ലൂസിഫർ - Movie Review

എന്റെ പൊന്നു പ്രിത്വി

നിങ്ങൾ എജ്ജാതി തള്ളാ ഇഷ്ട !

പടം ആവറേജ് ആണ് ,സിമ്പിൾ ആണ് ,അത്ര വലിയ സംഭവം ഒന്നുമല്ല എന്നൊക്കെ തള്ളൽ കേട്ട് തീയേറ്ററിൽ പോയ ഞാൻ ഹാർട് അറ്റാക് വന്നു ചത്ത് പോകാതിരുന്നത് ആരുടയോ ഭാഗ്യം .എന്റെ കൈവെള്ളയില് തൊലി ഇല്ല അറിയോ (കയ്യടി നിർത്താൻ പറ്റണ്ടേ ).കൂട്ടത്തിലുണ്ടായിരുന്നത് അമ്മയായതു കൊണ്ട് വിസിലടിക്കാനും കയ്യടിക്കാനും അത്യവശ്യം ആർപ്പുവിളിക്കാനുമൊക്കെ പറ്റി.ഭർത്താവും മോനുമായിരുന്നെങ്കിൽ ഇത് വല്ലോം സാധിക്കുമോ?അല്ല പറഞ്ഞിട്ട് കാര്യമില്ല അറുപത്തിയഞ്ച് വയസ്സുള്ള എന്റെ 'അമ്മ ദാഹിച്ചിട്ട് വെള്ളം പോലും കുടിക്കാതെ (ഏകാഗ്രത പോകുമത്രേ ) കയ്യടിച്ചു കണ്ടോണ്ടിരുന്നു

ഇന്നെന്റെ അമ്മയുടെ പിറന്നാൾ ആയിരുന്നു .സിനിമ കണ്ടിട്ട് അമ്മയെന്നോട് പറഞ്ഞു .'അമ്മയുടെ ഓർമയിൽ ഇത്രയും രസിച്ച ഒരു പിറന്നാൾ ഉണ്ടായിട്ടില്ലന്ന് .ഇതാണ് പ്രിത്വി നിങ്ങൾക്കുള്ള അവാർഡ്
.'അമ്മ അത്രയും ആസ്വദിച്ചെങ്കിൽ ഞാൻ എന്ത് പറയാനാ കൂട്ടുകാരെ

"ലൂസിഫർ അസാധ്യ കിടുവാണ്"

ഇനി സിനിമയിലേക്ക് വരാം

"എന്റെ സാറെ തട്ടമിട്ട ഓളുടെ മുഖം കണ്ടാ പിന്നെ ചുറ്റുമുള്ളതൊന്നും കാണാൻ സാധിക്കില്ല "എന്ന് നിവിൻപോളി പറഞ്ഞത് പോലെ ലാലേട്ടൻ സ്‌ക്രീനിൽ വന്നാൽ ചുറ്റുമുള്ളതൊന്നും കാണാൻ സാധിക്കില്ല .ഞാൻ എന്തായാലും ഞായറാഴ്ച കൂടെ ബുക്ക് ചെയ്തിട്ടുണ്ട് .എനിക്ക് മറ്റുളളവരുടെ അഭിനയവും ശരിക്കും കാണണം .

എന്നാലും ചിലരെയൊക്കെ പറയാതെ വയ്യ

സായി കുമാർ . കക്ഷി ഒരു കിടുക്കാച്ചി ഐറ്റം ആണെന്ന് മുൻപ് തന്നെ തെളിയിച്ചിട്ടുള്ളതാ.ഒരു കണ്ണിൽ കള്ളത്തരവും മറ്റെല്ലാന്നിൽ കപടവിനയവും മുഖത്താണെങ്കിൽ നിഷ്‍കളങ്കതയും..പഹയൻ ..അടി ..ആ

ടോവിനോ , ടോവിനോയെകണ്ടപ്പോൾ രാഹുൽഗാന്ധിയെ ഓര്മ വന്നതു എനിക്ക് മാത്രമാണോ ? ഒരൊറ്റ മൈതാനപ്രസംഗം കൊണ്ട് ചെക്കൻ അങ്ങ് കിടുക്കി കളഞ്ഞു

മഞ്ജു "എപ്പോളുമെന്ന പോലെ നല്ല പെർഫോമൻസ്

ഫാസിൽ "ചെറിയ ഒരു റോൾ ആണെങ്കിലും ഉള്ളിൽ നിൽക്കും അത്ര അഭിനയം ആയിരുന്നു .മലയാളത്തിന് മികച്ച ഒരു സംവിധായകനെ കിട്ടിയപ്പോൾ നല്ല ഒരു നടനെ നഷ്ടമായി ..സൂപ്പർ ആയിട്ടോ പാച്ചിക്ക

ഇന്ദ്രജിത് : ഒന്നും പറയാനില്ല മാഷെ ..ഒരു ചിത്തരോഗിയുടെ ഭാവങ്ങൾ ,ചടുലമായ സംഭാഷണങ്ങൾ ...അതി ഗംഭീരം

ബൈജു " ഈശ്വര ! നിങ്ങൾ അടിപൊളിയാട്ടോ ..എന്ത് നാച്ചുറൽ ആണ് . അപ്പൊ ഇതാണല്ലേ ഇടതു വലതു രാഷ്ട്രീയം ?ഞങ്ങൾക്കെല്ലാം മനസിലായി

"വിവേക് ഒബ്‌റോയ് : ലാസ്റ്റ് ബട്ട് നോട് ദി ലീസ്റ്റ് ..അതിഗംഭീരം .വിനീതിന്റെ ശബ്ദത്തിൽ ഒരു 'അടാർ വില്ലൻ

മറക്കരുതാത്തവർ

മുരളി ഗോപി
മഹാനായ ഒരു അച്ഛന്റെ മഹാനായ ഒരു മകൻ .തിരക്കഥ .

