അടയാളങ്ങള്‍...!!

അറുപതിലെത്തിയിട്ടും
അടയാളങ്ങളിവിടെ ബാക്കിയാണ്..

മനുഷ്യനാവണമെനിക്ക്
നല്ലൊരുമനുഷ്യന്‍..

കൊന്തയും പൂണൂലും തൊപ്പിയും
അടയാളങ്ങളാണ്..

കാവിയും പച്ചയും ചുവപ്പും
അടയാളങ്ങള്‍തന്നെ..

കറുപ്പും വെളുപ്പും വാലുളളപേരുകളും
അടയാളങ്ങള്‍തന്നെ..

മരണവീട്ടിലുമുണ്ടിപ്പോള്‍
ജാതിയോതുന്ന കൊടിയടയാളങ്ങള്‍..

മതിലുകളില്ലായിരുന്നെങ്കില്‍നിന്‍േറയുമെന്‍േറയു-മില്ലാതെയെല്ലാംനമ്മുടേതായേനെ..

അടയാളങ്ങള്‍ക്കിടയില്‍ ഞാന്‍തിരഞ്ഞത്
മനുഷ്യനെയാണ്..

കണ്ടതില്ലെവിടെയുമാ നല്ലചിഹ്നം
നല്ലൊരു മനുഷ്യചിഹ്നം..

അറുപതിലെത്തിയതറിയാതെ
അടയാളങ്ങളിന്നുമിവിടെ ബാക്കി...!!

ആര്‍.ശ്രീരാജ്