ആർക്കാണ് സ്നേഹം..

°°°°°°°°°°°°°°°°°°°°°°°°°

ഒരു പകൽ മുഴുവനും നീണ്ട
അധ്വാനത്തിന്റെ ക്ഷീണവുമായി,
ഗൃഹനാഥൻ വീട്ടിലെത്തി.

ടെലിവിഷനിൽ,
പുത്തൻ പാചകവും,
അവതാരകയുടെ സാരിയും,
കണ്ണിമ വെട്ടാതെ നോക്കിയിരുന്ന
ഗൃഹനാഥയതറിഞ്ഞില്ല.

ഐ പാഡിൽ,
ഗെയിം കളിച്ചിരുന്ന കുട്ടികൾ
മുഖമുയർത്തിയതേയില്ല.

കോണിച്ചുവട്ടിൽ കിടന്നിരുന്ന,
വളർത്തു നായ
ആ സാന്നിധ്യമറിഞ്ഞു.
ചാടിയെഴുന്നേറ്റു,
അയാളുടെ മുന്നിലേക്കോടിച്ചെന്നു,
വാലാട്ടി, മുട്ടിയുരുമ്മി നിന്നു.

°°°°°°°°°°°°°°°°°°°°°°°°°°
സായ് ശങ്കർ മുതുവറ
12 SEP 2019
°°°°°°°°°°°°°°°°°°°°°°°°°°