ശിശിരം

***********

ഇന്ന് നിങ്ങളുടെ വിവാഹബന്ധം നിയമം മൂലം കോടതി വേർപിരിക്കാൻ പോവുകയാണ് .ഒരു ബന്ധവും വേര്പിരിയുന്നതിനെ കോടതി പ്രോത്സാഹിപ്പിക്കുകയില്ല പക്ഷെ ഒരുമിച്ചു മുന്നോട്ടു പോകാൻ താല്പര്യമില്ലാത്തവരെ നിർബന്ധിച്ചു മുന്നോട്ടു കൊണ്ടുപോകാനും കോടതിക്ക് കഴിയില്ല . കുട്ടികൾ ഇല്ലാത്ത കാരണത്താൽ കൂടുതൽ നടപടികൾ കൈക്കൊള്ളേണ്ടതായ ആവശ്യമോ ഈ കേസിൽ ഉള്ളതായി കോടതി കാണുന്നില്ല .എങ്കിലും ഒരിക്കൽകൂടി ചിന്തിക്കാനൊരു അവസരം നൽകുകയാണ്. ഉച്ചകഴിഞ്ഞു ഇതിന്മേൽ കോടതി വിധി പ്രഖ്യപിക്കുന്നതായിരിക്കും .

ഇത്രയും പറഞ്ഞു നീതിയുടെ വിധി കർത്താവ് അവിടെനിന്നും ഇറങ്ങിപ്പോയി .ആ കോടതിമുറിയുടെ രണ്ടു വശങ്ങളിലായി സ്ഥാനമുറപ്പിച്ചിരുന്ന ദമ്പതികൾ ,അല്പനേരത്തിനു ശേഷം രണ്ടു വ്യക്തികളാകാൻ പോകുന്നവർ ഹരീഷും നിത്യയും കോടതി മുറിക്കു വെളിയിലേക്കു നടന്നു .

കോടതി വളപ്പിലെ ആ വാക മരത്തിന് ചുവട്ടിൽ തണൽ ചേർന്ന് നിത്യ നിന്നു , തന്റെ കാറിനോട് ചേർന്ന് തന്നെ കാത്തിരുന്ന പ്രിയ സുഹൃത്ത് മനോവിന്റെ ചുമലിലേക്ക് തല വച്ച് ഹരി നിന്നു.

" ഡാ ഹരി ...പറയാൻ എനിക്ക് അവകാശമുണ്ടോയെന്നു അറിയില്ല എങ്കിലും എവിടെയോ ഒരു നോവ് " ..മനോ പറഞ്ഞു

" മനോ ...നീ പറയാൻ വരുന്നതെന്താന്നെനു എനിക്കറിയാം ...നീ ഇപ്പോൾ പറയാനുദ്ദേശിക്കുന്നതു ഞാനെന്റെ മനസ്സിനോട് ഒരായിരം തവണ ചോദിച്ചുറപ്പിച്ചതാണ് ..ഒരുമിച്ചു പോകാൻ കഴിയില്ലെങ്കിൽ വിട്ടേക്കണം ഡാ മനോ "...വിങ്ങിക്കൊണ്ടു ഹരി പറഞ്ഞു നിർത്തി

"" ഹരി ..എന്നാലും ...എവിടെയാടാ നിങ്ങള്ക്ക് പിഴച്ചത് ...കോളേജിനെ പുളകം കൊള്ളിച്ച പ്രണയം , ആ ചുവരുകൾ ഇപ്പോഴും പറയുന്നുണ്ടാകും നിങ്ങളുടെ പ്രണയ കഥകൾ ..വീട്ടിലെ എതിർപ്പിനെ പ്രണയം കൊണ്ട് കീഴടക്കിയവർ ..എന്നിട്ടും ...""

"" പ്രണയിക്കാൻ നല്ല സുഖമാണ് മനോ ...പ്രണയിക്കുമ്പഴും ...പക്ഷെ അതുകഴിഞ്ഞു ജീവിതമെന്ന ആഴക്കടലിലേക്കു ഇറങ്ങി നീന്താൻ തുടങ്ങുമ്പോൾ ആ പ്രണയം പോരാതെ വരും ...""

