ചെയ്യണമെന്നറിയാതെ ആ കുട്ടിയെയും മടിയില്‍ വച്ച് ഞാനാ ബെഞ്ചിലിരുന്ന് കരഞ്ഞു,,,,
എന്റെ കരച്ചില്‍ കണ്ട് കുട്ടിയും എന്നെ നോക്കി കരയുന്നു,,,,,

ഡോ,,,,,,, !!!

എന്റെ കരച്ചില്‍ കേട്ടാരോ എന്നെ പുറകിൽ തട്ടി വിളിച്ചു ,,,,

ഒരു ഞെട്ടലോടെ ഞാന്‍ പുറകിലേക്ക് തിരിഞ്ഞു,,,,

എന്താ,,,,?????

സ്ഥലമെത്തി ഇറങ്ങുന്നില്ലേ,,,,,

ഒരു ആക്കിയ ചിരിയും ചിരിച്ചുകൊണ്ടായിരുന്നു കണ്ടകടറുടെ ചോദ്യം ,,,,,,,

അർഷദ് കരുവാരകുണ്ട്