മാപ്പ്

മാപ്പ്
?????

പിതാവെ
പൊറുക്കുക.

പാതിചാരിയ
വാതിലിനി
അടച്ചുകൊള്ളുക .

അവനിനി വരില്ല .

പിച്ചും പേയും
പറയുമവന്റെയമ്മയേ
ചേർത്തുപിടിച്ചു
ശിഷ്ടജന്മം
കഴിച്ചു കൊള്ളുക

പുറത്ത്
മഴയാർത്തു പെയ്യുമ്പോൾ
തുവർത്തുമായ്
ഉറങ്ങാതിരിക്കണ്ട.
മഴ നനഞ്ഞിനി
കയറിവരില്ലവൻ.

നിയമമേ
മകൻ വേണ്ട,
ജഡം വേണ്ട
ശ്രാദ്ധം നടത്താൻ
ഒരു ദിനമെങ്കിലും
നീ കൊടുത്തില്ലല്ലോ
ഈ പാവം വൃദ്ധന്

ലാലു

കോഴിക്കോട് റീജിയണൽ എൻജിനിയറിങ്ങ് കോളേജിൽ നിന്ന് രാജൻ അറസ്റ്റ് ചെയ്യപ്പെട്ടിട്ട് 42 വർഷം . ഒരു മകന് വേണ്ടി ഒരച്ഛനും നിയമത്തിന്റെ ഇരുണ്ട ഇടനാഴികളിൽ ഇങ്ങനെ കാത്തു നിൽക്കേണ്ടി വന്നിട്ടുണ്ടാവില്ല. മരണത്തിന് മാത്രം തുടച്ചു കളയാൻ കഴിഞ്ഞ കണ്ണീര്.

കേരള ചരിത്രത്തിലെ ആദ്യ ഹേബിയസ് കോർപസ് ഈച്ചരവാര്യർക്ക് കൊടുത്തത് മകനെയായിരുന്നില്ല. മകൻ മരിച്ചെന്ന ഉറപ്പ് മാത്രം . ഹിന്ദു മതാചാരപ്രകാരം ശ്രാദ്ധം നടത്താൻ ഒരു പിതാവ് കരഞ്ഞ് ചോദിച്ചത് മകൻ മരിച്ച ദിവസമായിരുന്നു. നിയമത്തിന് അത് കൊടുക്കാൻ കഴിഞ്ഞില്ല .
ഭരണകൂട ഭീകരതയ്ക്ക് ഒരു
പൊൻതൂവൽ കൂടി

Lalu