നല്ലെഴുത്ത്

The biggest ever archive in Malayalam Literature. 2.5 crores pageviews, 14000+ creations, 2000+authors and adding on....

New Books

Post Top Ad

Your Ad Spot

മരണവ്യാപാരികൾ

Image may contain: 1 person

കല്ലുകൾ കൂട്ടിയുരച്ചു തീ കത്തിച്ച
കാലത്ത് നമ്മൾ മനുഷ്യരത്രേ..!
വയറെരിഞ്ഞപ്പോഴും വെന്തമാംസം
മാത്രം ഭോജിച്ചിരുന്ന മനുഷ്യരത്രേ...!
അന്യഗ്രഹത്തിലിരുന്നിന്നു നാം തമ്മിൽ
ഉന്നം തൊടുക്കും ശരത്തിലെല്ലാം
പച്ച മാംസത്തിന്റെ ഗന്ധം പരത്തു-
വാനുത്തമമായ രസക്കൂട്ടുകൾ
കാണുന്നതൊക്കെയും കാഴ്ച്ചക്കു മാത്രമീ,
പൊള്ളച്ചിരികളിന്നുള്ളു ശൂന്യം.
വെള്ളം കൊടുക്കുമാ കൈകൾക്കു പോലു-
മിന്നുള്ളം കൊടുക്കാത്ത നാടകങ്ങൾ.
വംശീയതക്ക് നിറം പകർന്നാടുന്ന
മരണ വ്യാപാരികളിന്നു നമ്മൾ
രുധിര പാനത്തിനാലുൻമത്തമാം മനം, 
കരുതി വയ്ക്കുന്നതിതു, മോക്ഷമാർഗ്ഗം..?
ലാഭങ്ങളില്ലാതെ ലോകമില്ല,യെന്നാൽ
പോകുന്ന കൈകളൊഴിഞ്ഞു തന്നെ..
കാലങ്ങളെത്ര കടന്നു പോയി 
മനക്കോലങ്ങളീവിധമാർക്കു വേണ്ടി..?
© രാജേഷ്.ഡി..✍️

No comments:

Post a Comment

ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക

Post Top Ad

Your Ad Spot