" ഹരി ... "

""" മനോ ...നിനക്കോർമ്മയില്ലേ ആ ദിവസം , ആദ്യമായി നമ്മുടെ മുന്നിലേക്ക് അവൾ വന്ന ആ നാൾ ...ഒരു കുർത്തയും ധരിച്ചു ഇടതു കയ്യിൽ ഒരു സ്ട്രാപ്പ് വാച്ചു കെട്ടി അലസ്സമായി കാറ്റിൽ പാറിക്കിടന്ന മുടിയിഴകളും , കണ്ണെഴുതിയിരുന്നില്ല അവൾ , പാദസരം അണിഞ്ഞിരുന്നില്ല ...അങ്ങിനെ ഒരു പെണ്ണിന് വേണ്ടുന്ന ഒരു ആഡംബരങ്ങളും ഇല്ലാതെ എനിക്ക് മുന്നിലായി കടന്നുവന്നവൾ. കോളേജിന് പിന്നിലെ ആ വാക മരച്ചുവട്ടിൽ എനിക്കായ് കാത്തു നിന്നവൾ അതേടാ..അവൾ തന്നെയാണ് ഇന്ന് ദേ ആ വാകമരചുവട്ടിൽ ഞാനുമായുള്ള ബന്ധം മുറിച്ചതിന്റെ കടലാസ്സിനായി കാത്തു നിൽക്കുന്നത് ..."""

"" ഹരി......ഇപ്പോഴും അവൾ അവിടുണ്ടല്ലേ ?? "" മനോ ഹരിയുടെ ചുമലിൽ കൈ വച്ചുകൊണ്ടു ചോദിച്ചു ...

"" എവിടെ ?"

"" നിന്റെ ചങ്കിൽ ...""

"" ഹ ഹ ഹ ....ചങ്കോ.....""

"" ചിരിക്കണ്ടടാ അളിയാ ...നീ എത്ര ഒളിപ്പിച്ചുവച്ചാലും ആ കണ്ണ് നിറയുന്നുണ്ട് ..നിന്റെ നെഞ്ചു പിടയ്ക്കുന്നുണ്ട് ....ഹരി ...ചെല്ലടാ ..നിനക്കിപ്പോഴും സമയമുണ്ട് ..ഒരുപക്ഷെ നിന്റെ ഒരു വിളിക്കായി കാതോർത്താകാം അവൾ ആ വാകമരചുവട്ടിൽ നിൽക്കുന്നത് ...ചെല്ലടാ ...""

"" ഏയ് .. അത് ശരിയാവില്ലട മനോ ..പാവം രക്ഷപെട്ടു ഓടുകയാണ് ..ഈ ബോറനെ സഹിക്കാൻ വയ്യാതെ , ജീവിതത്തിന്റെ നല്ലൊരു ശതമാനവും കണ്ണീരൊഴുക്കി കളയേണ്ടവളല്ല അവൾ ...അവൾ പോട്ടെ ....""

"" ഹരി ....ചെല്ലടാ മോനെ ....നിനക്ക് നോവുന്നതു എനിക്ക് അറിയാൻ കഴിയും ..""

"" മനോ ..നിർത്തു ,,നീ എന്തിനാ ഇതിൽ ഇടപെടുന്നേ ...നിനക്കും മടുത്തെങ്കിൽ പോകാം ...""

"" ഭ .....നീർത്തട ...ഞാൻ ഇടപെടുമെടാ , അതിനുള്ള എല്ലാ അവകാശവും എനിക്കുണ്ട് , വിഷമിപ്പിക്കണ്ട എന്നുകരുതി പറയാതെ വച്ചിരുന്നത് പലതും , നിന്റെ കയ്യിലിരുപ്പ് തന്നെയാ ഇതിനൊക്കെ കാരണം ഇത് ഇവിടംവരെ എത്തിയത് നിന്റെ പിടിപ്പുകേടുകൊണ്ടാണ് ... "" ക്ഷുപിതനായി മനോ അവനെ തുറിച്ചു നോക്കികൊണ്ട്‌ പറഞ്ഞു

