ഭാഗം രണ്ട്
Read First part here - https://www.nallezhuth.com/2019/01/blog-post_80.html
=======
'' രണ്ട് ദിവസം കഴിഞ്ഞ് സന്ധ്യ നേരത്താണ് രമണൻ വീട്ടിൽ വന്നു കയറിയത്,
'' രണ്ട് ദിവസം കഴിഞ്ഞ് സന്ധ്യ നേരത്താണ് രമണൻ വീട്ടിൽ വന്നു കയറിയത്,
'' എവിടെയായിരുന്നു, ... കനകമ്മ ചോദിച്ചു,...
'' വർക്ക് ഷോപ്പിൽ ജോലിയുണ്ടായിരുന്നു ...
''ഇവിടെ ഒരുത്തിയുണ്ടെന്നുളള വിചാരമൊന്നുമില്ലല്ലോ ... കനകമ്മ പരിഭവത്തോടെ മുഖം കനപ്പിച്ച് അടുക്കളയിലേക്ക് പോയി,...
രമണൻ കുളിച്ച വന്നപ്പോഴേക്കും അത്താഴം റെഡി,...
''ഇന്നെന്താ കൂട്ടാൻ ...?
''മാരിയമ്മ ചേച്ചി ഒരു പിടുത്തം ചക്കക്കുരു തന്നു .. മാങ്ങായിട്ടു വച്ചതാ ...
''എനിക്കു വേണ്ട ...
''അതെന്താ ...?
'' ചക്കക്കുരു വഴക്കാളിയാ .. ഇവൻ വയറ്റിലേക്കു ചെന്നാൽ ആമാശയവുമായി യോജിക്കൂല ... ഏതു നേരവും വെടിയും ചീറ്റലും ഉന്തും തളളുമാണ് ...പിന്നെ ഞാൻ ജോലി സ്ഥലത്ത് നിന്നെഴുന്നേറ്റ് ബാത്ത്റൂമിൽ പോയാലേ പ്രശ്നം തീരൂ,..... നീ ലേശം മുളക് ചാലിച്ച് തന്നാ മതി ... നാളെ മത്തി വാങ്ങാം ...
''ങാ .. മത്തി വാങ്ങുന്ന കാര്യം പറഞ്ഞപ്പോഴാ ഓർത്തത് ....എനിക്കൊരു കൂട്ടം വാങ്ങണം ...
''രമണൻ തലയുർത്തി കനകമ്മയെ നോക്കി .... ബ്രാ യും, ഷഡ്ഡിയുമല്ലല്ലോ ...ഇനി അതെല്ലാം നീ പോയി വാങ്ങിയാൽ മതി ...
''നിങ്ങളെന്റെ ആരാ ...? ദേ ഞാനൊരു കാര്യം പറഞ്ഞേക്കാം ... ഭാര്യയ്ക്കു വേണ്ട സാധനങ്ങൾ വാങ്ങാൻ പറ്റൂലെങ്കിൽ നിങ്ങളെന്നെ ഉപേക്ഷിച്ചേക്ക് ...
''അയ്യേ ...ഒരു ബ്രാ യുടെ പേരിൽ ഡിവോഴ്സോ ...?
'' ഞാൻ മാർക്കറ്റിൽ പോവൂല,...എനിക്കു വേണ്ട സാധനങ്ങൾ വീട്ടിലെത്തിക്കണം ...ഇതെല്ലാം ഭർത്താവിന്റെ കടമയാ ...നിങ്ങൾക്കുളളതെല്ലാം ഇവിടെ റെഡിയല്ലേ ...അതെന്റെ കടമയാ...
''ഓകെ ...നാളെ എന്താ വാങ്ങേണ്ടത് ...?
''ഒരു പാഡ് വാങ്ങണം ....
'ഒരുപാട് വാങ്ങാനൊന്നും പൈസയില്ല ...അത്യാവിശ്യമുളളതു പറ ...
''ഒരു പാഡ് വേണം ...
