പുതുനാമ്പിനായ് -കവിത

അവിടെയതാ ആശുപത്രി വരാന്തയിൽ -
കാത്തിരിക്കുന്നു ചിലർ ഒരു രോദനത്തിനായ്.
അടച്ചിട്ട മുറിയുടെ അരികിലായ് എത്രപേർ.

അകത്തൊരു പെണ്ണിൻ നിലവിളി ഒച്ച .
പുറത്തൊരു ആണിന്റെ അക്ഷമയും.
അമ്മയാകാനൊരു നിലവിളിയും.
അച്ഛനാകാനൊരു അക്ഷമയും.

പെണ്ണിൻ നിലവിളി കൂടുന്ന നേരത്ത്
തമ്മിൽ പലതും പറയുന്നു ചിലർ.
മരുന്നുകൾ വാങ്ങുന്നു കൊടുക്കുന്നു
സമയവും ഓടി സഞ്ചരിക്കുന്നു.

അച്ഛനാകാനും അപ്പുപ്പനാകാനും
വല്യച്ഛൻ, കൊച്ചച്ചൻ, അമ്മുമ്മ പല-
ബന്ധങ്ങളാകാൻ അക്ഷമ കൂടുന്നു.
മനസ്സുകളും ആദി കൂട്ടി പോകുന്നു

ഒടിവിലാത പെണ്ണിൻ നിലവിളി -
അതിശക്തിയോടെ കേട്ടു നിന്നു.
പിൻവിളി പോലെ കുഞ്ഞു നിലവിളി -
കാതോട് കാതോരം വന്നുപോയി.

പുഞ്ചിരി തഞ്ചമായി വന്നണഞ്ഞു.
പുതുനാമ്പിൻ ഒച്ചയും വീണ്ടു മെത്തി
ഇതിനായല്ലോ കാത്തിരിപ്പവർക്
പുതുനാമ്പിനായുള്ള കാത്തിരിപ്പ്.

#####
രതീഷ് സുഭദ്രം