"" ഡാ കഴുവേറി മോനെ എന്നെ കുറ്റം പറയുന്നോടാ "" ...ഹരീഷ് മനുവിന്റെ കുത്തിന് പിടിച്ചു തള്ളി ...അൽപനേരം രണ്ടുപേരും അങ്ങോട്ടുമിങ്ങോട്ടും തിരിഞ്ഞു മാറി നിന്നു , അല്പംകഴിഞ്ഞു മനോ ഹരീഷിന്റെ ചുമലിൽ കൈവച്ചുകൊണ്ടു പറഞ്ഞു

"" ഹരി ...ക്ഷമിക്കട ..സഹിക്കാൻ കഴിയുന്നില്ലടാ , നിന്റെ ഉള്ളു നീറുന്ന എനിക്ക് കാണാം , മദ്യത്തിനും മറ്റും അടിമയായൊരു സുഹൃത്തിനെയല്ല എനിക്ക് വേണ്ടത് , ഞാൻ ജീവിച്ചിരിക്കുമ്പോൾ അത് സമ്മതിക്കുകയില്ല , നീ എന്നെ തല്ലിയാലും എനിക്കെന്റെ കൂട്ടുകാരനെ അവന്റെ കുടുംബത്തെ അവന്റെ സന്തോഷത്തെ തിരികെ കിട്ടുമെങ്കിൽ എനിക്കതാണ് വേണ്ടത് ...നീ ഇങ്ങിനെ നീറിത്തീരാൻ ഞാൻ വിടില്ല ...ചെല്ലടാ ...പോയി സംസാരിക്ക് , വിളിക്കട അവളെ തിരികെ ...""

മനോവിന്റെ വാക്കുകൾ ഹരീഷിനെ വല്ലാതെ തളർത്തി , പൊട്ടിക്കരഞ്ഞുകൊണ്ട്‌ അവൻ മനോവിന്റെ നെഞ്ചിലേക്ക് വീണു ...

"" ഹരി ...ചെല്ല്...പോയി വിളിക്കട ....""

മനോവിന്റെ നെഞ്ചിൽ നിന്നും മാറി കണ്ണുകളിലെ ഈറൻ തന്റെ ഷർട്ടിന്റെ കയ്യിൽ തുടച്ചുകൊണ്ട് അവൻ കാലുകൾ മുന്നോട്ടു വച്ചു, കണ്ണിൽ പ്രതീക്ഷയോടെ ഇടറിയ കാൽചുവടുകളോടെ ....

വാകമരചുവട്ടിലായി നിന്ന നിത്യയുടെ അടുത്തേക്കെത്തി അവൻ ഇടറിയ ശബ്ദത്തോടെ അവളെ വിളിച്ചു ...

"" തുമ്പീ....""

ആ വിളി അവളെ ഞെട്ടിച്ചു , തന്റെ പ്രിയപ്പെട്ടവൻ മാത്രം വിളിക്കുന്ന പേര് , സ്നേഹം കുടുമ്പഴും സന്തോഷം വരുമ്പഴും ആ മാറിൽ ചേർന്ന് ഒരുപാടു വിളികേട്ടിണ്ടു ആ പേര് ....

"" തുമ്പീ ....."" അവൻ വീണ്ടും വിളിച്ചു ...

മനസ്സിന്റെ നിയന്ത്രണം തെറ്റാതിരിക്കാൻ മുഖത്ത് അല്പം ഗൗരവും ഭാവിച്ചു അവൾ തിരിഞ്ഞു നോക്കി ...

"" എന്നെയാണോ വിളിച്ചത് ? ആണെങ്കിൽ എന്റെ പേര് നിത്യ എന്നാണ് ...നിത്യ രാജശേഖരൻ ...""

"" തുമ്പീ ...""

"' കാൾ മി മൈ നെയിം മിസ്റ്റർ ഹരീഷ് ...""

"" എനിക്ക് ചിലതു സംസാരിക്കണം ...""

"" അതിനുള്ള അവസരങ്ങളൊക്കെ കഴിഞ്ഞു ഹരീഷ് ..എനിക്കൊന്നും സംസാരിക്കാനില്ല ..."'

"' തുമ്പീ ...സോറി ..നിത്യ... പ്ളീസ് , അവസാനമായി ഒരു അവസരം നല്കണം ...എനിക്ക് പറയാനുള്ളത് കേട്ടിട്ട് നീ മനസ്സ് മാറ്റണം എന്ന് കരുതിയില്ല , നാളെ വീണുപോവുമ്പോൾ പഴയതൊക്കെ ചിന്തിക്കുമ്പോൾ ഒന്ന് തിരികെ വിളിക്കാമായിരുന്നു , എല്ലാം പറയാമായിരുന്നു എന്നൊരു കുറ്റബോധം വേട്ടയാടാതിരിക്കാൻ ....പ്ളീസ് ...""

"" അതെന്നെ ബാധിക്കുന്ന വിഷയമല്ല ...അല്പനേരംകൂടെ കഴിഞ്ഞാൽ എനിക്ക് സ്വാതന്ത്ര്യം ലഭിക്കും അതിനു ശേഷം ഞാൻ ന്റെ അച്ഛന്റടുത്തേക്കു പോകും ...താങ്കളോടിനി സംസസരിക്കാൻ താല്പര്യമില്ല ...""

"' തുമ്പി ...അങ്ങിനെ വിളിക്കരുതെന്ന് നീ പറഞ്ഞാലും എനിക്കങ്ങിനെയെ വിളിക്കാൻ പറ്റുള്ളൂ ...മരണം കാത്തു കഴിയുന്നൊരു കാൻസർ രോഗിയാണ് ഞാൻ ...ഒരുപക്ഷെ നിന്നോടൊന്നു സംസാരിക്കുക എന്നതുമാത്രമാണ് എന്റെ അവസാനത്തെ ആഗ്രഹം ...""

"' ഇടിത്തീ വീണപോലെ സ്തബ്ധയായിപോയവൾ ..മുഖത്ത് വരുത്തിയിരുന്ന എല്ലാ ഗൗരവ ഛായങ്ങളും കണ്ണുനീരിൽ അലിഞ്ഞൊഴുകാൻ തുടങ്ങിയിരിക്കുന്നു ...എന്ത് പറയണമെന്നറിയാതെ അവൾ നിന്നു..."'

"' തുമ്പീ ...അവൻ പിന്നെയും വിളിച്ചു ...""

"' മ്...അറിയാതെ അവൾ വിളികേട്ടുപോയി ..."'

"" തുമ്പി അന്ന് കോടതിയിൽ പറഞ്ഞില്ലേ നിന്റെ കാര്യങ്ങളിൽ ശ്രദ്ധിക്കുന്നില്ല , നിന്നോടൊന്നും ഷെയർ ചെയ്യുന്നില്ല , ജോലി കഴിഞ്ഞു വന്നാൽ വെളുക്കുവോളം മദ്യപ്പിക്കയാണ് ഒന്ന് മിണ്ടാറുപോലുമില്ലന്നു ..."'

"" നീ ചിന്തിച്ചിട്ടുണ്ടോ മോളെ ....തുമ്പീടെ ഹരി എന്താണ് ഇങ്ങിനെ ആയതെന്നു ? എപ്പോഴാണ് ഇങ്ങിനെ ആയതെന്നു ...ഒന്ന് ചോദിച്ചിട്ടുണ്ടോ നീ ?"'

"" വീടും നാടും വിട്ടു എന്നോടൊപ്പം വന്നവൾ ..ഞാൻ ജോലിക്കു പോയ ശേഷം ഒറ്റക്കിരുന്നു വിഷമിക്കാതിരിക്കാനാണ് എന്റെ ചില സുഹൃത്തുക്കൾ തുടങ്ങിയ ആ സാഹിത്യ കൂട്ടായ്മ നിനക്ക് പരിചയപ്പെടുത്തിയത് , ഒപ്പം കോളേജിലെ പ്രിയപ്പെട്ട എഴുത്തുകാരിയുടെ കഴിവുകൾ ഞാനായിട്ട് അടച്ചിടരുതെന്നും കരുതി ...""

