നിശ്വാസത്തിൻ തീമഴ പെയ്തു തിണർത്തു ,ചുണ്ടുകൾ..
തണുത്തുറഞ്ഞിനികുളിരായ് നാവിൻ
തുമ്പിലലിഞ്ഞു മരിക്കാൻ..
പീലിവിടർത്തിയടുക്കും നിന്റെ
ചിറകിലൊതുങ്ങി മയങ്ങാൻ..
പ്രണയച്ചോപ്പിൻ മഞ്ചാടികളെ
കവിളലമർത്തി സുഖിക്കാൻ..
വെയിലിൻ പൊൻതരി നുളളിയെടു-
ത്തതിലൊന്നു പുരണ്ടു രമിക്കാൻ..
ഇനിമതിയതുവരെ ലഹരിയിലങ്ങനെ
നിന്നിലലിഞ്ഞു മറക്കാൻ...
നിദ്ര പുതച്ചതിനിടയിലൂടങ്ങനെ-
യൊലിച്ചിറങ്ങിയ കറുപ്പകറ്റിയും
പുനർജ്ജനിയതു നീ തരുമോ,
കനിവായ് മുന്നിൽ വരുമോ??
* * *
Meeraben PM
No comments
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക