നല്ലെഴുത്ത്

The biggest ever archive in Malayalam Literature. 2.5 crores pageviews, 14000+ creations, 2000+authors and adding on....

New Books

Post Top Ad

Your Ad Spot

കൊഴുപ്പ് (കവിത)


ഞെക്കുമ്പോ
കനത്തിലുണ്ട്.
കെട്ട്യോനെ-
ക്കൊണ്ട് തൊടീച്ച-
പ്പോളും തെന്നലുണ്ട-
യിന്.
മുലകൊടുക്കാതിരു-
ന്നാലോ കുഞ്ഞിന്?
"ഏയ്‌ വേണ്ട,പതിച്ചി
പറഞ്ഞ പോലെ പാല്
കെട്ടി നിക്കുന്നുണ്ടാവും"
നൂലുകെട്ടിന് വന്നോ-
രെല്ലാം ഒരേ സ്വരത്തിലങ്ങനെ :
"പെറ്റിട്ടപ്പോ കണ്ടേലും കൊച്ചങ്ങ് മെലിഞ്ഞേക്കണ്"
തള്ള ഒന്ന് കൊഴുത്തേ-
ക്ക്ണ് എന്ന് വന്നോരെ-
ല്ലാം പറയാതെ പറഞ്ഞ്.
എല്ലാരേം അടുത്തേക്ക്
വരുത്തി തടിപ്പൊന്ന്
തൊടീച്ച് തള്ളേടെ കൊഴു-
പ്പ് കാണിച്ചാലോന്ന് കരുതീതാ ആദ്യം.
വേദന കൂടി വന്നപ്പോ-
രണ്ടീസം ഞാൻ പാല്
കൊടുക്കാതായി.
മേനിമെരുക്കാൻ തള്ള
മോന് പാല് കൊടുക്കി-
ല്ലെന്ന അമ്മേടെ വാചകം
ചെവീൽ എത്തീപ്പോ
ഡോക്ടറും മുഴ കണ്ടു
ഒരു തവണ അല്ല
പലേ തവണ,
ആശുപത്രികൾ വീടുകളായി
തള്ളേടെ കൊഴുപ്പ് കുറഞ്ഞു
മുടി പൊഴിഞ്ഞു
പോകെപോകെ ഞെട്ടുകൾ
ഉള്ളിലേക്കായി
ഒരു മുലയ്ക്ക് തീരെ ഭാരമില്ലാതായി
Amritha L

No comments:

Post a Comment

ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക

Post Top Ad

Your Ad Spot