ദൂരെ

ദൂരെ വിണ്ണിലൊരുതാരകം മിഴി ചിമ്മി നില്പുവതു കണ്ടുവോ?
ഏകനാമതു മന്ദമായ് മന്ത്രമോതുന്നു കേട്ടുവോ?

നാഥനാകിയ നായകൻ ഭൂവിൽ നന്മനടനങ്ങളാടുവാൻ
മഞ്ഞുപെയ്യുമീ അർദ്ധരാത്രിയിൽ പുൽത്തൊഴുത്തിൽ പിറന്നിതാ.

നൂറുതിങ്കളുദിച്ചപോൽ അഴകേറിടുന്നോരു പുഞ്ചിരി
കാണുക ദൈവപുത്രനാമവൻ ലോകരക്ഷയ്ക്കുണർന്നിതാ

(ദൂരെ )

പൂനിലാവിലൊരു മുല്ലമൊട്ടു വിരിയുന്ന പോലെയിതാ നിന്നിലും
നേരമായിതാ നേരിനായൊരു നേർവഴിയ്ക്കു നടകൊള്ളുവാൻ

നിർമ്മലസ്നേഹമെന്നസത്യമീ വിശ്വമാകേ നിറയ്ക്കുവാൻ
ദൈവരാജ്യമതായിടാൻ ഒത്തുചേർന്നടരാടുക.

ദൂരെ വിണ്ണിലൊരുതാരകം മിഴി ചിമ്മി നില്പുവതു കണ്ടുവോ?
ഏകനാമതു മന്ദമായ് മന്ത്രമോതുന്നു കേട്ടുവോ?

_____________________________________
രമേഷ് കേശവത്ത്