നല്ലെഴുത്ത്

The biggest ever archive in Malayalam Literature. 2.5 crores pageviews, 14000+ creations, 2000+authors and adding on....

New Books

Post Top Ad

Your Ad Spot

ആ വിമാനത്തിൽ


''വിമാനം അപകടത്തിൽ പെട്ട വാർത്ത ടെലിവിഷനിൽ കണ്ടപ്പോൾ കുഞ്ഞോള് ഞെട്ടിപ്പോയി,.....!!
അവൾ ഉടനെ തന്നെ റിമോട്ട് എടുത്ത് ടെലിവിഷന്റെ ശബ്ദം കുറച്ചു......
''അകത്തെ മുറിയിൽ തളർന്നു കിടക്കുന്ന തന്റെ ബാപ്പ ആ ന്യൂസ് കേൾക്കാതിരിക്കാൻ വേണ്ടിയാണ് അവൾ ടി വി യുടെ ശബ്ദം കുറച്ചത്,....
M80 യിൽ മീൻ വില്ക്കുന്ന ജോലിയായിരുന്നു അബുവിന്,
ഒരു ദിവസം റോഡ് സൈഡിൽ മീൻ കച്ചവടം ചെയ്തു കൊണ്ട് നില്ക്കുമ്പോൾ , നിയന്ത്രണം തെറ്റിയ ബസ് ......
അന്ന് കിടപ്പിലായതാണ് അബു,...
ഇതോടെ അബുവിന്റെ ഭാര്യ റംലത്ത് ആകെ തകർന്നു,...!!
കുഞ്ഞോൾ പത്താം ക്ളാസിൽ
പരീക്ഷ എഴുതി നില്ക്കുന്ന സമയത്തായിരുന്നു ബാപ്പാക്ക് അപകടം സംഭവിച്ചത്,....
അബു കിടപ്പിലായതോടെ കുടുംമ്പം കഷ്ടത്തിലായി.... കുഞ്ഞോളുടെ സഹോദരൻ ജമാൽ പ്ളസ് ടൂ കഴിഞ്ഞ് തുടർന്നു പഠിക്കാതെ ടൗണിലെ തുണിക്കടയിൽ ജോലിക്കു കയറി....!!
ഒരു പെരുന്നാളിന് തുണിക്കടയിൽ ഷോപ്പിങ്ങിനു വന്ന ഒരാൾ , കടയിലെ സെയിൽസ് ഗേളിനോട് പറഞ്ഞത് ജമാലിന്റെ ശ്രദ്ധയിൽ പ്പെട്ടു,..!!.
'' ഗൾഫിലേക്ക് ഒരു വീട്ടു ജോലിക്കാരിയുടെ വിസ ഉണ്ട്,... ഇരുപത്തയ്യായിരം രൂപ ശമ്പളം കിട്ടും,.... ആരെങ്കിലും ഉണ്ടെങ്കിൽ ഈ നമ്പരിൽ വിളിക്കാൻ പറ...!!
'അയാൾ വിസിറ്റിംഗ് കാർഡെടുത്ത് സെയിൽസ് ഗേളിനെ ഏല്പ്പിച്ചു,...!!
''സെയിൽസ് ഗേൾ അതത്ര കാര്യമാക്കാതെ , ഡ്രസ് അടുക്കി വയ്ക്കുന്നിടത്ത് വിസിറ്റിങ്ങ് കാർഡ് സൂക്ഷിച്ചു വച്ച് ജോലിയിൽ മുഴുകി,....!
സെയിൽസ് ഗേൾ കാണാതെ,
'ജമാൽ ആ കാർഡെടുത്ത് അതിലുണ്ടായിരുന്ന ഫോൺ നമ്പർ തന്റെ മൊബൈലിൽ സേവ് ചെയ്തു,...
'' അന്ന് വീട്ടിലെത്തിയപ്പോൾ ആ നമ്പരിൽ വിളിച്ചു,....'
'ഞാൻ എന്തു ജോലിയും ചെയ്യാൻ തയ്യാറാണ് സർ,....!! എനിക്ക് ഒരു വിസ വേണം '' അവൻ ആവശ്യപ്പെട്ടു,...!!