''എന്തോന്ന് ...
''ഒരു പാഡ് വേണം മനുഷ്യ ....
''അതെന്താന്ന് .....രമണന് ദേഷ്യം വന്നു ....
''എന്റെ മനുഷ്യ ഒരു പാഡില്ലേ ഒരു പാഡ് ....
''കുന്തം ...തലമണ്ടക്കിട്ട് ഓരെണ്ണം തരൂട്ടോ ...ഒരു പാടാണെങ്കിലും കുറച്ചാണെങ്കിലും എന്താ വാങ്ങേണ്ടതെന്ന് പറയെടി പെണ്ണുമ്പിളൈ....!
''ചേട്ടാ ..... കനകമ്മ ചേർന്നിരുന്നു കൊണ്ടു പറഞ്ഞു ...
''ചേട്ടാ ...എനിക്കു പിരിയഡായി ...!
''പിരിയഡോ ...ഏതു പിരീഡ് ...നീ എന്താ സ്കൂൾ ടീച്ചറോ ...?
''ഹൊ ...എന്റെ തമ്പുരാനേ ...ഇതെന്തൊരു ജന്മമാണ് ... കനകമ്മ തലമുടി വലിച്ചു പറിച്ചു....
''കാര്യം വ്യക്തമായി പറയെടി ...
''അതേ.. കല്ല്യാണ ത്തിനു മുമ്പ് ഒരു സ്ത്രീയെ കുറിച്ച് പുരുഷന് അറിവു വേണം ...
''നിന്നെ കുറിച്ച് അന്വേഷിച്ചപ്പോൾ കിട്ടിയ അറിവു വച്ചല്ലേ നിന്നെ കെട്ടിയത് ....
''ആ അറിവല്ല ....
''പിന്നെ ...?
''എന്താണ് സ്ത്രീ...എങ്ങനെയാണ് സ്ത്രീ...എന്തിനാണ് സ്ത്രീ ... ? പറ എന്താണ് സ്ത്രീ ..? കേൾക്കട്ടെ ...!
''സ്ത്രീ എന്നു പറഞ്ഞാൽ ... അവൾ പുരുഷനോട് കടപ്പെട്ടവളാണ് ....
''ഓഹോ ...ഏത് വ്യവസ്ഥയിലാണ് ആ കടം ...
''എടീ പുരുഷന്റെ നല്ല ഒന്നാന്തരം വാരിയെല്ലൂരിയാണ് സ്ത്രീയെ ദൈവം സൃഷ്ടിച്ചത് ...അതിനുളള നന്ദിയെങ്കിലും പെണ്ണ് കാണിക്കണം ....ആ കടം വീട്ടാൻ ഏത് പെണ്ണിനാകും ....
''എനിക്കു ദൈവത്തിനോട് ദേഷ്യം തോന്നുന്നു ....
''അതെന്തിനാ ....
''ആ ലാലേട്ടന്റെ വാരിയെല്ലൂരി എന്നെ സൃഷ്ടിച്ചില്ലല്ലോ എന്നോർത്ത് ....
''എന്റെ പ്രതീക്ഷയും തെറ്റിയെടി ...എന്റെ വാരിയെല്ലൂരിയപ്പോൾ ഞാൻ വിചാരിച്ചു ''സണ്ണിലിയോണി''നാകുമെന്ന് ...ആ വാരിയെല്ല് വേസ്റ്റാക്കിയ ദൈവമേ ... സഹിക്കില്ല ഞാൻ ...സഹിക്കില്ല ....
''എന്നാ നിങ്ങൾ രക്ഷപ്പെട്ടേനെ വസ്ത്രം വാങ്ങി കാശ് കളയണ്ടായിരുന്നു ....അതൊക്കൊ പോകട്ടെ എനിക്കു നാള് ഒരു പാഡ് വാങ്ങീ വരണം ...
