മൗനദുഃഖങ്ങൾ

കരുതലിൻ കരമിന്നു കുതറി നീയെങ്ങോട്ട്
വഴി കണ്ടുവോ മിഴിയിന്നൊരിണ കണ്ടുവോ..
ചുഴികൾ മറച്ചുകൊണ്ടതിശയം കാട്ടുന്ന- 
പുഴയുടെ മാറിൽ സുഖം കണ്ടുവോ..

വൈകുമ്പോഴിരു നെഞ്ച് പിടയുന്ന കണ്ടുവോ
വഴിയിൽ തിരയും മിഴി കണ്ടുവോ..
ഉണ്ണാതുറങ്ങാതുയിർ കൊണ്ടനാൾ മുതൽ
കണ്ണാൽ വളർത്തിയോരുണ്ടെന്നറിഞ്ഞുവോ.

വിറയ്ക്കും കരങ്ങൾ നിൻ പാദങ്ങൾ തേടവേ-
നിനച്ചിരുന്നോ നീയുമമ്മയാവും.
നിണം പൊട്ടിയൊഴുകുന്ന മിഴികളിൽ കണ്ടുവോ
തപിക്കും പിതാവിൻ മൗനദുഖങ്ങളെ ...

തപിക്കും പിതാവിൻ മൗനദുഖങ്ങളെ....

By: Viju Kannapuram