ഈ സീരിസിന് നിങ്ങൾ വായനക്കാർ നൽകുന്ന പ്രോത്സാഹനത്തിന് നന്ദി പറഞ്ഞുകൊണ്ട് ഇന്നത്തെ പോസ്റ്റിലേക്ക് വരാം 
ഈ ഇടയ്ക്കു എന്റെ മനസ്സിൽ വന്ന സംശയം ഗംഗയുടെ രോഗം നകുലൻ അറിയുന്നതിന് തൊട്ടുമുൻപുള്ള രംഗങ്ങളെ കുറിച്ചായിരുന്നു. അതായതു സണ്ണി രാത്രി നകുലനെയും കൂട്ടി കഥകളി കാണാൻ പോവുന്ന രംഗവും കഥകളി നടക്കുന്നതിനിടക്കുള്ള രംഗവും അത് കഴിഞ്ഞു ഗംഗ അവിടെ നിന്ന് പോയി മഹാദേവനെ പ്രാപിക്കാൻ ശ്രമിക്കുന്ന രംഗവും .എന്നാൽ പിന്നെ ആ സംശയങ്ങൾ തീർക്കാം എന്ന് വിചാരിച്ചതിലും നിന്നുണ്ടായ പോസ്റ്റ് ആണിത് .
ആദ്യം സണ്ണി നകുലനെയും കൂട്ടി കഥകളിക്കു പോകുന്ന രംഗം എടുക്കാം ,ഇവിടെ എന്ത് കൊണ്ടാണ് തന്റെ ജോലിയിൽ വ്യാപൃതനായിരുന്ന നകുലനെ നിർബന്ധിച്ചു കഥകളി കാണാൻ കൊണ്ട് പോകുന്നത് ?
കാരണം അമ്പലത്തിൽ കഥകളി നടക്കുന്നതിനാൽ എല്ലാവരും അവിടേക്കു പോയിട്ടുണ്ടെന്ന് സണ്ണി നകുലനോട് പറയുന്നുണ്ട് .അതിൽ നിന്നും സണ്ണിയും നകുലനും മാത്രമേ ആ സമയം മാടമ്പള്ളിയിൽ ഉള്ളൂ എന്ന് നമ്മൾക്ക് അനുമാനിക്കാം .സണ്ണി കഥകളി കാണാൻ പോയാൽ നകുലൻ ഒറ്റക്കാവുകയും ചിലപ്പോൾ ആ സമയത്തിനുള്ളിൽ ഗംഗയിലെ ചിത്തരോഗി ഉണർന്നു നകുലനെ കൊല്ലാൻ വരുമെന്നും സണ്ണി കണക്കുകൂട്ടിയിരിക്കണം . അതുകൊണ്ടു തന്നെയായിരിക്കണം നകുലനെയും കൂട്ടി സണ്ണി കഥകളികാണാൻ അമ്പലത്തിൽ പോവുന്നത്, കാരണം ആൾക്കൂട്ടത്തിൽ വച്ച് നകുലനെ നാഗവല്ലി ഒന്നും ചെയ്യില്ല എന്ന് സണ്ണി കണക്കുകൂട്ടിയിരിക്കാം.
ഇനി അടുത്ത രംഗം അരങ്ങിൽ കർണ ശപഥം കഥകളി നടക്കുന്നതും അത് ആസ്വദിക്കുന്ന സദസും ആണ് കാണിക്കുന്നത് .ആ സദസിൽ വരുന്ന സണ്ണി ഇടയ്ക്കിടയ്ക്ക് ഗംഗയെ നോക്കുമ്പോൾ ഗംഗ വളരെ ശ്രദ്ധയോടെ കഥകളിയിൽ മുഴുകി ഇരിക്കുന്നത് കാണാം .അപ്പോഴാണ് ഒരു സംശയം വെറുതെ മനസ്സിലൂടെ കടന്നു പോയത് .ഗംഗ അത്ര ശ്രദ്ധയോടെ വീക്ഷിക്കുന്ന ഈ കഥകളിക്കു നാഗവല്ലിയുമായി എന്തെകിലും ബന്ധം ഉണ്ടോ എന്നത് കാരണം നാഗവല്ലിയുടെ ഒരു തീക്ഷണത ഗംഗയുടെ കണ്ണുകളിൽ കാണാം എന്നത് തന്നെ .അതിനു വേണ്ടി കർണ ശപഥം കഥകളിയുടെ വിശദംശങ്ങൾ നെറ്റിൽ തപ്പി എടുത്തു.കുറച്ചു സുഹൃത്തുക്കളോടും ചോദിച്ചു .
ഇവിടെ ചിത്രത്തിൽ കാണിക്കുന്ന കഥകളി രംഗത്തിന്റെ കഥ എന്നത് മഹാഭാരത യുദ്ധം അതിന്റെ തീവ്രതയിൽ എത്തി നിൽക്കുമ്പോൾ ദുര്യോധനന്റെ ഭാര്യ ഭാനുമതി ദു:ഖിതയാകുന്നു. അസംഖ്യം യോദ്ധാക്കൾ മരിച്ചു വീണു കഴിഞ്ഞു, ഇനിയും എത്ര മരിക്കാൻ തയാറായി നിൽകുന്നു. ശൃംഗാര ചേഷ്ടകൾ കാണിച്ചു അടുത്തു നിൽകുന്ന തന്റെ കാന്തന്റെ ജീവൻ തന്നെ എത്ര നാൾ ഉണ്ടാവും എന്നോറ്ത്തു ഭാനുമതി വിലപിക്കുന്നു. എല്ലാം പുച്ഛിച്ചു തള്ളി തന്റെ പത്നിയെ സമാധാനിപ്പിക്കാൻ ദുര്യോധനൻ ശ്രമിക്കുന്നു എന്നതാണ് .
ഇനി ഇതെങ്ങനെ ഗംഗയിലെ ചിത്തരോഗിയെ സ്വാധീനിക്കുന്നു എന്ന് നോക്കാം.കുട്ടികാലത്തെ മുത്തശ്ശി പറഞ്ഞ കഥകളും പുരാണങ്ങളും പുള്ളുവൻ പാട്ടും എല്ലാം ഗംഗയുടെ അബോധമനസ്സിൽ ഉണ്ട് . ഈ ഓർമ്മകൾ സാധാരണ നിലയിൽ അവൾക്കു ഓർക്കാൻ കഴിഞ്ഞെന്നു വരില്ല . ഉദാഹരണത്തിന് നമ്മളുടെ കുട്ടിക്കാലത്തു നടന്ന പല സംഭവങ്ങളും നമ്മൾക്ക് ഓര്മ കാണില്ലല്ലോ . എന്നാൽ യഥാർത്ഥത്തിൽ ഈ ഓർമ്മകൾ എല്ലാം അബോധമനസ്സിൽ ഉണ്ട് . പക്ഷെ അത് ഓര്മ കിട്ടണമെങ്കിൽ സമാനസാഹചര്യം നമ്മൾക്ക് അനുഭവപ്പെടേണ്ടി വന്നാലേ പറ്റൂ. ഈ ഒരു സൈക്കോളജി ആണ് ഗംഗക്കും ഉള്ളത്. അവളുടെ അബോധമനസ്സിലെ പല കാര്യങ്ങളും വീണ്ടും ഓര്മ വരാൻ ഈ കഥകളിയും ചമയങ്ങളും പുരാണ കഥകളും എല്ലാം കാരണം ആകുന്നുണ്ടാകാം. ഇതെല്ലാം ഗംഗയിലെ ചിത്തമനസ്സു കണ്ടെടുക്കുന്ന അതിശക്തമായ കോഡുകൾ ആണ് .
ഇവിടെ ഈ കഥകളി രംഗം അവളെ എങ്ങനെ സ്വാധീനിക്കുന്നു എന്ന് നമുക്കൊന്നു നോക്കാം.
