അമ്മമലയാളം മറക്കരുതേ..

****** സജി വർഗീസ്*******

അമ്മിഞ്ഞപ്പാൽ നുകർന്നുകൊണ്ട്,
അമ്മേയെന്നുവിളിച്ചുഞാനമ്മ മലയാളം,
അമ്മേയെന്നവിളികേട്ടനേരം,
അമ്മയെൻകവിളിൽമുത്തമിട്ട്,
ആയിരംപൂർണ്ണ ചന്ദ്രനുദിച്ചപോലെന്ന്,
എൻ മകൻ പതിയെവിളിച്ചപ്പോൾ,
എൻ മനതാരിൽ തെളിഞ്ഞുവന്നു;
കുഞ്ഞിക്കാൽവളരുമ്പോൾ,
കുഞ്ഞിക്കൈവളരുമ്പോഴെന്നമ്മ യോതിതന്നതമ്മമലയാളം,
പൂക്കളുംപുഴയുംപൂത്തുമ്പിയും,
പൂമ്പാറ്റയുംപച്ചപ്പാടവും,
എന്നെപഠിപ്പിച്ചതെന്നമ്മമലയാളം,
മഴയുംവെയിലുംകുളിർതെന്നലും,
പ്രാർത്ഥനഗീതവുംനാമജപവും ,
അമ്മയുംഉമ്മയുംനന്മയുമമ്മമലയാളം;
പ്രകൃതിതൻതാരാട്ടുംജീവജാലങ്ങളും,
എന്റെമനസ്സിൽ നിറച്ചതമ്മമലയാളം,
പ്രണയകുറിപ്പെഴുതിയെൻസുഹൃത്തിന്റെ
പ്രണയിനിക്കു നൽകുവാൻ, നൽകിയതും മലയാളം;
അറിവിന്നൗഷധമേകി അകതാരിൽ നന്മനിറച്ചതമ്മമലയാളം,
അമ്പിളിമാമനെന്നച്ഛനോതിതന്നതും അമ്മമലയാളം,
അമ്മയുംനന്മയും അമ്മമലയാളവും മറക്കുമ്പോൾ,
അമ്മയുംമച്ഛനുമനാഥരായ് ജീവിത പന്ഥാവിലലയുന്നു;
ലോകജീവിത സഞ്ചാരപാതയിൽ, അമ്മമലയാളം മറക്കരുതേ.

സജി വർഗീസ്
Copyright protected.