അവാർഡ്

ആൾക്കൂട്ടത്തിൽ പലരേയും പരിചയമുള്ള മുഖം
പക്ഷേ ആരും എന്നെ തിരിച്ചറിഞ്ഞില്ല

നല്ലെഴുത്ത് അവാർഡ് നിശയും ,നല്ല എഴുത്തുകാരുടെ പുസ്തകങ്ങൾ പ്രകാശനവും ഇന്നാണ് നടക്കുന്നത്
ഒരുപാട് സന്തോഷത്തോടെ ഹാളിൽ ഏറ്റവും പിറകിൽ ആരും ശ്രദ്ധിക്കാത്ത സീറ്റിൽ ഞാനിരുന്നു

വേദിയിൽ ഷൗക്കത്ത് ഭായ് ,സജ്നത്ത ,ഷംസീത്ത ,ഉണ്ണിയേട്ടൻ ,മായേച്ചി , അംബികാമ്മ സുനിലേട്ടൻ ..... അങ്ങനെ നീണ്ട നിര തന്നെ ഉണ്ട്

ചിലരെയൊക്കെ അവാർഡിനായി പേരു വിളിക്കുമ്പോഴാണ് തിരിച്ചറിയുന്നത്

കാണാൻ നല്ല ഭംഗിയുണ്ട് എല്ലാവരെയും പുത്തൻ വേഷത്തിൽ
തിരക്കുകൾക്കിടയിൽ ആരും എന്നെ മാത്രം തിരിച്ചറിഞ്ഞില്ല

ഏറ്റവും പ്രായം കുറഞ്ഞതും കാണാൻ തരക്കേടില്ലാത്തതും ഞാൻ മാത്രമായിരുന്നു
ബാക്കി എല്ലാവരും
പ്രായം കൂടിയ വ്യക്തികളാണ്

എഫ് ബിയിൽ കണ്ട ഫോട്ടോയിലെ പോലെ അല്ല അതൊക്കെ എഡിറ്റിങ് ആയിരുന്നു ഞാൻ മനസ്സിൽ ചിരിച്ചു ഹ ഹഹ ഹഹ ഹഹ

അങ്ങനെ ഓരോരുത്തരുടെയും പേരുവിളിക്കുബോൾ അവരെയൊക്കെ ഞാൻ അത്ഭുതത്തോടെ നോക്കി

പേരു വിളിക്കുന്ന ഷൗക്കത്ത് ഭായ് അങ്ങനെ ഒടുവിൽ ആ പേരും വിളിച്ചു

രാജിരാഘവൻ..................

എല്ലാവരും ചുറ്റിലും നോക്കി
അവളെവിടെ

ഒന്നു കൂടി ആ പേര് വിളിച്ചു
രാജിരാഘവൻ............

അത്ര നേരവും അവാർഡ് കാണാൻ വന്നു നോക്കു കുത്തി ആയിരുന്ന ഞാൻ ഞെട്ടിപ്പോയി
എനിക്കും അവാർഡോ

എല്ലാവരും ചുറ്റിലും നോക്കി തളരുന്നുണ്ട് ഞാൻ പതിയെ സീറ്റിൽ നിന്ന് എഴുന്നേറ്റു
വേദിയിലേയ്ക്ക് നടന്നു

ഹാളിൽ ഇരുവശത്തുമായി ഇരിക്കുന്നർ എൻ്റെ എൻട്രി കണ്ട് ഞെട്ടിയിരിക്കുന്നു
ആകാംക്ഷയോടെ ഉറ്റുനോക്കുന്നത് എന്നിലേയ്ക്കാണ്
ഞാൻ വേദിയിൽ കയറി അംബികാമ്മയിൽ നിന്ന് അവാർഡ് ഏറ്റുവാങ്ങി

പിന്നെ എല്ലാവരും എൻ്റെ ചുറ്റിലായിരുന്നു
ഈ കുഞ്ഞാണൊ ഈ കഥയൊക്കെ എഴുതുന്നത് വിശ്വാസിക്കാനാവുന്നില്ല കേട്ടോ
അഭിനന്ദനങ്ങൾ കൊണ്ട് വീർപ്പുമുട്ടിച്ചു

രണ്ടു വാക്ക് സംസാരിക്കാൻ മൈക്ക് തന്നു
ഞാൻ തുടങ്ങി
പ്രിയപ്പെട്ട
എൻ്റെ കുടുംബാഗങ്ങളെ ഞാൻ കരുതിയതിലും സുന്ദരിമാരും ,സുന്ദരന്മാരുമാണ് നിങ്ങൾ അതിലുപരി കഴിവുള്ള മികച്ച എഴുത്തുകാരും നിങ്ങൾക്കെൻ്റെ അഭിനന്ദനങ്ങൾ
എൻ്റെ പ്രാർത്ഥന കൂടെയുണ്ട് കൂടുതലൊന്നും പറയാനില്ല നന്ദി

പെട്ടെന്ന് ആരോ എന്നെ എടീന്നു വിളിച്ചു കോപം കത്തി ജ്വലിച്ച കണ്ണുകൾ എവിടെയോ നല്ല പരിചയമുള്ള മുഖം
അയ്യോ അമ്മ , ഞാൻ തനിച്ചല്ലേ ഇവിടെ വന്നത്
എഴുന്നേൽക്കെടി സൂര്യനുദിച്ചിട്ടും ഉറക്കം അതും പറഞ്ഞ് അമ്മ അടുക്കളയിലേയ്ക്ക് പോയി

അവാർഡും പോയി ആൾക്കാരും പോയി .......
രാജിരാഘവൻ