മിഴിച്ചിരിക്കുന്ന രമണനോട് കനകമ്മ പറഞ്ഞു ''... കണ്ണുരുട്ടണ്ട കടയിൽ ചെന്ന് ഒരു പാഡ് തരാൻ പറഞ്ഞാൽ മതി...
''ഒരു പാടോ ..? അതെന്തു സാധനം ?
''കടക്കാരൻ എടുത്തു തരും അതും വാങ്ങി ഇങ്ങ് വാ അതിന്റെ ഉപയോഗം കാണിച്ചു തരാം ..
''പിറ്റേന്ന് , പതിവു പോലെ ജോലി സ്ഥലത്തേക്ക് സൈക്കിളും ചവിട്ടി മൂളിപ്പാട്ടും പാടി പോകുകയാണ് ....
''ദാ വരുന്നു എതിരെ മാരിയമ്മ ചേച്ചി ...
രമണൻ സൈക്കിൾ റോഡ് സൈഡിലേക്കൊതുക്കി ..ബെല്ലടിച്ചു ...
''രമണനെ കണ്ട മാരിയമ്മ ചേച്ചി ,റോഡ് മുറിച്ചു കടന്ന് ഓടി വന്നു ...
''നീ രണ്ടൂസം എവിടെ യായിരുന്നു രമണാ ...
''ഒന്നും പറയണ്ട ചേച്ചി .. ഭയങ്കര തിരക്കാ ...ങാ പിന്നേയ് ....
''എന്താ രമണാ ..,?
''ങാ ..അല്ലെങ്കിൽ വേണ്ട,..ഒന്നൂല ചേച്ചി പൊയ്ക്കോ ....
രമണൻ സൈക്കിൾ ചവിട്ടി മുന്നോട്ടു പോയി ....
രമണൻ സൈക്കിൾ ചവിട്ടി മുന്നോട്ടു പോയി ....
''വൈകിട്ട് ജോലി കഴിഞ്ഞ് രമണൻ നേരെ മല്ലിക ജോലി ചെയ്യുന്ന ലക്ഷ്മി ടെക്സ്റ്റൈയിൽസിലേക്കു ചെന്നു ....
''രമണനെ കണ്ടതെ മല്ലിക പരുങ്ങി ...
''കഴിഞ്ഞ ദിവസം തന്ന ബ്രാ വലുതായിരുന്നു .... !
''അയ്യോ ...എന്നിട്ടെന്നാ ചെയ്തു ....
''സൂക്ഷിച്ചു വച്ചേക്കുവാ ഓണത്തിന് ഊഞ്ഞാല് കെട്ടാൻ ..ഓണത്തിന് ക്ഷണിക്കാം ഊഞ്ഞാലാടാൻ വരണെ ....!!!
''മല്ലിക കുനിഞ്ഞു അധരങ്ങളിൽ കൈവച്ചു ചിരിച്ചു,... എന്നിട്ട് ചോദിച്ചു,
''എന്തോലും വേണോ ?
മല്ലിക യുടെ മുകത്തേക്കു നോക്കി രമണൻ പറഞ്ഞു,
''ഒരുപാട് ..!
''അത് പാടല്ല മുഖക്കുരു വന്നപ്പോ പൊട്ടിച്ചതാ ...
''അതല്ല ...
''പിന്നെ ...
''പാട് ..പാട് ...
''ഞാനെത്ര പാട്ട് പാടി തന്നതാ ...എന്നിട്ടും ചേട്ടനെന്നെ കെട്ടീലല്ലോ ... എന്നാലും ചേട്ടനു വേണ്ടി ഞാനൊരു പാട്ട് പാടാം ...
'' സന്ധ്യേ കണ്ണീരിലെന്ത്യേ സന്ധ്യേ
വേദനയോടെ കേഴുകയാണോ നീ ...
വേദനയോടെ കേഴുകയാണോ നീ ...
''മല്ലികേ ....
ആ വിളി കേട്ട് രമണനും, മല്ലികയും തിരിഞ്ഞു നോക്കി ...
''മുതലാളി വേലായുധൻ...
