ഗ്രൂപ്പ് മൊതലാളി

ഗ്രൂപ്പ് മൊതലാളി
,,,,,,,,,,,,,,,,,,,,,,,,,,,,,,,,,,,,,,,,,,,,

ദിനേന പോസ്റ്റുന്നവർ ഒരു കഥയുമില്ലാത്തവരെന്ന് ഗ്രൂപ്പ് മൊതലാളിയുടെ ഔദ്യോഗിക കുറിപ്പ്.
പോസ്റ്റുകൾ ചുരുക്കണം.
പുതുമുഖങ്ങളെ കൂടുതലായി പ്രോത്സാഹിപ്പിക്കണം.
അതിന് മുതിർന്നവർ പോസ്റ്റുകളുടെ എണ്ണം വളരെയധികം പരിമിതപ്പെടുത്തണം.
ഗ്രൂപ്പ് മൊതലാളിയുടെ തുടരെ തുടരെയുള്ള ഓർമ്മപ്പെടുത്തൽ.
തലയിൽ കുന്നുകൂടിക്കിടക്കുന്ന ആശയങ്ങളുടെ ഭാരം ഇറക്കിവയ്ക്കാൻ മറ്റു മാർഗങ്ങൾ തേടേണ്ടി വരുമെന്ന് ഞാനും മൊതലാളിയുടെ ഔദ്യോഗിക കുറിപ്പിന് താഴെ തുറന്നടിച്ചു.
രണ്ട് ദിവസം പ്രതിഷേധ സൂചകമായി ഗ്രൂപ്പിനോട് നിസ്സഹകരണം പ്രഖ്യാപിച്ചു മറ്റു ഗ്രൂപ്പുകളിൽ കൂടു കൂട്ടാനുള്ള ശ്രമം ആരംഭിച്ചു.
ഗ്രൂപ്പ് വിട്ടതോടെ ആരാധകരുടെ ശല്യം. തുറന്നു വെച്ച കിളിക്കൂട്ടിലേക്ക് ഒരു പഞ്ചവർണ്ണ പൈങ്കിളിയുടെ ചിറകടിയൊച്ച.
പിന്നെ പഞ്ചാര മധുരമുള്ള വാക്കുകൾ.
" എഴുത്ത് നിർത്തിയോ"?.
" ബിസിയാണ് കുറച്ചൂസം കഴിയട്ടെ".

" എന്നെപ്പോലെയുള്ള ആരാധകരെ നിരാശപ്പെടുത്തരുത്".

ആരാധകരോ? എനിക്കോ? പടച്ചോനെ എന്താണീ കേക്കണെ?
"ഞാൻ ഈ മൊബൈലും തോണ്ടിക്കൊണ്ടിരിക്കുന്നത് നിങ്ങളുടെ കഥകളൊക്കെ വായിക്കാനാ"

" അത്രയ്ക്കിഷ്ടമാണോ"?.

" അതെ".

പടച്ച തമ്പുരാനെ... ഈ ലൊട്ടുലൊടുക്ക് കവിതകളും, മണ്ണാങ്കട്ട കഥകളും മാത്രം എഴുതുന്ന എന്നെയും ഇഷ്ടപ്പെടാൻ ആളുണ്ടെന്നോ? അതും പഞ്ചവർണ്ണക്കിളികൾ !...

ഏതായാലും പഞ്ചവർണ്ണപ്പൈങ്കിളിയുടെ പിന്നാലെ ഒന്ന് പോയി നോക്കാം. ഫെയ്സ് ബുക്കിലും ഒരു ലൈനൊക്കെ ഉണ്ടാകുന്നത് നല്ലതാ..

അതിനായി ഫെയ്സ് ബുക്ക് ലോഗിൻ ചെയ്തു സ്ത്രീ പേരിൽ ഒരു അക്കൗണ്ട് ആ രം ഭി ച്ചു.വിചാരിച്ച പോലെ തന്നെ അവിടെയും വന്നു പഞ്ചവർണ്ണ പൈങ്കിളി...
പക്ഷെ എന്റെ വനിതാ പ്രൊഫൈലിൽ വന്നത് ഗ്രൂപ്പ് മൊതലാളിയായിരുന്നു സൂർത്തുക്കളെ.
ആളെ കിട്ടാൻ, പോകുന്നവരെ പിടിച്ചു നിർത്താൻ മൊതലാളി വേഷം കെട്ടി ഇറങ്ങിയതാ... എന്താല്ലെ?.

ഹുസൈൻ എം കെ