കവിത സ്വാർത്ഥത(എൻ്റേത്)

നിനക്കുഞാനാരായിരുന്നു ചൊല്ലൂ...
നിനക്കുഞാനാരായിരുന്നു....

കുളിരു നൽകും തൂമഞ്ഞിൻപുതപ്പോ...

ദാഹം തീർക്കും കാട്ടരുവിയോ...

ചൂടുതിർക്കും പ്രഭാതരശ്മിയോ..

എന്നെനീയറിഞ്ഞീലയെപ്പൊഴും...

തലോടിയില്ല...നീ...ചേർത്തണച്ചീല...

നിൻ തലോടലെൻ കരുത്തെന്നറിഞ്ഞിട്ടും...

ജന്മങ്ങൾ നിൻ്റെ കാൽകീഴിൽ വെച്ചിട്ടും....

എന്നെ നീയറിഞ്ഞീലയെപ്പൊഴും....

ആ വിരൽത്തുമ്പെങ്കിലുമേകലവ്യനെപ്പോൽ
തരുമോ നീ ...

മോഹിക്കുന്നു...പാടില്ലെന്നറിഞ്ഞിട്ടും.

പ്രണയം പഠിപ്പിച്ചയീയെനിക്കായ്...

തരുമോ...മടിയാതെ...
വിരൽത്തുമ്പൊന്ന്....

എന്നേക്കുമായെൻ
തിരുനെറ്റിയിൽ സൂര്യനായ്....
ചേർത്തുവെച്ചീടുവാൻ
------------------------
NB:
(ഏത് സങ്കടക്കടൽ താണ്ടാനുമാകുമാ വിരലിൻ തൂവൽ സ്പർശമേറ്റാൽ)

12.12.2017
Sreeja Jayachandran