നമ്മുടെ വീടുകൾ

±+++++++++++++±

ഗദ്യവരികൾ: രതീഷ് സുഭദ്രം
========================

ഉറുമ്പ്*

ചേറുകുഴച്ചുഞാനുണ്ടാക്കിയ വീടു നീ പൊളിച്ചെറിഞ്ഞില്ലേ.

കാക്ക*

കൊക്കിലൊതുക്കിയ ചുള്ളിയിൽ പണിഞ്ഞ എന്റെവീട് നീ മരകൊമ്പോടെ മുറിച്ചെറിഞ്ഞില്ലേ

ചിലന്തി*

മുട്ടയിട്ടു വലകൂട്ടിയിരുന്ന എന്നെ ചൂലുകൊണ്ടു മാറ്റിയെറിഞ്ഞില്ലേ നീ.

ഏലി*

മണ്ണുതുരന്നുണ്ടാക്കിയ എന്റെമാളം വിഷവും ചില്ലുകഷണവും കൊണ്ടടച്ചില്ലേ നീ.

മീൻ*

ചെറുത്തോട്ടിലെ ഇത്തിരി വെള്ളത്തിൽ തത്തി കളിച്ചപ്പോൾ, അവിടം മണ്ണിട്ടുമൂടിയില്ലേ നീ.

ഒരുകൂട്ടം പക്ഷികൾ*

പലതരം പക്ഷികൾ ഞങ്ങൾ ഒന്നിച്ചു പാർത്തൊരുമരം ഒടുവിൽ മുറിച്ചുമാറ്റിയില്ലേ നീ.

ഈ പ്രളയത്തിൽ നിൻ വീടു തകരുമ്പോൾ ചിരിക്കില്ല.
കാരണം, ഞങ്ങൾക്കറിയാം
വീട് നഷ്ട്ടപെട്ട വേദന.