മതി രമേശാ ..

മിനിക്കഥ

ദുബായിലുള്ള മകനു പെണ്ണുകാണാൻ അയൽവാസി രമേശനെയും കൂട്ടി പെണ്ണിന്റെ വീട്ടിലേക്കു ദേവകിയമ്മ നടന്നു .
വീടിന്റെ ഗേറ്റ് കടന്ന് അകത്തേക്ക് ചെല്ലുമ്പോൾ കുന്നോളം ഉയരത്തിൽ നാളികേരം പറിച്ചു കൂട്ടിയത് അവരുടെ ശ്രദ്ധയിൽ പെട്ടു .

ബലിയ കൃഷിക്കാരാണെന്നു തോന്നുന്നു .കണ്ടില്ലേ പറമ്പു മുഴുവൻ തേങ്ങ .അമ്പമ്പോ ...

തേങ്ങയുടെ മൊത്ത കച്ചോടക്കാരാണ് .പെണ്ണിന്റെ തന്ത .
രമേശൻ മറുപടി പറഞ്ഞു .

നടന്നു വീടിനു മുറ്റത്തെത്തിയപ്പോൾ കളം നിറയെ വൈക്കോൽ കൂനകൾ .അപ്പോൾ അവർ പറഞ്ഞു .

ഇഷ്ടം പോലെ നെൽപ്പാടങ്ങൾ ഉള്ള കൂട്ടത്തിലാണെന്ന് തോന്നുന്നു .കണ്ടില്ലേ പുല്ലിൻ കൂനകൾ .

അതെ അവർ പാരമ്പര്യമായി കൃഷിക്കാരാണ് .

പിന്നെ അവരെ എതിരേറ്റത് അയലുകളിൽ ഉണങ്ങാനിട്ട റബ്ബർ ഷീറ്റുകളാണ് .

കണ്ടോ റബ്ബറും ഉണ്ട് .
അവർ മൂക്കത്തു വിരൽ വെച്ചു .

കുടക് മല തേച്ചും ഇവരുടേതാണ് .മാത്രല്ല ആലക്കോടും റബ്ബർ തോട്ടം ഉണ്ട് .
രമേശൻ പറഞ്ഞു

എന്നാ പിന്നെ വീട്ടിൽ പോകണമെന്നില്ല .ഇതങ് ഉറപ്പിച്ചോ .
അവർ അവിടെ നിന്നു .

അപ്പോ പെണ്ണിനെ കാണണ്ടേ ?
രമേശൻ ചോദിച്ചു .

വേണ്ട ഇതൊക്കയുള്ളപ്പോൾ പിന്നെ പെണ്ണിന് എന്തിനു സൗന്ദര്യം .ഐശ്വര്യ ലക്ഷ്മി ആയിരിക്കും .

അവൾ മുമ്പൊരിക്കൽ കാമുകന്റെ കൂടെ ഒളിച്ചോടിയതാണ് .
രമേശൻ പറഞ്ഞു .

ഇക്കാലത്തു അതൊക്ക സാധാരണ സംഭവം .നീ പോയി ഉറപ്പിച്ചോ .

അങ്ങനെ അവർ തിരിച്ചു വീട്ടിലേക്കു പോയി .

നിങ്ങൾ പെണ്ണ് കളങ്കമില്ലാത്തവൾ ആയിരിക്കണമെന്ന് മുമ്പ് പറഞ്ഞതോ ?
അവർ പോകുന്നതിനിടയിൽ ചോദിച്ചു .

നാളികേരത്തെക്കാളും റബ്ബറിനേക്കാളും വിലയില്ല രമേശാ പെണ്ണിന് .

അയാൾ തരിച്ചു നിന്നുപോയി .
Ceevi