മരണം വന്നു വിളിക്കുമ്പോൾ

മരണം വന്നു വിളിക്കുമ്പോൾ
°°°°°°°°°°°°°°°°°°°°°°°°°°°°°°°°
കാലങ്ങളേറെയായ്
ഞാൻ കാത്തിരുന്നൊരാ,
വിളിയൊച്ച കേൾക്കുന്നു ദൂരേ.

പോകണം പിൻവിളി കേൾക്കാതെ,
നീണ്ടൊരാ,
യാത്ര തുടങ്ങുന്നൊരീ നിമിഷം.

കാക്കുമോ നീയെന്റെ സ്വപ്‌നങ്ങളെ
പോവുകിൽ
ഞാനൊന്നും മിണ്ടിടാതെ...

കോർത്തു വെച്ചീടുക
പുഷ്പ ഹാരം
ചാർത്തുവാൻ എന്നുടെ ഓർമകളിൽ …

കാണില്ലയെങ്കിലും
ഓർക്കണം എന്നെ നീ,
ചുണ്ടിലെ പുഞ്ചിരി മാഞ്ഞിടാതെ.
……………
……………
………………………………………
സായ് ശങ്കർ, മുതുവറ
………...……………………………