ദത്തെടുക്കൽ(കവിത)

രമ്യഹർമ്മങ്ങള്‍ പടുത്തുയർത്താൻ
തൊടിയിലെ മരങ്ങൾ മുറിച്ചകറ്റി,
വന്‍വൃക്ഷങ്ങളെ ബോൺസായ്
രൂപത്തിൽ കുഞ്ഞൻ വൃക്ഷങ്ങളാക്കി,
അവയുടെ വേരുകള്‍ക്കോടാന്‍
ചെടിച്ചട്ടിയിൽ ഒരുപിടി മണ്ണും നൽകി .

തണലിന് മേൽക്കൂരകളും
തണുപ്പിന് ശീതീകരിച്ച മുറികളും
കൃത്രിമമായി പണിതുയർത്തി,
പക്ഷെ, ശുദ്ധവായു ശ്വസിക്കാൻ
എവിടെ പോകുമെൻ മർത്യാ ഇനി.

ഇനിയെങ്കിലും
ഒരു ചെടി നട്ടുകൂടെ,
അതിനെ ദത്തെടുത്തു കൂടെ,
പരിപാലിച്ച് , പരിപോഷിപ്പിച്ച്
മക്കളെപ്പോലെ വളർത്തിക്കൂടെ.

വളർന്നുവന്നാൽ അവ തരും
‌ശ്വസിക്കാൻ ആവോളം ശുദ്ധവായു,
തിരിച്ചൊന്നും ചോദിക്കാതെ..

======

ഗിരി ബി. വാരിയർ
#ലോകപരിസ്ഥിതിദിനം