ഓൺലൈൻ

-----------------------

സമയം രാത്രി ഒരു രണ്ടു മണി ആയിക്കാണും.. മെസ്സേങ്ങേര് പല്ലി പോലെ ചിലച്ചു..

നോക്കിയപ്പോൾ ഒരു സുന്ദരികുട്ടി.. ഒരു മെസ്സേജ് അയച്ചിരിക്കുന്നു..

നോം സന്തോഷത്തോടെ ഇൻബൊക്സ് തുറന്നു..

"Hi.. "

" ചേട്ടാ "

"ഹായ് "

"ഞാൻ കഥകളൊക്കെ വായിക്കാറുണ്ട്.. "

"ഒത്തിരി സന്തോഷം.. '

"ഓൺലൈൻ വേറെ ആരെയും കാണുന്നില്ല..അപ്പോഴാണ് ചേട്ടനെ ഓൺലൈൻ കണ്ടത് "

ഞാൻ സ്മൈലി അയച്ചു...

"ഞാൻ ഒരു വല്ലാത്ത സാഹചര്യത്തിൽ ആണ്.. എന്ത് ചെയ്യണമെന്ന് അറിയില്ല ആകെ ടെൻഷനിൽ ആണ് "

"ഞാൻ ഒരു ടാക്സിയിൽ ആണ്.. ഒറ്റക്കാണ്.. ഡ്രൈവർ ഇപ്പോൾ ഒരാളെ കയറ്റി.. മുൻ സീറ്റിൽ ആണ്.. "

"ശരി.."

അയാളും ഡ്രൈവറും ഇടക്ക് എന്നെ നോക്കുന്നുണ്ട്.. അവർ തമ്മിൽ സംസാരിക്കുന്നില്ലങ്കിലും.. മുഖം കൊണ്ട് എന്തോ സംസാരിക്കുന്നുണ്ട്...

"എനിക്ക് എന്തോ വല്ലാതെ പേടിയാകുന്നു.. '

"പോലീസിൽ അറിയിക്കണോ.. "

"കാര്യമില്ല ചേട്ടാ.. ഇവിടെ സ്റ്റേഷൻ അടുത്തില്ല. ഇനി അറിയിച്ചാൽ തന്നെ അരമണിക്കൂർ എങ്കിലും എടുക്കും "

"ചേട്ടാ ദാ വണ്ടി വീണ്ടും നിർത്തി.. ഒരാൾ കൂടെ കയറാൻ ഉള്ള പരിപാടിയാണ് "

"എനിക്ക് പേടിയാകുന്നു... ചേട്ടാ pls ഹെൽപ്.. "

"പ്ലീസ് ഹെൽപ്... പ്ലീസ്... "

"നീ നിന്റെ ലൊക്കേഷൻ സെൻറ് ചെയ്യൂ.. "

"മറ്റേയാൾ കയറിയോ "

"ഉം.. "

"ചേട്ടാ.. അയാൾ എന്നെ വല്ലാതെ നോക്കുന്നു.. pls ഹെൽപ്.. "

"ശരി..പേടിക്കണ്ട . ഞാൻ വിളിക്കാം ഞാൻ പറയുന്ന ഡയലോഗ് അല്പം ദേഷ്യത്തോടെ എന്നോട് തിരിച്ചു പറയണം.. കേട്ടോ.. "

"ചേട്ടാ... "

"പേടിക്കണ്ട..ഞാൻ വിളിക്കാൻ പോകുന്നു "

ഞാൻ അവളെ വിളിച്ചു.. ഇപ്രകാരം പറഞ്ഞു

" എനിക്ക് ഒന്നും കേൾക്കണ്ട... എന്നെ വിളിക്കണ്ട "

"എനിക്ക് എയ്ഡ്‌സ് ഉണ്ടെന്ന് പറഞ്ഞു എനിക്ക് ജീവിക്കണ്ടേ "

ഞാൻ പറഞ്ഞത് പോലെ അവൾ പറഞ്ഞതും ഞാൻ ഫോൺ കട്ട്‌ ചെയ്തു...

ആ ഡയലോഗ് കൊണ്ട് ആണോ എന്നറിയില്ല... അവൾ സേഫ് ആയി.. എത്തി...

Nb.അല്ലെങ്കിലും എനിക്ക് ഒടുക്കത്തെ ബുദ്ധി ആണ്

---------------

സഞ്ജു കാലിക്കറ്റ്‌.