തുപ്പെഴുത്ത്

പണ്ടുകാലത്ത് കുറ്റിക്കാടുകളിൽ 

നടത്തിയിരുന്നതും 

പിന്നീട് വീടിനരികിലെ കുടുസുമുറിയിൽ 

ഒതുങ്ങിനിന്നതും 

ഇന്ന് ആഡംബരപൂർവ്വം വീട്ടിൽ 

നക്ഷത്രസൗകര്യങ്ങളിൽ 

ഇരുന്ന് നിർവ്വഹിക്കുന്നതുമായ 

സുപ്രധാന കർമ്മം
ചില യുവജനങ്ങൾ
ഇന്ന്
ഗൃഹ മോന്തായത്തിൽ ഉപവിഷ്ടരായി
മാതൃശിരോവൃഷ്ടിയായി ശബ്ദാഹ്ളാദങ്ങളോടെ
ചെയ്തു വയ്ക്കുമ്പോൾ
നിങ്ങളോർക്കുക
ഒരുതെറ്റും ചെയ്യാത്ത അമ്മകൂടി പഴികേൾക്കുമെന്ന്
പഴഞ്ചൊല്ലിൽ പതിരുണ്ടെങ്കിലും
അമ്മ വേലിചാടി എന്ന് പറയിപ്പിക്കല്ലേ
പാവം അമ്മ
നിങ്ങളെ പെറ്റു വളർത്തിയതല്ലേ

മലർന്നുകിടന്ന് മേലോട്ടാണ് തുപ്പെഴുത്ത്
അത് താഴേയ്ക്ക് തന്നെവരും
സാരോപദേശ ലേഖനം
VGV