''ഞാൻ വിസ കച്ചവടക്കാരനല്ല....ഹൗസ് ഡ്രൈവറാണ് ...ആ വീട്ടിലേക്ക് വീട്ടു ജോലിക്കാരിയെയാണ് ആവശ്യം...!!
അയാളുടെ മറുപടി കേട്ട് ജമാൽ ഫോൺ കട്ട് ചെയ്യാൻ തുടങ്ങിയപ്പോൾ റംലത്ത് ഫോൺ വാങ്ങി കൊണ്ട് അയാളോട് സംസാരിച്ചു,...!!
##
ടെലിവിഷൻ ഓഫാക്കി കുഞ്ഞോള് എണീറ്റു മൊബൈലെടുത്ത് ജമാലിന്റെ നമ്പർ ഡയൽ ചെയ്തു,...!
''ഇക്കാ....
പരിഭ്രമത്തോടെ അവൾ വിളിച്ചു,...
''മോളെ ഫ്ളൈറ്റ് തകർന്നു തരിപ്പണമായി, ....ആളുകളെല്ലാം അവിടേക്ക് പായുകയാണ് .... ഞാൻ കുറച്ചു കഴിഞ്ഞു വിളിക്കാം...!!
'ശരി ...!! കുഞ്ഞോൾ ഫോൺ കട്ടാക്കി
ജനലിലൂടെ പുറത്തേക്കും നോക്കി നിന്നു,.....
ഇരുട്ടിനെ നനച്ചു കൊണ്ട് മഴ പെയ്യുന്നുണ്ട്,.....
കാറ്റ് തളളിമാറ്റി കൊണ്ടു പോകുന്ന മഴത്തുളളികളിൽ ചിലത് അവളുടെ മുഖത്തേക്ക് ചിതറി വീണു,....!!
അവളുടെ മിഴികൾ നിറഞ്ഞു,..,
ഒലിച്ചിറങ്ങിയ കണ്ണുനീരിന്റെ മഹാ പ്രളയം ,കവിളിലുണ്ടായിരുന്ന മഴത്തുളളികളെ കവർന്നെടുത്ത് സങ്കട കടലിലേക്ക് ഒന്നിച്ചൊഴുകി,....!!
ഓർമ്മകളുടെ തിരകൾ ഉയർന്നു പൊങ്ങി,...
''ഉമ്മ ഗൾഫിൽ പോയിട്ട് വർഷം മൂന്നായി,....ഉമ്മ അയക്കുന്ന പണം പലപ്പോഴും തികയാറില്ല,.......!
വാടകയും, ഉപ്പയുടെ മരുന്നുകൾക്കും , വീട്ടു ചിലവിനും തന്നെ നല്ലൊരു തുക വേണം ....
തുണിക്കടയിൽ നിന്നുളള ജമാലിന്റെ വരുമാനം വലിയ ആശ്വാസമാണ്,...!!
പത്താം തരം പാസായ ശേഷം തുടർന്ന് പഠിക്കാൻ കുഞ്ഞോൾ പോയില്ല,..
തളർന്നു കിടക്കുന്ന ഉപ്പയുടെ ശുശ്രൂക്ഷ മകൾ ഏറ്റെടുത്തു,...!
പളളിയിൽ പുതുതായി വന്ന നാദാപുരം സ്വദേശിയായ ഉസ്ത്താദിന്റെ കല്ല്യാണ ആലോചന കൊണ്ടു വന്നത് ,
പളളി കെട്ടിടത്തിൽ ചായക്കട നടത്തുന്ന അബുവിന്റെ അളിയൻ കുഞ്ഞിപ്പായാണ് ....
അവർ സ്വർണ്ണം ഒന്നും ആവശ്യപ്പെട്ടില്ല,...
എന്നാൽ ,റംലത്ത് സ്വരൂക്കുട്ടിയ
'പണമെല്ലാം ചേർത്ത്,
മകളുടെ കല്ല്യാണത്തിനുളള അഞ്ചു പവൻ സ്വർണ്ണം വാങ്ങി , ഹൗസ് ഡ്രൈവറായ കൊണ്ടോട്ടിക്കാരൻ, സമദിന്റെ കൈവശം കൊടുത്തു വിടുകയാണ് ചെയ്തത്,...!!
അയാൾ വന്ന ഫ്ളൈറ്റാണ് കരിപ്പൂരിൽ അപകടത്തിൽ പെട്ടത്,...!!
മുറ്റത്തേക്ക് കയറി വന്ന ബൈക്കിന്റെ ശബ്ദം കേട്ട് കുഞ്ഞോൾ ,വേഗം ചെന്ന് വാതിൽ തുറന്നു,...
''നിരാശയോടെ ജമാൽ കയറി വന്ന് ഹാളിലെ സോഫയിൽ ഇരുന്നപ്പോൾ
ന്യൂസിൽ, വിമാനപകടത്തിൽ മരിച്ചവരുടെ പേര് എഴുതി കാണിക്കുന്ന കൂട്ടത്തിൽ സമദിന്റെ പേരും ഫോട്ടോയും ഉണ്ടായിരുന്നു,...!!
അടുക്കളയിലേക്ക് പോയ കുഞ്ഞോൾ ,കോലായിലിരുന്ന് പൊട്ടിക്കരഞ്ഞു,...!!
മോളെ..!
ആ വിളി കേട്ട് കുഞ്ഞോൾ തിരിഞ്ഞു നോക്കി,....!
ജമാൽ ....!
അവന്റേയും കണ്ണ് നിറഞ്ഞിരിക്കുന്നു,....
പെങ്ങളെ ചേർത്തണച്ച് ജമാൽ പറഞ്ഞു,...''
''വിഷമിക്കണ്ട എല്ലാവരുടേയും ലഗേജ് എയർപ്പോർട്ടിലുണ്ടാകും,.... നമുക്ക് അന്വേഷിക്കാം ...!!
കരിപ്പൂരിലേക്ക് ജനം കുതിക്കുകയായിരുന്നു,....
###
അപകടം നടന്ന സമയത്ത് എയർപ്പോർട്ടിനടുത്തുളള ലോഡ്ജിലെ
പത്താം നമ്പർ റൂമിലിരുന്ന് മദ്യപിക്കാനൊരുങ്ങുകയായിരുന്നു രഘു ,.... !!
''എയർപ്പോർട്ടിനടുത്തുളള ഒരു വീട്ടിൽ കവർച്ച ചെയ്യാനുളള പദ്ധതി ആലോചിക്കാൻ വേണ്ടിയാണ് അവിടെ മുറി എടുത്തത്,...!!
മദ്യം ഗ്ളാസിലേക്ക് ഒഴിച്ച് ചുണ്ടോട് അടുപ്പിക്കാൻ തുടങ്ങുമ്പോഴാണ് വലിയ ഒരു ശബ്ദം കേട്ടത്,...
രഘു ചാടിയിറങ്ങി പുറത്തേക്ക് വന്നപ്പോൾ റോഡിൽ നിന്ന് ആരോ വിളിച്ചു പറയുന്നതു കേട്ടു,
''വിമാനം വീണു,...!!
ആളുകൾ എയർപ്പോർട്ടിലേക്ക് ഓടുകയാണ്....
രഘു മുറിയിൽ കയറി ലുങ്കി മാറ്റി , ടീ ഷർട്ടും പാന്റും ധരിച്ചു ....മുറി പൂട്ടി , എയർപ്പോർട്ടിലേക്ക് ഓടി,.....!!
''രക്ഷാപ്രവർത്തകരുടെ ഒപ്പം രഘുവും ചേർന്നു,.....''
''ആളുകൾ കൂടിക്കൊണ്ടിരുന്നു,
മഴയും, കൊറോണയും ,വക വയ്ക്കാതെ അപകടത്തിൽപ്പെട്ടവരെ വാരിയെടുത്ത് ജനം ആസ്പത്രികളിലേക്ക് പാഞ്ഞു,..
''രക്ഷാ പ്രവർത്തനിടയിലും രഘുവിന്റെ ശ്രദ്ധ ലഗേജുകളിലായിരുന്നു,...!!.
''രഘു ചുറ്റും നോക്കി ,.... ഓടി കൂടിയ ജനം ആളുകളെ രക്ഷിക്കുന്ന ശ്രദ്ധയിലാണ് ....
''
'രഘു വീണ്ടും ഒന്നുകൂടി ചുറ്റും വീക്ഷിച്ചു...!!