"" ആദ്യമൊക്കെ ഞാൻ ജോലി കഴിഞ്ഞു വരുമ്പോൾ തുമ്പിയുടെ എഴുത്തു വിശേഷങ്ങൾ എന്നോട് പങ്കുവക്കുമായിരുന്നു , സെയിൽസ് ഉദ്യോഗസ്ഥനായ എനിക്ക് വൈകുന്നേരങ്ങളിൽ ചിരിയും സന്തോഷവും നൽകുന്നതായിരുന്നു തുമ്പിയുടെയും കൂട്ടുകാരുടെയും വിശേഷങ്ങൾ ...""

പക്ഷെ പെത്യേ പെത്യേ തുമ്പി അവരിലേക്ക്‌ മാത്രമായി ചുരുങ്ങിത്തുടങ്ങി അവിടെ ഞാനെന്ന ഭർത്താവു , സുഹൃത്ത് ഒറ്റപ്പെട്ടു .ഒരുപക്ഷെ അതൊക്കെ എന്റെ തോന്നലുകളായിരിക്കാം ...ഒരിക്കൽ എനിക്ക് ഓഫീസിലേക്ക് കൊണ്ടുപോകാനുള്ള ടിഫിനിൽ പച്ചമുളക് മാത്രമാണ് ഉണ്ടായിരുന്നത് , പിന്നെ പിന്നെ ടിഫ്ഫിൻ തന്നെ ഇല്ലാണ്ടായി ..

"" സെയിൽസ് വല്ലാതെ കുറഞ്ഞു കമ്പനിയുടെ ബിസിനസ് വല്ലാതെ താഴ്ന്നു ,എന്റെ ജോലി പോകുമെന്ന അവസ്ഥയിലെത്തി അതൊക്കെ ഒന്ന് പങ്കുവെക്കാൻ എന്റെ തുമ്പിയുടെ അടുത്തേക്ക് വരുമ്പോൾ തുമ്പി എഴുത്തും ചാറ്റിങ്ങും ആയി തിരക്കിലാണ് .പലപ്പോഴും ശല്യപ്പെടുത്തേണ്ടെന്ന് കരുതി ,എന്റെ തുമ്പിയുടെ ചിരികൾ എനിക്ക് ആശ്വാസം പകർന്നു .."'

"" പക്ഷെ ..പക്ഷെ ..അന്നൊരിക്കൽ എന്റെ ജോലി നഷ്‌ടമായ അന്ന് അത് പറഞ്ഞു തുമ്പിയുടെ അടുത്ത് വന്നപ്പോൾ തുമ്പിക്ക് ഗ്രൂപ്പിൽ ചാറ്റ് ഉണ്ടത്രേ .. ഇപ്പോൾ പോകണ്ട ന്നു പറഞ്ഞു പിടിച്ചു നിർത്തിയ എന്നോട് ദേഷ്യപ്പെട്ടു , എന്റെ കൈകൾ തട്ടിയെറിഞ്ഞു തുമ്പി പോയി ...അന്നുമുതൽ തുമ്പിയുടെ ചിരി എന്നെ ഭ്രാന്ത് പിടിപ്പിക്കാൻ തുടങ്ങി , തുമ്പിയുടെ സന്തോഷങ്ങളോട് എനിക്ക് അറപ്പും വെറുപ്പും തോന്നി തുടങ്ങി ...""

ഇതെല്ലം ഒരു യന്ത്രം പോലെ കേട്ട് നില്ക്കാൻ മാത്രമേ അവൾക്കു കഴിഞ്ഞുള്ളു ...

"" തുമ്പിയുടെ സന്തോഷങ്ങൾ തട്ടി തെറുപ്പിക്കുവാനാണ് സ്വയം നശിക്കാനായി മദ്യം തേടിയത് ,പിന്നീട് അതൊരു ആശ്വാസമായി ...ബോധമില്ലാതെ വെളിവില്ലാതെ എല്ലാം മറന്നു .....തുമ്പി പറയ് ഞാൻ വേറെന്തു ചെയ്യണമായിരുന്നു ....പറയ് ....""

അൽപനേരം അവൻ നിശബ്ദനായി ...നിത്യയുടെ കണ്ണുകൾ നിറഞ്ഞൊഴുകുന്നു ..

"" ചെയ്യാൻ എന്തെല്ലാമുണ്ടായിരുന്നു ഹരിയേട്ടാ ...ആ നിശബ്ദതയെ ഭേതിച്ചുകൊണ്ടവൾ പറഞ്ഞുതുടങ്ങി...ഇപ്പോൾ ഈ പറഞ്ഞതൊക്കെ അന്നെപ്പോഴെങ്കിലും ഒന്ന് പിടിച്ചു നിർത്തി എന്നോട് പറഞ്ഞിരുന്നെങ്കിൽ ഈ കോടതിവരെ നമ്മൾ എത്തില്ലായിരുന്നു .. അല്ലെങ്കിൽ ഡിവോഴ്സ് വേണമെന്ന് ഞാൻ ആവശ്യപ്പെട്ട അന്ന് എന്നോട് പറയാമായിരുന്നു...""

"" അച്ഛനെയും അമ്മയേം ഉപേക്ഷിച്ചു നിങ്ങൾക്കൊപ്പം വന്നവൾക്കു ഫേസ്ബുക്കോ അതിലൂടെ കിട്ടുന്ന സൗഹൃദങ്ങളോ വലുതല്ലായിരുന്നു ...ശരിയാണ് എഴുത്തുകളും സൗഹൃദങ്ങളും ചാറ്റുകളും പിന്നെ ചിലരാൽ അറിയപ്പെടാനും തുടങ്ങിയപ്പോൾ ഞാൻ എല്ലാം മറന്നു.. പക്ഷെ നിർത്തിക്കോ എന്നൊരു വാക്ക് മതിയായിരുന്നു ആ മായാലോകത്തു നിന്നും ഹരിയേട്ടന്റെ തുമ്പിക്ക് പുറത്തു വരാൻ...ഈ നെഞ്ചിലെ ചൂടിനോളം എന്നെ സന്തോഷിപ്പിക്കാൻ കഴിയില്ല അവർക്കു ....എല്ലാം എന്നോട് തുറന്നു പറയാമായിരുന്നു ഹരിയേട്ടാ "" ....ചങ്കുപൊട്ടുന്ന വേദനയോടെ അവൾ പൊട്ടി കരഞ്ഞു ...

"" തുമ്പീ ....ഹരീഷ് നിത്യയുടെ തോളിൽ കൈവച്ചു അവളെ മെല്ലെ തന്റെ നെഞ്ചിലേക്ക് ചേർത്തു...ഒരു കൊച്ചുകുഞ്ഞിനെ പോലെ തേങ്ങി കരഞ്ഞുകൊണ്ടവൾ അവന്റെ മാറിലെ ചൂടണഞ്ഞു"" ...

ദൂരെ നിന്നും ഇതൊക്കെ കണ്ടുനിന്ന മനോവിനും കണ്ണുകളെ നിയന്ത്രിക്കാൻ കഴിഞ്ഞില്ല ....

അപ്പോഴേക്കും കോടതി കേസ് വിളിച്ചു ....

"" എന്തായി ..തീരുമാനത്തിൽ എന്തെങ്കിലും മാറ്റമുണ്ടോ ."" .കോടതി ചോദിച്ചു ..

ഹരീഷ് പ്രതീക്ഷയോടെ നിത്യയെ നോക്കി ...

"" ഇല്ല ....ഞങ്ങൾ പിരിയുന്നില്ല ...ഹരിയേട്ടനില്ലാതെ എനിക്ക് കഴിയില്ല ...ബഹുമാനപ്പെട്ട കോടതി ക്ഷമിക്കണം ...""