''എന്താടി...ഇത് വസ്ത്രാലയമോ അതോ ..നാടകാലയമോ ..?
''ഞാൻ കസ്റ്റമറെ ക്യാൻവാസ് ചെയ്യുകയായിരുന്നു ....''
''മുതലാളി ,രമണനോട് ചോദിച്ചു,
''എന്താണ് വേണ്ടത് ?
''എനിക്കൊരു പാട് വേണം ...
'' ഒരുപാടെന്നു പറഞ്ഞാൽ ഏകദേശം എന്തോരും വേണ്ടി വരും,...
''അതേയ് ..എനിക്കു വേണ്ടത് പാഡാണ് പാഡ് ...
''ഓ പാഡ് ... ഈ പാഡിനു മുന്നിൽ '' ''ഒരു '' ചേർക്കരുത് അർത്ഥം മാറി പോകും ...
''മല്ലികേ പാഡ് സ്റ്റോക്കുണ്ടോ ...?
''ഇല്ല...
''സോറി ..മെഡിക്കൽ സ്റ്റോറിൽ കിട്ടും ...
''ഓകെ ..രമണൻ അവിടുന്നിറങ്ങി മെഡിക്കൽ സ്റ്റോറിലെത്തി , അവിടെ നില്ക്കുന്ന ലേഡിയോട് പറഞ്ഞു,
''ഒരു പാഡ് വേണം,...
' ലാർജാണോ ..?
''ങേ ...രമണൻ ഞെട്ടി ...അപ്പോൾ പാഡെന്നു പറഞ്ഞാൽ മദ്യമാണല്ലേ .
ലാർജാണോ ..ഫുളളാണോ എന്നാണ് ചോദിക്കുന്നത് .... മെഡിക്കൽ സ്റ്റോറിലും മദ്യമുണ്ടല്ലേ ...ഒരു പക്ഷേ സ്ത്രീകൾ കുടിക്കുന്ന പ്രത്യേക മദ്യമാണ് ഈ ''പാഡ് ബോട്ടിൽ ....''
ലാർജാണോ ..ഫുളളാണോ എന്നാണ് ചോദിക്കുന്നത് .... മെഡിക്കൽ സ്റ്റോറിലും മദ്യമുണ്ടല്ലേ ...ഒരു പക്ഷേ സ്ത്രീകൾ കുടിക്കുന്ന പ്രത്യേക മദ്യമാണ് ഈ ''പാഡ് ബോട്ടിൽ ....''
''ലാർജെടുത്താൽ തികയില്ല സിസ്റ്ററേ ..രണ്ട് ഫുളെളടുത്തോ ...
''ങേ ...പെൺക്കുട്ടി ഞെട്ടി ...
''നോ പ്രോബ്ളം എടുത്തു വയ്ക്ക് ഞാനിപ്പം വരാം ..
ടച്ചിംഗ്സിനു നാരങ്ങാ അച്ചാറ് വാങ്ങാം .... സോഡ വേണ്ടേ ..ഓ ശരിയാലോ ... എന്നാ പിന്നെ ഒരു കോഴിയും കപ്പയും വാങ്ങാം ..ഇന്നടിച്ചു പൊളിക്കണം ...
''കപ്പയും, കോഴിയും, അച്ചാറുമെല്ലാം വാങ്ങി ഓട്ടോറിക്ഷ വിളിച്ച് മെഡിക്കൽ സ്റ്റോറിലെത്തി രമണൻ ...
''സിറ്ററേ പാഡ് താ ...
''നിലവിലെ വലിയ പാട് രണ്ടെണ്ണം പൊതിഞ്ഞ് വച്ചിരുന്നു പെൺക്കുട്ടി ..
'' പണം വാങ്ങി പൊതി എടുത്തു കൊടുത്തു പെൺക്കുട്ടി ,,
''പൊതിയിൽ പിടിച്ചിട്ട് രമണൻ പറഞ്ഞു,
''ഇതെന്താ സ്പോഞ്ചു പോലിരിക്കുന്നത് ... ബോട്ടിലല്ലേ ...