''ഇല്ല തന്നെ ആരും ശ്രദ്ധിക്കുന്നില്ല എന്നു ഉറപ്പു വരുത്തി,...
ഇതു തന്നെ അവസരം,...
''താൻ നില്ക്കുന്നിടത്ത് നല്ല ഇരുട്ടാണ് .....''
അകലെ നിന്ന് കൂടുതൽ ആളുകൾ ഓടി വരുന്നതേയുളളു....!!
പെട്ടന്ന് കൈയ്യിൽ കിട്ടിയ ബാഗുമായി എതിർ വശത്തൂടെ രഘു ഇരുട്ടിൽ മറഞ്ഞു,....!!
###
''ന്യൂസ് കണ്ടു കൊണ്ടിരുന്നപ്പോഴാണ് ജമാലിന്റെ ഫോൺ ശബ്ദിച്ചത് ....!
''പളളിയിൽ നിന്ന് ഉസ്ത്താദാണ്,...!
ഉസ്ത്താദിനോട് കാര്യങ്ങൾ സംസാരിച്ചു ജമാൽ ....!
''എല്ലാം കേട്ട് കഴിഞ്ഞ് ഉസ്ത്താദ് പറഞ്ഞു,....
''ഞാൻ ആലോചിച്ചിട്ട് നാളെ വിളിക്കാം,..''
ഓകെ....ഈ കല്ല്യാണം നടക്കില്ലെന്ന് ജമാലിനു മനസിലായി,....!!
###
ഇരുട്ടിലിരുന്നു കിതച്ചു കൊണ്ട് രഘൂ പരിസരം വീക്ഷിച്ചു,....
പുറത്ത് കടക്കാനുളള വഴി മനസിലാക്കി ..... പിന്നെ അതിനുളള ശ്രമമായി.... ആളുകളുടെ കണ്ണ് വെട്ടിച്ച് വേറെ വഴിയിലൂടെ രഘു മെയിൻ റോഡിലെത്തി..... ലോഡ്ജ ലക്ഷ്യമാക്കി നടന്നു,....!!
''റൂമിലെത്തി അകത്തു കയറി ബാഗ് കട്ടിലിൽ വച്ചു,..... വാതിൽ അടച്ച് കുറ്റിയിട്ടു,....!!
''ബാഗിന്റെ മുകളിൽ ഒട്ടിച്ച പേര് വായിച്ചു,...
''സമദ് കൊണ്ടോട്ടി,....!അബുദാബി ടൂ കോഴിക്കോട്,...''
''രഘു ഞെട്ടിപ്പോയി.....!!
''അയാൾ ബാഗിന്റെ താഴ് അറത്തു മാറ്റി,.....ബാഗിലെ സാധനങ്ങൾ കട്ടിലിലേക്ക് കുടഞ്ഞിട്ടു,...
''കുറെ മിഠായികളും, ചോക്ലേറ്റും തുണികളും, ഒപ്പം മറ്റൊരു പൊതിയും,..
''ആ പൊതി രഘു കൈയ്യിലെടുത്തു,...
.ഇത് മറ്റൊരാൾ കൊടുത്തയച്ചതാണെന്ന് രഘുവിന് മനസിലായി,....
കാരണം,
താനും എത്രയോ തവണ ഇത്തരം കവറുകൾ കൊണ്ടു വന്നിരിക്കുന്നു ,..,!
കവറിനു മുകളിലെ പേര് രഘു വായിച്ചു, ,
''ജമാൽ മാങ്കാവ് '' പിന്നെ മൊബൈൽ നമ്പരും എഴുതിയിട്ടുണ്ടായിരുന്നു,...
രഘു ആ കവറും തുറന്നു,....
നാലഞ്ച് പെർഫ്യുമും, ബോഡി ലോഷനും, ഫെയ്സ് ക്രീമും, ഷാംമ്പുവും ..... പിന്നെ മലബാർ ഗോൾഡിന്റെ ഒരു കവറും,..,!! റംലത്തിന്റെ ഒന്നു രണ്ട് ഫോട്ടോകളും,...!!
''ആ ഫോട്ടോയിലേക്ക് നോക്കി രഘു പിറുപിറുത്തു ..... ''റംലത്ത് ,..'
അബുദാബിയിലെ ഗോൾഡ് സൂക്കിൽ (മാർക്കറ്റ് ) ഒരു സ്വർണ്ണക്കടയിലെ മാനേജരായിരുന്നു കൊല്ലം സ്വദേശിയായ രഘു,...''
''രഘുവിന്റെ പരിചയക്കാരനായിരുന്നു സമദ്,...''
രഘു ജോലി ചെയ്യുന്ന ജുവല്ലറിയിൽ ഒരു കുറി ചിട്ടി ഉണ്ടായിരുന്നു, ...
ആഴ്ചയിൽ 200 ദിർഹം അടച്ച് പത്ത് മാസം വട്ടം എത്തുമ്പോൾ അടച്ച പൈസയ്ക്ക് സ്വർണ്ണമെടുക്കാവുന്ന പദ്ധതി,.... പണിക്കൂലി ഫ്രീയായിരുന്നതിനാൽ ഒരുപാട് സ്ത്രീകൾ ഇതിൽ അംഗമായി,....
''സമദിന്റെ കെയർ ഓഫിൽ റംലത്തും അതിൽ പണം നിക്ഷേപിച്ചിരുന്നു,....
''ഇരുപത് മാസത്തേക്കാണ് റംലത്ത് ചേർന്നത്,..... രണ്ട് വർഷം കഴിഞ്ഞ് നാട്ടിൽ പോകുമ്പോൾ സ്വർണ്ണം വാങ്ങാമെന്നു കരുതിയാണ് കുറിയിൽ ചേർന്നത്,... !!
പക്ഷേ,... ഒരു ദിവസം
സ്വർണ്ണക്കട പൂട്ടി, രഘു മുങ്ങി,...!!
''കൊല്ലത്ത് അന്വേഷിച്ചെങ്കിലും രഘു അവിടെ ചെന്നിട്ടില്ലെന്ന് അറിഞ്ഞു,...
''ഫെയ്സ് ബുക്ക് വഴി പരിചയപ്പെട്ട വയനാട് സ്വദേശിനിയെ വിവാഹം കഴിച്ച് രഘു സുൽത്താൻ ബത്തേരിയിൽ താമസം ആരംഭിച്ചു,...!!
''എന്നാൽ , അർഹതയില്ലാത്ത സാമ്പാദ്യവുമായി അധിക നാൾ സുഖ ജീവിതം നയിക്കാൻ രഘുവിന് കഴിഞ്ഞില്ല,...
''ബത്തേരിയിൽ വച്ചുണ്ടായ ബൈക്ക് ആക്സിഡന്റിൽ ഭാര്യയും ഒന്നര വയസുളള മകനും മരണപ്പെട്ടു,...''
''കൊല്ലത്ത് തറവാട്ടിലും ആപത്തുകൾ സംഭവിച്ചു,...
''കുളിമുറിയിൽ തെന്നി വീണ അമ്മയുടെ നട്ടെല്ല് തകർന്ന് കിടപ്പിലായി,..... ചികിത്സ ക്കായി ബത്തേരിയിലെ വീടും സ്ഥലവും വിറ്റു,....
''അമ്മയുടെ മരണത്തോടെ രഘു മാനസികമായി തകർന്നു,..... പിന്നെ നാട് വിടുകയായിരുന്നു,....
കോഴിക്കോട് വച്ച് മോഷണം തൊഴിലാക്കിയ സുലൈമാനെ പരിചയപ്പെടുകയും മോഷണം തൊഴിലാക്കുകയും ചെയ്തു,....!!
''റംലത്ത് ...... ''
ആ പേര് ഒന്നു കൂടി ഉരവിട്ടു കൊണ്ട് രഘു എഴുന്നേറ്റു,.....ഒരു സിഗരറ്റെടുത്ത് കത്തിച്ചു ചുണ്ടിലേക്ക് വച്ച് ആഞ്ഞു വലിച്ചു,....
ഗ്ളാസിൽ പകർന്ന മദ്യമെടുത്ത് അകത്താക്കി,....
''സമദ് ജുവല്ലറിയിൽ വരുന്നതും, പണം അടക്കുന്നതും, റംലത്തിന്റെ അവസ്ഥകൾ പറയുന്നതുമെല്ലാം മനസിൽ തെളിഞ്ഞു വന്നു,...
''ഒരു ദിവസം തന്റെ കടയിലേക്ക് റംലത്ത് കയറി വന്നു,...ഒപ്പം സ്പോൺസറായ അറബി സ്ത്രീയും ഉണ്ടായിരുന്നു,....!!
''സാറെ രണ്ട് വർഷം കഴിഞ്ഞേ ഞാൻ നാട്ടിൽ പോകുന്നുളളു ....എന്റെ മോളുടെ നിക്കാഹിന് ....അന്ന് മതി സ്വർണ്ണം ...!!
''ഓകെ റംല ...എപ്പോൾ വേണമെങ്കിലും വന്നോളൂ,......!!
പിന്നീട് ഒരിയ്ക്കൽ കൂടി സ്പോൺസറോടൊപ്പം റംലത്ത് തന്റെ കടയിൽ വന്നത് രഘു ഓർമ്മിച്ചു,...!
'' ആ കുറിയിൽ എത്രയെത്ര പാവപ്പെട്ട സ്ത്രീകളാണ് കുടുങ്ങിയത്... കുറഞ്ഞ ശമ്പളത്തിൽ ജോലി ചെയ്യുന്ന പാവങ്ങൾ ...!! അവരെ പറ്റിച്ച പണം കൊണ്ട് താൻ എന്തു നേടി ....?
''രഘു പൊട്ടിക്കരഞ്ഞു,...!
####
''ഒരു പെൺക്കുട്ടിക്കാവശ്യമുളള സ്വർണ്ണം എന്റെ കൈവശമുണ്ട്,..എന്റെ ഭാര്യയുടെ ശരീരത്ത് ഞാൻ സമ്പാദിച്ച ആഭരണങ്ങൾ ധരിച്ചത് കാണുന്നതാണ് എന്റെ സംത്യപ്തി,...!!
കല്ല്യാണ തലേന്ന് ജമാലിന്റെ വീട്ടിലെത്തിയ ഉസ്ത്താദ് അത് പറഞ്ഞ് ഇരുപത്തഞ്ച് പവൻ സ്വർണ്ണം കൈമാറുമ്പോൾ ,
അകലെ അറബി വീട്ടിലിരുന്ന്
സമദിന്റെ മരണ വാർത്ത അറിഞ്ഞ്
റംലത്ത് തേങ്ങി കരയുകയായിരുന്നു,....!
''ഇന്നലെ കുഞ്ഞോളുടെ വിവാഹമായിരുന്നു,....
''സാമൂഹിക അകലം കണക്കിലെടുത്ത് കുറച്ച് ആളുകളെ ചടങ്ങിൽ പങ്കെടുത്തുളളു...!.
''അതിലൊരാൾ രഘുവായിരുന്നു,....
ഗൾഫിലെ കുറി ചിട്ടിയിൽ റംലത്ത് അടച്ച പണത്തിന്റെ ഇരട്ടി പണവും , ലഗേജിൽ നിന്ന് കിട്ടിയ സ്വർണ്ണവും രഘു ജമാലിനെ ഏല്പ്പിച്ചു,.....!!
''പക്ഷേ,
പണത്തിനൊപ്പം താൻ കൈമാറിയ സ്വർണ്ണം , അപകടം നടന്ന സ്ഥലത്ത് നിന്ന് മോഷ്ടിച്ചതാണെന്നുളള രഹസ്യം മാത്രം രഘു മറച്ചു വച്ചു,....!!
കാരണം,
അന്നത്തെ ന്യൂസിൽ ഒരു ലഗേജ് ആരോ മോഷ്ടിച്ചു എന്നുളള വാർത്ത ചാനലുകാർ പുറത്തു വിട്ടിരുന്നു,...
=======
ഷൗക്കത്ത് മൈതീൻ ,
കുവൈത്ത്,....

No comments:

Post a Comment

ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക

Post Top Ad

Your Ad Spot