കോടതിയുടെ സമയം നഷ്ടമാക്കിയെങ്കിലും ഒരു ബന്ധം ചേർത്തുവെക്കാൻ കഴിഞ്ഞതിൽ അതിയായ ചാരിതാർഥ്യമുണ്ട് ....രണ്ടുപേരും ഒരുമിച്ചു ജീവിക്കാൻ തീരുമാനിച്ച നിലയിൽ ഈ കേസ് അസാധുവായതായി കോടതി വിധിച്ചിരിക്കുന്നു ...

ഹരീഷും നിത്യയും കോടതിക്ക് പുറത്തേക്കു വന്നു , പുറത്തു മനോ അവരെയും കാത്തു നിൽപ്പുണ്ടായിരുന്നു .അവർ മൂവരും കാറിനു അരികിലേക്ക് നീങ്ങി ..

"" മനോ ..കാർ ആദ്യം ന്റെ തറവാട്ടിലേക്ക് പോകട്ടെ ...അവിടെ അച്ഛനെ കാണണം അറിയാലോ എന്റെ അച്ഛൻ ഒരു ഡോക്ടറാണ് ...ഒരുപാടു കാൻസർ രോഗികളെ ജീവിതത്തിലേക്ക് തിരികെ കൈപിടിച്ച് കയറ്റിയ ഡോക്ടർ . ഹരിയേയും അച്ഛൻ രക്ഷപ്പെടുത്തും ...എനിക്കുറപ്പുണ്ട് ..."" പ്രതീക്ഷയുടെ ഒരു നാരു വെളിച്ചം അപ്പോൾ നിത്യയുടെ മുഖത്തുണ്ടായിരുന്നു

"" ങേ ...അതിനു അവനെന്തു കുഴപ്പം ..."" ഒരു ആശ്ചര്യത്തോടെ മനോ ചോദിച്ചു

" മനോവിന് ഒന്നും അറിയില്ലേ ?"

" എന്ത് ?"

" ഹരി മനോവിനോട് പറഞ്ഞിട്ടില്ലേ ...?"

" അല്ല ....അത് ...." ഹരി വാക്കുകൾക്കായി പരതി..

" എന്താടാ ? എന്താ കാര്യം ?" മനോ ചോദിച്ചു ..

" ചെറിയൊരു കാൻസർ ...."

" ആർക്കു ?"

" എനിക്ക് ...."

" ങേ ....എപ്പോ ? "

" അല്ലളിയാ...അപ്പൊ ...സംസാരിക്കണമെന്ന് പറഞ്ഞപ്പോൾ തുമ്പി കൂട്ടാക്കിയില്ല ..അതാ പണ്ടത്തെ സിനിമ ലൈൻ ഒന്ന് പിടിച്ചു നോക്കിയേ ...ക്യാന്സറാണെന്നു പറഞ്ഞപ്പോഴാ അവൾ കേൾക്കാൻ സമ്മതിച്ചത് ...."

""" ഹ ഹ ഹ ഹ .....കാറിന്റെ മുകളിൽ അടിച്ചുകൊണ്ടു മനോ ചിരിച്ചു ...""""

"" ആഹാ എന്നെ പറഞ്ഞു പറ്റിച്ചതാണല്ലേ ... ചിണുങ്ങിക്കൊണ്ടു നിത്യ വീണ്ടും കോടതിയിലേക്ക് ഓടാൻ തുടങ്ങി ...""

നിത്യയെ അരയ്ക്കു ചുറ്റും വരിഞ്ഞു പിടിച്ചുകൊണ്ടു ഹരീഷ് അവളുടെ കവിളത്തു ഒരു ചുംബനം നൽകി ...

ഇനിയുള്ള കാലം ഇതുപോലെ കളിച്ചും ചിരിച്ചും കുഞ്ഞു കുഞ്ഞു പിണക്കങ്ങളുമായിഅവർ ജീവിക്കും ...ഒപ്പം മനോവും ...

പ്രതീക്ഷയോടെ ആ വാക മരങ്ങളും ...

കിരൺകൃഷ്ണൻ ...