വെയിലും മരവും ജലവും.(ലേഖനം)

കേരളത്തിന്റെ ഭൂമിക്ക്
മണ്ണിന്റെയും ആകാശത്തിന്റെയുമിടയിലെ
കവചം നഷ്ടപ്പെട്ടിരിക്കുന്നു.

വൃക്ഷങ്ങൾ ഇലകൾ കൊണ്ടു തീർക്കുന്നൊരു പച്ചപ്പുതപ്പിന്റെ സംരക്ഷണമാണ് നമുക്ക് നഷ്ടമായത്.
ആയിരക്കണക്കിനു വൃക്ഷങ്ങളാണ് നിത്യേനെയെന്നോണം മുറിച്ചു കൊണ്ടിരിക്കുന്നത്.
അതിന്റെ 10% പോലും നട്ടു സംരക്ഷിക്കുന്നില്ല. ഇത് ഒരു വലിയ കാരണമാണ്.

സൂര്യപ്രകാശം നേരിട്ടു ഭൂമിയിൽ പതിക്കുമ്പോഴാണ് ഇത്രയും വേഗം ഭൂമി വരളുന്നത് വിണ്ടുകീറുന്നത്.

ഒരു വ്യക്തി അയാളുടെ ആവശ്യങ്ങൾക്കു വേണ്ടി മുറിച്ചു മാറ്റുന്ന മരങ്ങൾക്കു പകരമായി ഒരു തൈ പോലും നടാത്ത എത്ര പേരുണ്ട്..?

ഈ ലേഖനം വായിക്കുന്നവരിലുമുണ്ടാകും ഒത്തിരിപ്പേർ എന്നുറപ്പാണ്.

ഒരു ജലനയം കൊണ്ടു വന്നില്ലെങ്കിൽ ഉറപ്പായും മരുഭൂമിയായിപ്പോകും കേരളം.
ഭരിക്കുന്നവർ ദീർഘവീക്ഷണത്തോടെ കാര്യങ്ങൾ നടപ്പിലാക്കാത്തതിന്റെ പ്രതിസന്ധിയാണിതെന്ന് ഞാൻ വിലയിരുത്തുന്നു.

വീടുകൾ കയറ്റാനും മറ്റും ഒരു മരം മുറിക്കുമ്പോൾ അതേ ഇനത്തിൽപ്പെട്ട രണ്ടെണ്ണമെങ്കിലും വെക്കണമെന്ന നിയമം കൊണ്ടുവരണം.

ചെറുപ്പകാലത്ത് കണ്ടുവന്നിരുന്ന നാടൻ മരങ്ങളും പഴങ്ങളും ഇപ്പോൾ ഇല്ല.
ചിലത് നാമാവശേഷമായി ചിലത് അപൂർവ്വമായി.

പല ഗ്രാമത്തിലും ഉയരം കൂടിയ മരങ്ങൾ കാണാനേഇല്ല. ഇതൊക്കെ അധികം വൈകാതെ ഭൂമിയുടെ സ്വഭാവം മാറ്റും. നമ്മുടെ കൃഷിരീതികളും പരിഷ്ക്കരിക്കേണ്ടതുണ്ട്.

ജനസംഖ്യ കൂടുംന്തോറും വീടുകൾ ഇനിയും വരും അങ്ങിനെ കേരളമൊരു കോൺക്രീറ്റുകാടാകും
ശുദ്ധജലം പോയിട്ട് ജലം തന്നെ ഇല്ലാതാകും.

മഴക്കാലത്ത് പെയ്യുന്ന ജലം നമുക്ക് വേണ്ടല്ലോ അത് അറബിക്കടലിനുള്ളതല്ലേ..?

Babu Thuyyam.