ഇവിടെ ദുര്യോധനൻ യുദ്ധത്തിന് പോകാൻ തയ്യാറെടുക്കുമ്പോൾ വിരഹ ഭാവത്തിൽ തന്റെ കാന്തനോട് ഭാനുമതി പരിഭവം പറയുന്നുണ്ട് .അപ്പോൾ ശൃംങ്കാരഭാവത്തിൽ ആണ് ദുര്യോധനൻ ഉള്ളത് .അങ്ങനെ വരുമ്പോൾ ഗംഗയിലെ ചിത്തരോഗി ദുര്യോധനന്റെ സ്ഥാനത്തു രാമനാഥൻ അല്ലെങ്കിൽ മഹാദേവനെയും ഭാനുമതിയുടെ സ്ഥാനത്തു തന്നെ തന്നെയും സങ്കൽപ്പിക്കുന്നു .എന്നാൽ അല്ലിയുമായി വിവാഹം ഉറപ്പിച്ചിരിക്കുന്നതുകൊണ്ടു മഹാദേവൻ തനിക്കു നഷ്ടപ്പെടാൻ പോവുകയാണ് എന്ന് നാഗവല്ലിക്ക് തോന്നുന്നു .അതിൽ നിന്ന് എങ്ങനെയും തന്റെ കാമുകനെ നേടിയെടുത്ത തീരു എന്ന തീരുമാനത്തിൽ ഗംഗയുടെ ഉപബോധമനസ്സു എത്തുകയും സ്വാഭാവികമായും ഗംഗ നാഗവല്ലിയായി മാറുകയും ചെയ്യുന്നു .
ഇവിടെ വേറൊരു കാര്യം ശ്രദ്ധിക്കേണ്ടത് കഥകളിയിൽ ഉപയോഗിച്ചിരിക്കുന്ന വാദ്യങ്ങൾ ഗംഗയിലെ ചിത്തരോഗിയെ ഉണർത്താൻ കഴിയുന്നതാണ് .കൂടാതെ അപ്പോൾ കേൾക്കുന്ന വാദ്യോപകരണങ്ങളുടെ ശബ്ദം നാഗവല്ലിയുടെ പഴയ നൃത്തത്തിൽ ഉപയോഗിക്കുന്ന വാദ്യോപകരണങ്ങളുടെ ശബ്ദവുമായി സാമ്യത ഉള്ളതുകൊണ്ടും പ്രേത്യേകിച്ചു മദ്ദളം കൂടാതെ കഥകളിയിൽ ഉപയോഗിച്ചിരിക്കുന്ന ചമയങ്ങൾ വർണങ്ങൾ ചിലങ്കകൾ മുദ്രകൾ ഇവ എല്ലാവും നാഗവല്ലിയുടെ നൃത്ത ഓർമകളെ ഉണർത്തുന്നതാണ് . ഇതൊക്കെ കൊണ്ട് തന്നെ ആണ് അത്രമേൽ കഥകളിയിൽ ശ്രദ്ധിച്ചിരിക്കുന്ന ഗംഗയെ ആ രംഗത്തിൽ അങ്ങനെ കാണിക്കുന്നതും.
ഈ കാരണങ്ങൾ കൊണ്ട് നാഗവല്ലിയായി മാറുന്ന ഗംഗ നേരെ പോകുന്നത് മഹാദേവന്റെ അടുത്തേക്കാണ് കാരണം ശൃംഗാരര്ഭാവത്തിലുള്ള ദുര്യോധനന്റെ വേഷം അവളുടെ മനസ്സിൽ ഉള്ളതുകൊണ്ട് തന്നെ .അങ്ങനെ മഹാദേവന്റെ അടുത്തെത്തുന്ന ഗംഗ മഹാദേവനെ പ്രാപിക്കാൻ ശ്രമിക്കുകയും ഇത് കാണാൻ ഇടയാക്കുന്ന നകുലൻ മഹാദേവനെ തെറ്റിദ്ധരിക്കുകയും ചെയ്യുന്നു പിന്നെ ഉള്ളത് ചിത്രത്തിൽ വിശദികരിച്ചിട്ടുള്ളത് കൊണ്ട് ഇനി അതിലേക്കു പോകുന്നില്ല .
കഥകളിയെ കുറിച്ചുള്ള വിവരങ്ങൾ പറഞ്ഞു തന്ന പ്രിയ സുഹൃത്ത് അഖിലേഷ് നമ്പൂതിരി ക്കു ഈ അവസരത്തിൽ നന്ദി പ്രകാശിപ്പിച്ചുകൊണ്ടു നിര്ത്തുന്നു നന്ദി
തുടരും ..
No comments
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക