എനിക്ക് പറയുവാനുള്ളത് ...

എനിക്ക് പറയുവാനുള്ളത് ...

നിളയുടെ കരയിൽ
തണല് പരത്തും
തരുവിനുമുണ്ട് 
തഴച്ച വിഷാദം ...

നിറവിൻ മറവിൽ
നിഴലായ് നീറും ചില്ലകൾ
ചീന്തി എറിഞ്ഞവർ നിങ്ങൾ. .

മണ്ണിൻ മടിയിൽ തടയണ ഏകിയ വേരുകൾ. ..

സ്വാർത്ഥത തീർത്തൊരു മഴുവിൻ ശൗര്യം തീർത്തു തകർത്തുറയുക അല്ലേ നിങ്ങൾ...

മഴമേഘങ്ങൾ മായുകയല്ലേ
മല മേടുകളും ചാരുതയും കളകളം ഇളകും അരുവികളും പുളകം ചാർത്തും കുരുവികളും
അരുണിമയേകും പൂവുകളും ..

ഊഷര മാനവ മാനസമെന്ന പോൽ ഈർഷ്യ ചുരന്നു തുരത്തുകയല്ലേ ...

മരുഭൂവിൽ മദ ഗന്ധമുണർത്തി
മണിമാളികകൾ കെട്ടി ഉയർത്തി ....

കുരുതി കൊടുക്കുകയല്ലേ നിങ്ങൾ ....

കരുതുക ....!

സ്വർഗ്ഗ പൂങ്കാവനമിതു
പൊരുതുക കൊഴിയാതെ അഴകുവഴിഞ്ഞിട്ട് ഇതൾ വിരിയട്ടെ പോയ വസന്തം ...!

ജി.....