“ഹൃദയം എഴുത്തില്ലാ
പുസ്തക“- മെന്ന് കവി!
തൊണ്ടയിൽ പേനത്തുമ്പ്
തുളഞ്ഞ് മിണ്ടാതെ ഞാൻ.
“ഉടൽഹത്യ ചെയ്കയാൽ
വീടകം ആത്മാവ് പോൽ”
നിശ്ചലം മരവിച്ച
നഗരം പുതച്ച് ഞാൻ.
“കുങ്കുമവ്രണം ഇരുൾ-
ക്കുടയാൽ മറച്ചവൾ”
നുരയുന്നുള്ളിൽ തല്ലി -
നീറ്റുമക്കണ്ണീരാഴം.
“ഈവിധം വെയിൽ ഇഴ
നെയ്തതഴിക്കാൻ രസം!“
ആ നീലക്കൺപ്പോളക-
ളടച്ച ഇരുട്ട്; ഞാൻ.
=======
വിനോദ് മനമ്മൽ
(Vinod Manammal)
No comments
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക