നല്ലെഴുത്ത്

The biggest ever archive in Malayalam Literature. 2.5 crores pageviews, 14000+ creations, 2000+authors and adding on....

New Books

Post Top Ad

Your Ad Spot

തൂവൽസ്പർശമായ്

Saji Varghese's Profile Photo, Image may contain: Saji Varghese, standing and outdoor
***** സജി വർഗീസ് ****
ഇനിയുമെത്രനാളീയിതൾപൊഴിയും,
ഇനിയുമെത്രനാളീനിലാവും പുലരിയും,
ഇനിയുമെത്രനാളീപ്രണയത്തിൻ ഗന്ധവും,
ഇനിയുമെത്രനാളീജഡില മോഹങ്ങളും;
ഓർമ്മകളുടെമൃദുചുംബനവും പേറി,
ഓർമ്മകളുടെകൂടാരത്തിൽ മയങ്ങിക്കിടക്കവേ,
വെറുതേമോഹിക്കുന്നൊരു പൂക്കാലവും കൂടി,
വെറുതെയീമോഹങ്ങളാണെന്നറിഞ്ഞെങ്കിലും,
വെറുതേയൊന്നുമോഹിക്കുന്നു ഞാനുംസഖി,
ജനിമൃതികൾക്കിടയിലൊരു മൃദു ചുംബനംനൽകാൻ!
ജന്മപാപത്തിൻമാറാപ്പുമായ്,
ജന്മാന്തരങ്ങൾ തേടിയലയുന്നു ഞാൻ;
പുറകിലേക്കൊന്നു തിരിഞ്ഞു നോക്കിയപ്പോൾ,
പുറകോട്ട്നീങ്ങുന്നയെന്റെ കാല്പാടുകൾ മാത്രം,
മുൻപോട്ട് ഞാൻ നടന്നു നീങ്ങീടവേ,
മുന്നോട്ട്പിന്നോട്ട് നിന്നിലേക്കായ് ,
ഒരുദിവസം യാത്രയൊന്നും ചൊല്ലിടാതെസഖീഞാനീ, നിലാവിലേക്കെത്തുന്നരാവിൽ,
ഓടിവരുവാൻകഴിയാതെനീ,
ഓർമ്മകളുടെപൂമെത്തയിൽ,
ഒരായിരംചുംബനംനൽകിപ്പിടഞ്ഞ്,
താമരത്തണ്ടുപോൽ, മയങ്ങിക്കിടക്കവേ.
താരാപഥത്തിൽനിന്നുമിറങ്ങി,
താരാട്ട്പാടിയീയാലിലവയറിൽ,
തൂവൽസ്പർശമായ്ഞാനെത്തിടും സഖി;
സജി വർഗീസ്
Copyright protected.

No comments:

Post a Comment

ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക

Post Top Ad

Your Ad Spot