ദീപക്‌ദേവ് : നമ്മളെ ഹരം പിടിപ്പിക്കുന്ന സംഗീതം ,ബിജിഎം ഒരു രക്ഷയുമില്ല

സുജിത് വാസുദേവ് : കാമറ കൊണ്ട് ചിത്രമെഴുതുന്ന ബുദ്ധിശാലി ..ഫ്രെയിമുകൾ ഒക്കെയും ഉള്ളിൽ തട്ടുന്നത് ...സൂപ്പർബ്

ഇനി

"രാജാവ് "

എന്റെ ലാലേട്ടാ
നിങ്ങള് എങ്ങനെയാണു ആ പോലീസ് കാരന്റെ കഴുത്തിൽ ഒരൊറ്റ ഷോട്ടിൽ കാല് കൊണ്ട് ഒരു പ്രയോഗം ചെയ്തത് ..ഒളിമ്പ്യൻ അന്തോണി ആദത്തിൽ ചെയ്തിട്ടിപ്പോ എത്ര വര്ഷം ആയി ? ഈ നൂറ്റിനെപതു ഡിഗ്രിക്കും തൊണ്ണൂറു ഡിഗ്രിലുമൊക്കെ കാല് വെക്കുന്നതു നിങ്ങള്ക്ക് ഒരു പൂവ് പറിക്കും പോലെ ഈസി ആണല്ലേ?

കഥ രത്‌നച്ചുരുക്കം

ഒരിടത്തു ഒരിടത്തു ഒരു ദൈവം ജീവിച്ചിരുന്നു ആ ദൈവത്തിനു മക്കൾ ഉണ്ടായിരുന്നു .വലിയ സൈന്യം ഉണ്ടായിരുന്നു .സ്തുതിപാഠകർ ഉണ്ടായിരുന്നു .ദൈവം ഒരു വലിയ രാജ്യത്തിൻറെ രാജാവായതു കൊണ്ട് കുറെ കള്ളന്മാർ മാലാഖാമാരായി ചമഞ്ഞു ദൈവത്തിന്റ കൊട്ടാരത്തിൽ കയറി കൂടി അങ്ങനെ ഒരു ദിവസം ദൈവം മരിച്ചു മാലാഖാമാരായി ചമഞ്ഞവർ ദൈവത്തെ കൊന്നു ദൈവത്തിന്റെ സ്വന്തം നാടായി .

പറഞ്ഞു കേട്ട കഥ തന്നെ പക്ഷെ ട്രീറ്റ്മെന്റ് പുതിയതാണ്

നമ്മളിപ്പൊളും കോഴിക്കറി വെയ്ക്കുന്നത് അല്ലെങ്കിൽ ഏതു കറിയും വെയ്ക്കുന്നത് ഒരേ മാതിരിയാണോ ?
കോഴിക്കഷണങ്ങൾ മസാലപുരട്ടി പലരീതികളിൽ മാറി മാറി നോക്കി പരീക്ഷിക്കും

സംഭവം കോഴിക്കറി തന്നെ
പക്ഷെ രുചി കൂടുതലായിരിക്കും ..അതുണ്ടാക്കുന്ന കൈകളെ കഴിക്കുന്നവർ അഭിനന്ദിക്കും വീണ്ടും ഉണ്ടാക്കി തരണമെന്ന് അഭ്യർത്ഥിക്കും .ആദ്യ സംരംഭം തന്നെ ഗംഭീരം ആണെങ്കിൽ ?

അതേ പ്രിത്വി
ഞങ്ങൾക്കിനിയും വേണം ഞങ്ങളുടെ ലാലേട്ടനെ ..

ഡോക്ടർ സണ്ണി പറയും പോലെ
"ഓജസ്സും തേജസ്സുമുള്ള നിന്റെ ഗംഗയെ തിരികെ തരാം എന്നാണ് ഞാൻ പറഞ്ഞത് "

അതെ ഓജസ്സും തേജസ്സുമുള്ള ഞങ്ങളുടെ ലാലേട്ടൻ ഇതാണ്

എനിക്ക് മനസിലായി ഒരു കാര്യം
ലാലേട്ടന്റ് തീവ്ര ആരാധകനാണ് പ്രിത്വി ..അത് പോലെ ഒരാൾ സിനിമയെടുത്താൽ അതിങ്ങനെ തന്നെ വരും

ഒരു തീവ്ര ആരാധിക അതിനെ കുറിച്ചെഴുതിയാൽ ദേ അതിങ്ങനെ ഇരിക്കും

എപ്പടി ?കാണാത്തവർ വേഗം .....

By Ammu Santhosh