കൂട്ടിലെ കിളി

പറന്നു പൊങ്ങുവാന്‍ ആശിച്ച നാളൊന്നില്‍

പിടിച്ചു കൂട്ടിലടച്ചു കളഞ്ഞില്ലേ

ആകാശമൊന്നും കൊതിച്ചിരുന്നില്ലെങ്കിലും

ആ കൊച്ചുകുന്നിന്നു മുകളിലേക്കൊ-

ന്നുകുതിച്ചിടാന്‍ വെമ്പിയൊരീകിളി 

കൂടുവിട്ടു പുറത്തുചാടുന്നതുംകാത്തിരുന്ന

ചെന്നായനിന്നെ കണ്ടതേയില്ല.

കൂട്ടിലടച്ചുമെന്‍ ചിറകൊടിച്ചും നീ 

ആനന്ദിച്ചട്ടഹസിച്ചിടുമ്പോള്‍

എന്‍തേങ്ങലാരാരും കേട്ടതുമില്ല.

കെട്ടുപോയിട്ടില്ലയെന്‍ സ്വപ്നമൊട്ടും

കേട്ടടങ്ങിയിട്ടില്ലയെന്‍ ശ്രമങ്ങളും

അടുത്ത സൂര്യകിരണങ്ങളീ

കൂടുതകര്ക്കു ന്ന തീജ്വാലയേകിടും

ചിറകുവിരിച്ചുപറന്നിടും ഞാനാ 

കുന്നിന്മുകകളില്‍ ചേക്കേറിടും.

കൂടുവിട്ട് പറന്നിറങ്ങുന്നോരോ 

കുഞ്ഞിക്കിളികള്ക്കും  കാവലിരുന്നിടും. 

****************

പ്രീത പ്രദീപ്‌ 

ഹരിപ്പാട്‌