മായികലോകത്തെ മണവാട്ടി

മനസ്സിന്റെ മടിത്തട്ടിൽ മയങ്ങും
മാൻമിഴിയാം മനോഹരിയേ
മലരിലെ മധുവുണ്ണാൻ മലർവാടിയിൽ
മതിമുഖീ മാലതി മന്ദമായണയൂ

മഞ്ചാടിമണികളാൽ മാലകോർത്തു
മാണിക്യ മണിയറ മെനഞ്ഞെടുത്തു
മായികലോകത്തെ മണവാട്ടിയായി
മാലിനി മനതാരിൽ മരുവുക മഹിതേ

മാനത്ത് മഴവില്ല് മരീചികയായ്
മഞ്ഞുറയും മേഘങ്ങൾ മഴതൂവി
മാരുതൻ മുത്തിയ മുടിയിഴകൾ
മാടിയൊതുക്കി മാറോടുചേരൂ മമസഖീ

ജയൻ വിജയൻ
31/10/2016