**************** സജി വർഗീസ്*******
അച്ഛന്റെ വിഷുക്കൈനീട്ടം കിട്ടാതെയവൾ പിണങ്ങിയിരിപ്പാണ്,
കണികാണിക്കാത്തതെന്തന്നവൾ ചോദിച്ചു,
വിഷുവിന് പടക്കവുമായച്ഛൻവരുന്നതും
കാത്തവൾ ഉമ്മറപ്പടിയിലിരുപ്പാണ്,
കാക്കിയിട്ടവരാരോ അച്ഛനെ കൂട്ടിക്കൊണ്ടുപോയതവളുടെ മനസ്സിൽ മായാതെ നിൽപ്പുണ്ട്,
വിഷുക്കണിയില്ലാതെ വിഷു സദ്യയില്ലാതെ മരണത്തിന്റെ മൗനം നിറഞ്ഞു നിൽക്കുന്ന വീടിന്റെയുമ്മറപ്പടിയിലവൾ അച്ഛൻ വരുന്നതും നോക്കിയിരുന്നു;
കിടപ്പുമുറിയിൽ യൗവനത്തിൽ തന്നെ താൻ പാതിയെ നഷ്ടപ്പെട്ടവളുടെ തേങ്ങിക്കരച്ചിൽ മുഴങ്ങുന്നുണ്ട്,
ആകാശ മണ്ഡലത്തിൽ കുങ്കുമപ്പൂവിന്റെ നിറമുള്ള കൊച്ചു സുന്ദരി താഴേക്കിറങ്ങിവന്നച്ഛനെ കാത്തിരിക്കുന്ന കുരുന്നിന്റെ കണ്ണുനീരു തുടച്ചു കൊണ്ടവളെ തഴുകിത്തലോടി
മനസ്സിനു മുറിവേറ്റവളെ പിച്ചിചീന്തപ്പെട്ടവളുടെ ആത്മാവിന്റെ തലോടൽ
സജി വർഗീസ്
Copyright protected.
No comments
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക