ഹേമന്തം

ഹിമകണം പോലെന്തു വർണ്ണരാജി!
ഹിമപാളിപോലെന്തു ശബളാഭയും!
ഹിമവാന്റെ പുത്രിപോൽ ഭാഗ്യരേണു.
ഹിമശൃംഗമുത്തുംഗ പ്രൗഢഭംഗി.

ഹിമശീതളം നീല നയനദ്വയം,
ഹിമസാഗരം പോലഗാധഗൂഢം!
ഹിമപാളിയുരുകിപ്രവാഹമായ്‌ ഗംഗ,
ഹിമവാഹിനി, പുണ്യ മനമോഹിനി.

ഹിമമായുറഞ്ഞൊരീ മനസിന്റെ താഴ്‌വര
ഹിമകാലമായിനിയെത്ര കാലം!
ഹിമബിന്ദുഹാരമായിനിയെന്നു നീവരും,
ഹിമവാനുമിളകുന്ന കാലമാമോ?

മുരളീകൃഷ്ണൻ