സിറ്ററേ ..ഇതെങ്ങനെയാ യൂസ് ചെയ്യുന്നത് ...
സിറ്ററേ ..ഇതെങ്ങനെയാ യൂസ് ചെയ്യുന്നത് ...
''പെൺക്കുട്ടി യുടെ മുഖം ചുകന്നു ...
''എന്താ നോക്കി പേടിപ്പിക്കുന്നത് ..ഒരു സാധനം തന്നാൽ അതെങ്ങനെയാ യൂസ് ചെയ്യേണ്ടതെന്നു കൂടി പറയണം .അതായത് എത്ര ടീ സ്പൂൺ വീതം എത്ര നേരം എന്നെല്ലാം...
''തനിക്കെന്താ അറിയേണ്ടത് ...പെൺക്കുട്ടി ദേഷ്യപ്പെട്ടു ...
''ഇതെങ്ങനെ ഉപയോഗിക്കണം കാണിച്ചു രൂ,...പറഞ്ഞു തരൂ ...
''പെൺക്കുട്ടി ചെരൂപ്പൂരി ഒറ്റയടി ..
രമണൻ കവിൾ പൊത്തിപ്പിടിച്ചു
'ഭ ചെറ്റേ ..വീട്ടിൽ ചെന്ന് കെട്ട്യോളോട് ചോദിക്കെടൊ ...അവൾ കാണിച്ചു തരും ...
''പെട്ടന്ന് ഓട്ടോക്കാരൻ ഓടി വന്ന് രമണനെ പിടിച്ചു വലിച്ച് ഓട്ടോയിൽ കയറ്റി ...ഓട്ടോ വിട്ടു ...
ഓട്ടോക്കാരൻ ചോദിച്ചു,
''എന്തിനാ അവർ തല്ലിയത് ..
'' പാഡ് യൂസ് ചെയ്യുന്നത് കാണിച്ചു തരാൻ പറഞ്ഞതിനാ ...
''ഹഹഹ ഓട്ടോ ഡ്രൈവർ പൊട്ടിച്ചിരിച്ചു ... ശേഷം പാഡിന്റെ ഉപയോഗത്തെ പറ്റി രമണനെ വിശദമായി ധരിപ്പിച്ചു
''അയ്യേ ...രമണന് നാണം വന്നു ...
''ഓട്ടോ വരുന്നതു കണ്ട് കനകമ്മ ഓടി വന്നു ...
കോഴിയും കപ്പയും അച്ചാറും കണ്ട് അന്ധാളിച്ചു,...
''കനകമ്മയെ നോക്കി ഒരു ചിരി ചിരിച്ച് ഓട്ടോക്കാരൻ മടങ്ങി പോയി ...
''അന്നേരമാണ് രമണന്റെ മുഖത്തേ പാട് കനകമ്മ കണ്ടത് ...
''അയ്യോ ..ചേട്ടാ ഇതെന്തു പറ്റി ...?
''അതൊരു പാടാ ...
'' രാവിലെ ഇല്ലായിരുന്നല്ലോ ..?
'' പെണ്ണിനുളള പാഡ് വാങ്ങാനറിയാത്ത ആണിനു കിട്ടുന്ന പാടാ ടീ ഈ പാട് ... നീ വാ ബാക്കിയെല്ലാം പിന്നെ പറയാം ...
കനകമ്മ യുടെ തോളിൽ പിടിച്ച്
ചിരിച്ചു കൊണ്ടു വീടിനുളളിലേക്ക് കയറി രമണൻ,...
ചിരിച്ചു കൊണ്ടു വീടിനുളളിലേക്ക് കയറി രമണൻ,...
(അവസാനിച്ചു, )
============
ഷൗക്കത്ത് മൈതീൻ ,
കുവൈത്ത് ,
ഷൗക്കത്ത് മൈതീൻ ,
കുവൈത്ത് ,
No comments:
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക