നീ.. എവിടെപ്പോവാ.... ?
" ബാല്യത്തിലേക്ക്... !"
എന്തിന്.. ?
നിന്റെ കുസൃതികൾ കാണാൻ.. !
കണ്ടോ.. ?
"കണ്ടല്ലോ.. തങ്കക്കുടം പോലൊരു കുസൃതികുടുക്കേനെ... !
എന്നിട്ട്... ?
കണ്ട്.. കണ്ട്.. കണ്ടുവന്നപ്പോ നിന്റെ കൗമാരം കണ്ടു... !
പിന്നെ... ?
കവിളിൽ വിരിഞ്ഞ നുണക്കുഴിയിൽ നാണം കണ്ടു.. വിടർന്ന കണ്ണിൽ പ്രേമം കണ്ടു. തുടുത്തച്ചുണ്ടിൽ മോഹംകണ്ടു.. !
അതുകഴിഞ്ഞോ.. ?
നെറുകയിൽ സിന്ദൂരമണിഞ്ഞ നിന്നെക്കണ്ടു...പ്രസന്നവതിയായി.. !
പിന്നെ ?
പിന്നെ.., അമ്മയായ നിർവൃതിയിൽ പാലൂട്ടുന്ന നിന്നെക്കണ്ടു.. !
പിന്നീട്.. ?
പിന്നീട്..പലപ്പോഴും പലരൂപത്തിൽ കോലത്തിൽ നിന്നെ കണ്ടു. വിഷാദംനിറഞ്ഞ ഭാവത്തിൽ കരഞ്ഞുകലങ്ങിയ കണ്ണുകളോടെ. ഒട്ടിയ കവിളോടെ , ഇടതൂർന്ന മുടിയിഴകൾ വെള്ളനാരായി.. അങ്ങനെയങ്ങനെയൊക്കെ നിന്നെ കണ്ടു... !
"മനസ്സേ.. നീയൊരു കള്ളൻ തന്നെ.. എല്ലാം നീ കണ്ടില്ലേ.. !"
മനസെന്നെനോക്കി കള്ളകണ്ണിറുക്കി.
"ശരി.. ഇപ്പോ.. നീ എവിടേക്കുപോകുന്നു.. ?"
"ശരി.. ഇപ്പോ.. നീ എവിടേക്കുപോകുന്നു.. ?"
"നിന്നോടൊപ്പം അന്ത്യത്തിലേയ്ക്കു സഞ്ചരിക്കുന്നു... !"
എന്തിന്.. ?
" നിന്റെ മരണം കാണാൻ.. കണ്ട് കൂടണയാൻ.... !!!"
No comments:
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക